Երևանի քաղաքապետարան

Երևանի քաղաքապետարանը համայնքային ծառայություններ իրականացնող պետական մարմին, որի նպատակն ու խնդիրն ավագանու և քաղաքապետի լիազորությունների լիարժեք և արդյունավետ իրականացման, ինչպես նաև քաղաքացիական իրավահարաբերություններին ավագանու և քաղաքապետի մասնակցության ապահովումն է։ Երևանի քաղաքապետը և ավագանին քաղաքապետարանի միջոցով համակարգում Երևանի ենթակայության հիմնարկների, առևտրային և ոչ առևտրային կազմակերպությունների գործունեությունը, կազմակերպում հանրապետական գործադիր մարմինների և դրանց՝ Երևանի տարածքային ծառայությունների հետ հարաբերությունները։

Քաղաքապետարանը ստեղծվում, վերակազմակերպվում և նրա գործունեությունը դադարեցվում է ավագանու որոշմամբ։ 

Երևանում տուրքերի հավաքագրումը նախորդ տարվա համեմատ ավելի է 220 մլն դրամով

Երևանում տուրքերի հավաքագրումը նախորդ տարվա համեմատ ավելի է 220 մլն դրամով

2019թ. մայիսին Երևանի վարչական շրջաններում տեղական տուրքերի գանձումները ստուգելու նպատակով հսկողություն է իրականացվել շուրջ 600 օբյեկտում: Աշխատանքային հերթական խորհրդակցության ժամանակ քաղաքապետին զեկուցվել է, որ ստուգումների արդյունքում առևտրի և սպասարկումների ոլորտում տեղական տուրքերի հավաքագրումը նախորդ տարվա նույն ժամանակահատվածի համեմատ ավելի է 220 մլն դրամով: Զեկուցվել է նաև, որ առանց թույլտվության գործունեություն իրականացնելու շուրջ 120 դեպքի կապակցությամբ հարուցվել է վարչական վարույթ, իսկ բացօթյա ապօրինի առևտուր իրականացնելու համար՝ 74: Ամենօրյա ստուգայցեր են իրականացվում նաև շինհրապարակներ: Քաղաքապետին զեկուցվել է, որ շինարարական հրապարակների ոչ պատշաճ կազմակերպման համար նախորդ շաբաթ կազմվել է 20 արձանագրություն: «Թափառող կենդանիների վնասազերծման կենտրոն» ՀՈԱԿ-ի տնօրենը զեկուցել է, որ նախորդ շաբաթվա ընթացքում կլինիկա է բերվել 67 շուն, որից երկուսը ի պահ են վերցրել կենդանասերները, երկուսը, ըստ մասնագետների ցուցումի, քնեցվել են, 63-ը ստերջացվել և բաց են թողնվել նույն հասցեներում: Զեկուցվել է նաև, որ երբեմն որոշ քաղաքացիներ խոչընդոտում են կենտրոնի աշխատանքը՝ թույլ չտալով իրականացնել շների հավաքման գործընթացը: Նշենք, որ Երևանում թափառող կենդանիների հավաքման, նախնական զննման, պատվաստման և ստերջացման ծրագիրն իրականացնում է համայնքային կենտրոնը, որի աշխատանքը մասնագիտորեն հիմնավորված է և անվտանգ կենդանիների համար: Գործընթացն իրականացվում է հատուկ տարբերանշանով մեքենաներով և համապատասխան համազգեստով մասնագետների կողմից: Կենտրոնն, ի դեպ, շների հավաքման նպատակով ձեռք է բերել երկու նոր ավտոմեքենա և անհրաժեշտ ողջ դեղորայքը: Առաջիկա շաբաթներին աշխատանքների ծավալը կմեծանա. նախատեսվում է ստերջացնել և պատվաստել շաբաթական մոտ 100 շուն:  Մայիս ամսին Երևանի մետրոպոլիտենը տեղափոխել է 1 մլն 730 հազար 559 ուղևոր: Քաղաքապետին զեկուցվել է, որ շարժակազմերի քանակի ավելացման և կատարված ժամանակացույցի փոփոխության արդյունքում նախորդ տարվա նույն ժամանակահատվածի համեմատ այս ցուցանիշն ավելի է 30 հազար 712 ուղևորով:
15:05 - 03 հունիսի, 2019
Դուք բացառապես չեք հասցնում այս քաղաքը սպասարկել. քաղաքապետը՝ «Սանիթեք»-ին

Դուք բացառապես չեք հասցնում այս քաղաքը սպասարկել. քաղաքապետը՝ «Սանիթեք»-ին

Երևանի քաղաքապետարանից տեղեկացնում են, որ ձեռք բերած նոր աղբատար մեքենաները մայրաքաղաքի տարբեր վարչական շրջաններում սահմանված ժամանակացույցով աղբահանության աշխատանքներ են իրականացնում: Աշխատանքային հերթական խորհրդակցության ժամանակ քաղաքապետին զեկուցել են, որ ընտրվում են այն վարչական շրջանները, որտեղ այդ պահին աղբահանությունը խնդրահարույց վիճակում է: «Այս կերպ հնարավորություն է ստեղծվել մայրաքաղաքում հնարավորինս շտկել աղբահանության կազմակերպման հետ կապված ներկա վիճակը: Առաջիկայում քաղաքը ձեռք կբերի ևս առնվազն 20 աղբատար: Անդրադառնալով «Սանիթեք» ընկերության աշխատանքին՝ քաղաքապետ Մարությանը հերթական անգամ հորդորել է կատարել պայմանագրային պարտավորությունները, թարմացնել ավտոպարկն ու ապահովել աղբամանների անհրաժեշտ քանակը: «Դուք բացառապես չեք հասցնում այս քաղաքը սպասարկել: Իրապես, բացի նոր բերած 200 աղբամաններից, ես քաղաքում չտեսա մի աղբաման, որը կարող էինք թողնել: Բոլորը փոխելու ենթակա են: Մենք ձեզանից ունենք նամակ, համաձայն որի 1500 աղբաման պետք է բերվեր և կար ստույգ գրաֆիկ դրա հետ կապված: Եվս մեկ անգամ կհորդորեմ, որ բերեք նոր աղբամաններ, նոր ավտոմեքենաներ, որպեսզի կարողանաք սպասարկել Երևանը: Այս պարկով, այս աղբամաններով Երևանը հնարավոր չէ բավարար կերպով սպասարկել»,– ընդգծել է քաղաքապետը: Զեկուցվել է նաև, որ աղբատար մեքենաների բնականոն և անխափան աշխատանքն ապահովելու նպատակով Նուբարաշենի աղբավայրում իրականացվել են ասֆալտապատման աշխատանքներ: «Կարծում եմ՝ սա լավագույն այն օրինակն է, թե քաղաքային իշխանություններն ինչպես են ստեղծում պայմաններ, որպեսզի բոլոր ընկերություններն աշխատեն հանգիստ և նորմալ: Խոսքը միայն «Սանիթեք» ընկերության մասին չէ, կան հարյուրավոր ընկերություններ, որոնք օգտվում են աղբավայրից», – ասել է քաղաքապետը»,- ասված է հաղորդագրությունում:  
13:58 - 27 մայիսի, 2019
Երևանի համար կարևոր նախագծերը կներկայացվեն քաղշին խորհուրդ․ Հայկ Մարության

Երևանի համար կարևոր նախագծերը կներկայացվեն քաղշին խորհուրդ․ Հայկ Մարության

Երևանի համար կարևոր հիմնական նախագծերը կներկայացվեն քաղաքապետին կից քաղաքաշինական խորհրդի քննարկմանը: Այդ մասին հայտարարել է քաղաքապետ, խորհրդի նախագահ Հայկ Մարությանը Երևանի քաղաքապետին կից քաղաքաշինական նոր խորհրդի անդրանիկ նիստում:Նա համոզմունք է հայտնել, որ որոշումները կկայացվեն բազմակողմանի քննության արդյունքում: Կարևորելով մասնագիտական թիմի գործունեությունը՝ նիստը վարող Մարությանը նկատել է, որ խորհրդի աշխատանքը հնարավորություն կտա քաղաքն առաջ տանել ճիշտ ուղղությամբ:Անդրանիկ նիստում խորհրդի քննարկմանը 2 էսքիզ-առաջարկ էր ներկայացված՝ Պարոնյան 15 հասցեում բազմաբնակարան բնակելի շենքի և Բարբյուսի 66 հասցեում, Կիևյան կամրջի հարևանությամբ բազմաֆունկցիոնալ շենքի կառուցման: Երկու կառույցների վերաբերյալ հնչեցին տարբեր կարծիքներ, առաջարկներ ու դիտարկումներ: Ճարտարապետները մի քանի խնդիրներ նշեցին հարկայնության ու կանաչ գոտիների ստեղծման հետ կապված: Քվեարկության արդյունքում միաձայն որոշում կայացվեց առաջին էսքիզ-առաջարկն ուղարկել վերամշակման, իսկ երկրորդը մերժվեց ձայների ճնշող մեծամասնությամբ:«Այսօր մենք շատ կարծրատիպեր քանդում ենք նաև քաղաքաշինական ոլորտում, իհարկե` ոչ թե մասնագիտական, այլև մոտեցումների առումով, և բնականաբար, մենք պետք է նաև զսպող մեխանիզմներ ունենանք: Մենք, այո՛, բոլորին թույլտվություններ ենք տալիս, ասում ենք շատ լավ է, եկեք արեք շինարարություն, գնանք առաջ, բայց Երևան քաղաքը պետք է իր ոճը ունենա, ընդհանրապես տրամաբանությունն ունենա, որտեղ ենք մենք, ուր ենք գնալու և ինչ ճանապարհ ենք ուզում անցնել, և ի վերջո ինչ ենք ուզում ստանալ»,-նշել է քաղաքապետը:«Մեծ նախագծերը, կարևոր նախագծերը, հանրային մեծ հնչեղություն ունեցող նախագծերը մենք անպայման կուզենանք, որ մտնեն քաղաքաշինական խորհուրդ, որպեսզի առավել լայն կերպով քննարկվեն, հնարավորին շատ կարծիքներ հնչեն, լավագույն մասնագետների կարծիքները հնչեն, և այդ բոլոր կարծիքների հիման վրա էլ ձևավորվի մի կարծիք, որով մենք կշարունակենք գնալ առաջ: Յուրաքանչյուր որոշում այսուհետ չի լինելու միանձնյա, կներեք, որ այսպես եմ ասում, որովհետև շատ հաճախ առաջներում դա այդպես էր արվում, միանձնյա որոշում էր կայացվում, և շատ հաճախ ոչ մասնագիտական, այլ քաղաքական որոշումներ էր կայացվում: Այս խորհուրդը լինելու է հենց մասնագիտական կարծիքի գեներատոր՝ Երևան քաղաքի կարևոր կառույցների ու յուրաքանչյուր մեծ նախագծերի համար»,- ընդգծել է Հայկ Մարությանը, հայտնում է քաղաքապետարանի մամուլի ծառայությունը:Երևանի քաղաքապետին կից քաղաքաշինական նոր խորհրդում ընդգրկված են տարբեր սերունդների փորձառու ճարտարապետներ: Ինչպես տեսնում եք, կազմը բավականին փոխված է, և մենք նախկին քաղաքաշինական խորհուրդը վերընտրելու փոխարեն որոշեցինք այս անգամ գնալ մի փոքր ուրիշ ճանապարհով. քաղաքաշինական խորհրդի մեջ ընդգրկել այն ճարտարապետներին, որոնք ունեն արդեն բավականին հետաքրքիր փորձառություն, հետաքրքիր կառույցներ և ունեն բավականին հետաքրքրիր վերաբերմունք ու մոտեցում բոլոր այն խնդիրներին, որ այսօր առկա են մեր առջև: Սա չի լինելու այն խորհուրդը, որի շնորհիվ ճարտարապետները հնարավորություն կունենան հավելյալ պատվերներ ստանալու, ես կարծում եմ՝ դուք այն աստիճանի կայացած մարդիկ եք, որ այդ խնդիրը չունեք»,- նշել է Երևանի գլխավոր ճարտարապետը:
08:12 - 27 մայիսի, 2019
«Դալմայի այգիներ» կոչվող հողատարածքի 8 հողօգտագործող հայցադիմում է ներկայացրել Վարչական դատարան՝ ընդդեմ Երևանի քաղաքապետարանի |tert.am|

«Դալմայի այգիներ» կոչվող հողատարածքի 8 հողօգտագործող հայցադիմում է ներկայացրել Վարչական դատարան՝ ընդդեմ Երևանի քաղաքապետարանի |tert.am|

tert.am: «Դալմայի այգիներ» կոչվող հողատարածքի 8 հողօգտագործող 2019 թ. մարտ ամսին հայցադիմում է ներկայացրել Վարչական դատարան՝ ընդդեմ Երևանի քաղաքապետարանի և պահանջում են, որ այգիների նկատմամբ իրենց իրավունքները վերականգնվեն։ Հողօգտագործողների շահերը ներկայացնող փաստաբան Արայիկ Պետրոսյանը հրավիրված ասուլիսին նշեց, որ 94-95 թթ. վարձակալության պայմանագրերի հիման վրա 10 տարի ժամկետով համահայցորդները տիրապետել և օգտագործել են ընդհանուր առմամբ 6,57 հա հողատարածքը: Ժամանակի ընթացքում՝ 2000-ականներից սկսած, դիմել են Երևանի քաղաքապետարան, որ հողակտորները օտարվեն իրենց։ Մինչդեռ, ըստ նրա, այս ընթացքում որևէ արձագանք չեն ստացել, փոխարենն արդեն տեղեկացել են, որ 2019 թ. հողն օտարվել է ԵՊՀ շրջանավարտների միավորում ՀԿ-ին, և այդ տարածքում կառուցվելու է «Վերածնունդ» երիտասարդական ավանը։ Արայիկ Պետրոսյանը նշեց, որ Երևանի քաղաքապետարանը մի շարք օրենքների խախտումով է օտարել «Դալմայի այգիներ» հողատարածքները, կանաչապատ տարածքները, որոնք այժմ կառուցապատվում են: «Քաղաքապետարանը հողատարածքը վաճառել է առանց աճուրդի, առանց փաստացի հողօգտագործողներին տեղյակ պահելու: 457 մլն դրամով է վաճառվել, ստացվում է 1 քմ-ն վաճառվել է մոտ 7000 դրամով և միգուցե աճուրդով վաճառվելու դեպքում ավելի մեծ գումարներ քաղաքային բյուջե մտներ»,-ասաց նա և նշեց, որ պահանջում են, որ վաճառքն անվավեր ճանաչվի, հողատարածքները ձեռք բերեն այգիները մշակող հողօգտագործողները, կամ նրանց այլ վայրում տրամադրվեն հողեր կամ փոխհատուցում:
09:32 - 25 մայիսի, 2019
Հանրային քննարկում՝ նախագահի նստավայրը «Հանրապետության տուն» անվանակոչելու վերաբերյալ

Հանրային քննարկում՝ նախագահի նստավայրը «Հանրապետության տուն» անվանակոչելու վերաբերյալ

Երևանի քաղաքապետարանն առաջարկում է հունիսի 17-ին՝ ժամը 17:00-ին, քաղաքապետարանում հանրային քննարկում անցկացնել՝ հանրապետության նախագահի նստավայրը «Հանրապետության տուն» անվանակոչելու վերաբերյալ։ Նշենք, որ սա նաև Երևանի ավագանու որոշման նախագիծ է։ Երևանի քաղաքապետարանը հանրային լսման հրավերի և անվանափոխման հիմնավորումների մասին նախագիծ է ներկայացրել իրավական ակտերի նախագծերի հրապարակման միասնական կայքում։ Քաղաքապետարանի փոխանցմամբ՝ նախագահի նստավայրը «Հանրապետության տուն» անվանակոչելու առաջարկ իրենց ներկայացրել է նախագահի աշխատակազմի ղեկավարը։ Նստավայրի անվանափոխումը պայմանավորված է այն հանգամանքով, որ նախագահն ու իր աշխատակազմը մարտի 1-ից Մաշտոցի պողոտայի 47 հասցեից տեղափոխվել են նախագահական նստավայրի վարչական շենք: Այնտեղ աշխատասենյակ է նախատեսվել նաև վարչապետի համար, ինչպես նաև նրան ընձեռված է արարողակարգային նշանակության դահլիճներից օգտվելու հնարավորություն:Նախագահի աշխատակազմը ծրագրում է այդ շենքի դահլիճներում, ինչպես նաև հարակից տարածքում իրականացնել մշակութային միջոցառումներ, այդ թվում՝ համերգներ, ցուցահանդեսներ, շնորհանդեսներ և այլ միջոցառումներ:«Հաշվի առնելով նախագահական նստավայրի նկատմամբ առկա ծրագրերը և նպատակները, ինչպես նաև անվանակոչման արդյունքում դրա նշանակության վերաիմաստավորումը՝ նպատակահարմար է գտնվել անվանակոչման հարցը ներկայացնել Երևան քաղաքի ավագանու քննարկմանը»,-քաղաքապետարանին հայտնել է նախագահի աշխատակազմը:
06:21 - 22 մայիսի, 2019
Կենդանաբանական այգու ուսումնասիրությունները կհրապարակվեն նախաքննությունից հետո, հնարավոր է տնօրենի փոփոխություն. Փոխքաղաքապետ |aysor.am|

Կենդանաբանական այգու ուսումնասիրությունները կհրապարակվեն նախաքննությունից հետո, հնարավոր է տնօրենի փոփոխություն. Փոխքաղաքապետ |aysor.am|

aysor.am։ Մայիսի 15-ին Երևանի քաղաքապետի տեղակալ Տիգրան Վիրաբյանը հանդիպել է «Կենդանասերների նախաձեռնող խմբի» անդամների հետ, որոնք տևական ժամանակ պահանջում են կենդանաբանական այգու տնօրենի հրաժարականը, այս մասին  տեղեկանում ենք Երևանի քաղաքապետարանի պաշտոնական կայքից: Տեղեկատվության մեջ նշված է, որ կենդանասերներին հետաքրքրել են այգում իրականացրած ուսումնասիրությունների արդյունքները, կառավարման խորհրդի ձևավորման ընթացքն ու կազմը, նաև՝ այգու ներկա տնօրենի լիազորությունների դադարեցման հնարավոր տարբերակը:«Խոսելով Երևանի քաղաքապետի հանձնարարությամբ ստեղծված աշխատանքային խմբի իրականացրած ուսումնասիրությունների մասին՝ Տիգրան Վիրաբյանը նշել է, որ արդյունքների մասին հանրությունը մանրամասն կիրազեկվի: Փոխքաղաքապետը նաև ավելացրել է, որ դրանք կհրապարակվեն նախաքննության ավարտից հետո միայն: Անդրադառնալով կենդանասերների՝ քաղաքապետարան ուղղած հարցադրումներին՝ Տիգրան Վիրաբյանն ընդգծել է.«Ցանկացած հարց, որ գրավոր ուղարկվել է մեզ, ուսումնասիրվել է, այդ թվում՝ ինչպես փասթաթղթային խնդիրների, այնպես էլ կենդանիների անկման հետ կապված հարցերը: Ի դեպ, վերջինով զբաղվում է առանձին մասնագիտացված կառույց: Ոսւումնասիրությունների վերաբերյալ տրվել են նաև համապատասխան գնահատականներ, որոնք անպայման կտրամադրվեն ձեզ», - նշել է Վիրաբյանը: Կենդանաբանական այգու կառավարման խորհրդի ստեղծման առնչությամբ փոխքաղաքապետը նկատել է՝ հաշվի առնելով, որ խորհրդի անդամները ոչ ֆորմալ առումով դառնալու են այգու կառավարիչներ, պետք է ընտրվեն այնպիսի մարդիկ, որոնք ոչ միայն կունենան մասնագիտական փորձ և կլինեն կենդանասերներ, այլև կպատկերացնեն այգու հետագա զարգացումն ու կվայելեն հանրության վստահությունը:Տնօրենի լիազորությունների դադարեցման վերաբերյալ քաղաքապետի տեղակալը շեշտել է, որ այս առումով ասելիք կլինի միայն նախաքննության ավարտից հետո: «Չնայած այս պահին ընթանում է նախաքննություն, սակայն, մենք փնտրում ենք կենդանաբանական այգու ղեկավար կազմը փոփոխելու ճանապարհներ, ինչի մասին տեղյակ է նաև անձամբ Ռուբեն Խաչատրյանը», - ավելացրել է Տիգրան Վիրաբյանը:Կենդանասերները նշել են, որ իրենց հարցադրումներում կան որոշակի հստակեցումներ, սակայն իրենք կսպասեն ուսումնասիրությունների արդյունքներին: «Կա խնդիր, որն օրհասական է և դա կենդանիների շարունակական անկումն է: Մենք գտնում ենք, որ առավել նպատակահարմար է ժամանակավորապես դադարեցնել տնօրենի լիազորությունները՝ նախքան նախաքննության ավարտը», - նշել է «Կենդանասերների նախաձեռնող խմբի» համակարգող Արմեն Ումրշատյանը:«Մենք հրաժարվել ենք դիմումներ գրել տալու կամ զանգով աշխատանքից ազատելու մեխանիզմներից: Լիազորությունների դադարեցումը, հեռացումը կամ նշանակումը պետք է լինի միայն իրավական բավարար հիմքեր ունենալու և օրենքով մեզ տրված լիազորությունների շրջանակում: Ցավոք, ես չեմ կարող լիազորությունների դադարեցման հիմքում դնել այն, որ պարոն Խաչատրյանը չի վայելում կենդանասերների սերն ու հարգանքը: Սա՝ զուտ իրավական տեսանկյունից: Բայց նաև ուզում եմ վստահ լինեք, որ մենք կարևորում ենք ձեր ներկայությունն ու անհանգստությունն այս խնդրի շուրջ: Ստեղծված իրավիճակի ու անհանգստության մասին զրուցել ենք նաև այգու աշատակիցների հետ հանդիպումների ժամանակ, որոնք անցել են անմիջական մթնոլորտում՝ առանց տնօրենի մասնակցության: Աշխատակիցների մեծամասնությունն, ի դեպ, նշում էր, որ աշխատանքային մթնոլորտն առողջ է և իրենք դեմ են տնօրենի ազատմանը», - ընդգծել է Տիգրան Վիրաբյանը:Փոխքաղաքապետը նաև տեղեկացրել է, որ քաղաքապետարանն այժմ նախաձեռնել է այգու ցանկապատի ամրացման նախագծանախահաշվային աշխատանքները», - ասված է Երևանի քաղաքապետարանի պաշտոնական էջում:
12:09 - 16 մայիսի, 2019
Երեւանի քաղաքապետարանը մերժե՞լ է Մյասնիկյան պողոտայում վերգետնյա անցում կառուցելու ներդրողի առաջարկը |armtimes.com|

Երեւանի քաղաքապետարանը մերժե՞լ է Մյասնիկյան պողոտայում վերգետնյա անցում կառուցելու ներդրողի առաջարկը |armtimes.com|

armtimes.com։ Մայիսի 11-ին Մյասնիկյան պողոտայում՝ «Բելաջիո» ռեստորանային համալիրի հարեւանությամբ մահվան ելքով վրաերթ էր տեղի ունեցել: «Գազել» ավտոմեքենայի վարորդը վրաերթի էր ենթարկել տարածքում բնակվող հետիոտնին: Վրաերթի հարեւանությամբ բնակվող քաղաքացիները փակել էին ճանապարհը՝ պահանջելով, որ Երեւանի քաղաքապետարանը վերջապես իր տված խոստումը կատարի եւ նշված վայրում վերգետնյա անցում կառուցի:Քաղաքացի Արթուր Մարդոյանը պատմեց, որ ամիսներ առաջ ներդրող է եղել, որը ցանկացել է այդտեղ վերգետնյա անցում կառուցել, սակայն քաղաքապետարանը ինչ-ինչ պատճառներով ձգձգել է պրոցեսը: Մարդոյանը պատմեց, որ հեղափոխության օրերին, երբ հավաքվում էին Ֆրանսիայի հրապարակում կամ Հանրապետության հրապարակում, յուրաքանչյուր մարդ խոսում էր այն թեմայից, որն իր համար ցավոտ է եղել: «Այդ օրերին ես ակամայից իմացա, որ Մյասնիկյան պողոտայում՝ «Բելաջիո»-ից վերեւ՝ չհասած Կենդանաբանական այգի, կա երկկողմանի կանգառ, այդտեղ կան սեփական տների բնակիչներ, ովքեր իջնում են կանգառ եւ ոչ մի այլընտրանք չկա՝ փողոցը անօրինական անցնելուց բացի: Նրանք չեն կարող բարձրանալ, Նոր Նորքից շրջվել կամ իջնել, Շրջանայինից շրջվել: Այդ օրերին, երբ բնակիչներն ինձ դա պատմեցին, ես խորհուրդ տվեցի, որ սպասեն, երբ արդեն նոր իշխանություն կձեւավորվի եւ կանցնեն իրենց աշխատանքին՝ եկեք ես էլ ձեզ կօգնեմ, միասին գնանք, ես էլ իմ անձնական խնդիրներն ունեմ, կդիմենք ու հույս ունենանք, որ այդ հարցերին լուծում կտրվի: Պայմանավորվեցինք: 2018 թվականի հունիս-հուլիս-օգոստոս ամիսներին գրավոր դիմեցինք քաղաքապետարան: Մեզ պատասխանեցին, որ ունեն ծրագիր՝ 2 տարվա ընթացքում նախատեսել են 2 հատ վերգետնյա անցում կառուցել՝ 1 հատ այդ հատվածում, 1 հատ էլ Ջրաշխարհի մոտ: Այդ դիմումի պատասխանը ստանալուց հետո նորից դիմեցինք քաղաքապետարան, նշեցինք, որ կա մարդ, ով այդ օրերին շատ սրտացավ էր ու պատրաստ էր գումար ներդնել ինչ-որ մի լավ գործի համար: Այդ ամեն ինչից ելնելով՝ նորից դիմեցինք Երեւանի քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժնի պետ Արբակ Վարդանյանին՝ նշելով, որ այդ հարցերը մենք կարող ենք կարգավորել: Միայն մեզ քաղաքապետարանի կողմից նախագիծ տվեք, որ հետո չստացվի, թե այս նախագիծը լավը չի, այն նախագիծը լավը չի: Դուք դրանք տվեք, ֆինանսական առումով մենք կկազմակերպենք՝ արագ կառուցելու համար: Մենք նշել էինք, որ ամեն վայրկյան կարող է մարդ զոհվել: Օրինակ բերեցի, երբ քաղաքային տրանսպորտն ընկավ երեւանյան լիճ, ընկնելուց հետո նոր բերեցին պարիսպ անցկացրեցին այդ հատվածում: Նրանք դարձյալ ասացին, որ այդ ամեն ինչն իրենց նախագծում կա, հիմա այլ գործերով են զբաղված»,- պատմեց Մարդոյանը:Քաղաքացին նշում է, որ դրանից հետո դիմել են այն ժամանակ դեռեւս առաջին փոխվարչապետի պաշտոնը զբաղեցնող Արարատ Միրզոյանին. «5 օրվա ընթացքում պատասխան ստացանք քաղաքապետարանից, որ եկեք՝ նստեք զրուցենք, քանի որ փոխվարչապետը նրանց հանձնարարական էր տվել: Մյասնիկյանի պողոտայի բնակչի հետ հանդիպեցինք Արբակ Վարդանյանին, նորից ջուր ծեծոցի եղավ: Ես ասացի՝ դուք հստակ նախագիծ տվեք, ես ներդրողին տամ, դա արագ է պետք անել»:Ավելին՝ armtimes.com
11:59 - 15 մայիսի, 2019
Մեսչյան. Կասկադի վերին հատվածը պետք է հնարավորինս շուտ կառուցապատվի |panarmenian.net|

Մեսչյան. Կասկադի վերին հատվածը պետք է հնարավորինս շուտ կառուցապատվի |panarmenian.net|

panarmenian.net։ Կասկադի վերին հատվածը պետք է հնարավորինս շուտ կառուցապատվի: Այդ մասին քաղաքապետարանում հրավիրված մամուլի ասուլիսի ժամանակ հայտարարել է Երևանի գլխավոր ճարտարապետ Արթուր Մեսչյանը։«Կասկադի վերևի փոսորակն ու հարակից տարածքը պետք է հնարավորինս շուտ կառուցապատվի։ Եթե սեփականատերը՝ Գաֆէսճեան ընտանիքը, մտադրություն չունի կառուցապատել, մեր խնդրանքն է, որ վաճառեն»,-ասել է նա։Երևանի գլխավոր ճարտարապետ Արթուր Մեսչյանը քաղաքապետարանում լրագրողների հետ հանդիպմանը ասել է, որ մինչև 2019 թվականի հունվար մտադիր են ավարտել մետրոյի նոր կայարանի նախագծային աշխատանքները:Մեսչյանը նշել է, որ այդ դեպքում 2020 թվականի սկզբից կմեկնարկեն շինարարական աշխատանքները:«Կսկսենք կամուրջից, կամուրջն ավարտելուց հետո դրա վրա կտեղավորվի կայարանը, դրանից հետո արդեն կապը կամուրջից դեպի Բարեկամության կայարան։ Որ ասեմ հեշտ խնդիր է, շատ բարդ է։ Ընդհանրապես, մետրոպոլիտենն իր տեխնոլոգիայով բավական բարդ համակարգ է, և տարբեր ոլորտների մասնագետների ներգրավվածություն է պետք ունենալ, և մենք աշխատում ենք այդ մասնագետների հետ․ որպեսզի վերջնականապես ճշտենք մետրոպոլիտենի քաղաքականությունը, բոլոր նրբությունները, որ կապված են դրա հետ»,- հավելեց մայրաքաղաքի գլխավոր ճարտարապետը։
08:25 - 15 մայիսի, 2019
Արթուր Մեսչյանը պատասխանեց աշխատավարձերի բարձրացման մասին հարցին |tert.am|

Արթուր Մեսչյանը պատասխանեց աշխատավարձերի բարձրացման մասին հարցին |tert.am|

tert.am։ «Եթե մոտակա ժամանակներում իմ իրավասության տակ գտնվող բաժինների աշխատավարձերը չբարձրանան, ժամը 6-ին բոլորին ուղարկելու եմ տուն»: Այս մասին այսօր քաղաքապետարանում կազմակերպված ասուլիսի ժամանակ հայտարարեց Երևանի գլխավոր ճարտարապետ Արթուր Մեսչյանը: «Ոչ ոք ժամը 6-ից հետո աշխատավայրում չի լինելու, էլ չեմ խոսում շաբաթ կամ կիրակիի մասին: Այն բոլոր բաժինները, որոնք իմ կուռացիայի տակ են, գիշերվա մինչև 11-ն աշխատում են: Մեկ էլ հեռուստատեսությունով լսում են բավականին անդուր նախադասություններ իրենց աշխատանքի վերաբերյալ...մի քանի կոպեկ աշխատավարձը, որ պետք է ավելանա կամ չավելանա, ճիշտն ասած, դա այդքան ազնիվ չէ»,- նշեց Արթուր Մեսչյանը:Երևանի գլխավոր ճարտարապետի խոսքով՝ իր աշխատակիցները նախատեսված աշխատաժամից ավելի են մնում, որովհետև աշխատանքի ծավալը մեծացել է 3 անգամ, իսկ աշխատակազմը մնացել է նույնը: Ավելին՝ tert.am
08:01 - 15 մայիսի, 2019
Երևանում վերելակների սպասարկման վճարը կարող է ավելանալ 20-30 տոկոսով |armenpress.am|

Երևանում վերելակների սպասարկման վճարը կարող է ավելանալ 20-30 տոկոսով |armenpress.am|

armenpress.am։ Երևանում վերելակների առկա ֆոնդի փոխանակման, բարելավման ծրագիրն ավարտական փուլում է, և քաղաքապետարանը կառավարություն կդիմի ֆինանսական մոդելի հաստատման նպատակով: Այս մասին լրագրողների հետ հանդիպմանն ասաց Երևանի քաղաքապետի տեղակալ Հայկ Սարգսյանը՝ հավելելով, որ վերելակների վերանորոգման, վերազինման ֆոնդը ենթադրում է ավելի քան 30 միլիարդ դրամ: «Սա 3600 վերելակի տոտալ փոխարինման ընդհանուր ֆոնդն է, ինչը չունի Երևանի բյուջեն: Մոդելը ենթադրում է վերելակների փոխարինում և վերելակների փոխարինման նպատակով ծախսվող միջոցների փոխհատուցում 20-25 տարիների ընթացքում»,-ասաց նա:Փոխքաղաքապետի խոսքով` միջին վիճակագրական բնակարանը վերելակների համար ամսական 1600 դրամ է վճարում: «Մենք դիտարկել ենք 1600 դրամը և այն կարող է 20-30 տոկոսով բարձրանալ: Մայրաքաղաքում շահագործվող վերելակների գրեթե 70 տոկոսը ավելի քան 40 տարվա ծառայության ժամկետ են անցել»,-նշեց նա:Հայկ Սարգսյանն ասաց, որ այսօր արդեն քաղաքապետը հանձնարարական է տվել` վերելակների նախնական պիլոտային փոխարինման համար: 1100 վերելակների տեխնիկական գնահատում է իրականացվել, որոնց թվում 31 վերելակ ենթակա չէ շահագործման»,-հավելեց նա:Անդրադառնալով Աջափնյակ վարչական շրջանում օրեր առաջ վերելակի հետ կապված դեպքին, փոխքաղաքապետն ասաց, որ վերելակի անկում տեղի չի ունեցել: «Վերելակի դռները բացվել են առաջին հարկում, սակայն վերելակի չորս ճոպաններից մեկը պոկվել է և դրա համար կանգառը կտրուկ է տեղի ունեցել»,-պարզաբանեց բանախոսը:
12:31 - 13 մայիսի, 2019