Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

ԱՆԻՖ-ը և «Մասդար»-ը պլանավորում են Հայաստանում ևս մեկ 200 Մվտ հզորությամբ արևային կայանի կառուցման առաջարկ անել |armenpress.am|

ԱՆԻՖ-ը և «Մասդար»-ը պլանավորում են Հայաստանում ևս մեկ 200 Մվտ հզորությամբ արևային կայանի կառուցման առաջարկ անել |armenpress.am|

armenpress.am: Հայաստանի հետաքրքրությունների պետական ֆոնդը (ԱՆԻՖ) և արաբական «Մասդար» ընկերությունը պլանավորում են աշնանն առաջարկել Դաշտադեմում և Թալինում 200 Մվտ հզորությամբ արևային ֆոտովոլտային կայանի կառուցմանը զուգահեռ նույն հզորությամբ ևս մեկ կայանի ներդրում: Այս մասին ասաց Հայաստանի հետաքրքրությունների պետական ֆոնդի գլխավոր տնօրեն Դավիթ Փափազյանը: «Մենք՝ «Մասդար»-ի և ԱՆԻՖ-ի թիմը, աշնանը ևս 200 Մվտ-ի կառուցման առաջարկ ենք ներկայացնելու Տարածքային կառավարման և ենթակառուցվածքների նախարարությանը: Դա ամենայն հավանականությամբ կլինի էլ ավելի էժան սակագնով, քան այս պայմանագրով է ֆիքսվել  (նկատի ունի Արագածոտնի մարզի Թալին և Դաշտադեմ համայնքներում կառուցվելիք 200 Մվտ հզորությամբ կայանի պայմանագիրը-խմբ.)»,-ասաց Փափազյանն ու պարզաբանեց՝ այսինքն 2.99 ցենտից էժան: Ֆոնդի տնօրենը հիշեցրեց, որ փոփոխություններ են արվել Պետություն-մասնավոր գործընկերության մասին օրենքում: «Եթե օրենքը նախկինում շատ բարդ էր, և իմ անձնական կարծիքով թափանցիկ պատ էր հանդիսանում ՀՀ-ում այս ֆորմատով ներդրումներ անելու համար, ապա վերջերս ընդունված փոփոխությունները հնարավորություն են տալիս երկկողմանի բանակցություններով այս մասշտաբի ծրագրեր իրականացնել»,-ասաց Փափազյանը: Նոր 200 Մվտ հզորությամբ կայանի տեղն արդեն պլանավորել են, այն կլինի Արագածոտնից ոչ հեռու։ Ավելին՝ armenpress.am-ում
09:57 - 23 հուլիսի, 2021
Իրանն ու ԵԱՏՄ-ն ազատ առևտրի համաձայնագրի կնքման բանացկություններ են սկսում |civilnet.am|

Իրանն ու ԵԱՏՄ-ն ազատ առևտրի համաձայնագրի կնքման բանացկություններ են սկսում |civilnet.am|

civilnet.am: Հուլիսի 21-ին Թեհրանում Եվրասիական տնտեսական միության և Իրանի միջև կայացել է ազատ առևտրի մասին համաձայնագրի կնքման հարցերով բանակցային պատվիրակությունների հանդիպումը: Այն կփոխարինի 2019-ի հոկտեմբերից գործող ժամանակավոր համաձայնագրին, որը կնքված էր եռամյա ժամկետով: Ինչպես հաղորդում է Եվրասիական տնտեսական հանձնաժողովի (ԵՏՀ) մամուլի ծառայությունը, միջոցառման ընթացքում մասնակիցները քննարկել են առաջիկա բանակցություններին տեխնիկական առաջադրանքի նախագիծը, ինչպես նաև կարծիքներ են փոխանակել փաստաթղթի հնարավոր լրացման շուրջ: «Հանդիպման արդյունքներով պայմանավորվածություններ են ձեռք բերվել ընթացիկ ժամանակավոր համաձայնագրի համեմատ մեր փոխգործակցության նոր խնդիրների՝ ապրանքային ընդգրկման ընդլայնման, ոլորտային համագործակցության աջակցության և պետական գնումների անցկացման թափանցիկության բարձրացման վերաբերյալ, ինչպես նաև այն մասին, որ հաշվի առնելով երկու կողմերի բանակցությունների նկատմամբ մոտեցումների նմանությունը, աշխատանքի էական ծավալը կարող է իրականացվել սեղմ ժամկետում»,- նշել է ԵՏՀ առևտրի նախարար Անդրեյ Սլեպնևը: Նշվում է, որ համաձայնագրի կնքման շուրջ բանակցությունների ամբողջական ձևաչափով առաջին փուլը նախատեսված է ընթացիկ տարվա սեպտեմբերին: 2019-ից գործող ազատ առևտրի համաձայնագիրը դրական ազդեցություն է ունեցել ԵԱՏՄ-ի և արևմտյան պատժամիջոցների տակ գտնվող Իրանի միջև առևտրային կապերի ակտիվացման հարցում: Այսպես, 2020-ին ԵԱՏՄ-ի և Իրանի միջև ապրանքաշրջանառությունն աճել է 18,5 տոկոսով՝ 2019-ի ցուցանիշների համեմատությամբ՝ հասնելով 2,9 մլրդ դոլարի: 2021-ի հունվար-մարտ ամիսներին Իրանի հետ ԵԱՏՄ երկրների ապրանքաշրջանառությունը 2020-ի նույն ժամանակահատվածի համեմատ աճել է 33,8 տոկոսով: ԵԱՏՄ երկրներից Իրան արտահանումը 2021-ի առաջին եռամսյակում նախորդ տարվա նույն ժամանակահատվածի համեմատ աճել է 43,5 տոկոսով, իսկ ներմուծումը՝ 20 տոկոսով: Իրանի հետ ԵԱՏՄ-ի առևտրում ամենամեծ մասնաբաժինը պատկանում է Ռուսաստանին (78,6 տոկոս): Ղազախստանի մասնաբաժինը 11,2 տոկոս է, Բելառուսի մասնաբաժինը՝ 0,7 տոկոս, Հայաստանի մասնաբաժինը՝ 8,9 տոկոս, Ղրղզստանի մասնաբաժինը՝ 0,7տոկոս։ Եվրասիական տնտեսական միությունը և Իրանը 2018-ի մայիսին ժամանակավոր համաձայնագիր էին կնքել ազատ առևտրի գոտու մասին, որն ուժի մեջ է մտել 2019-ին: Բանակցությունների արդյունքում, որոնք սկսվել են 2016 թվականից, պայմանավորվածություն է ձեռք բերվել փոխադարձ առևտրում ներմուծման մաքսատուրքերի նվազեցման մասին՝ երեք տարի ժամկետով ԵԱՏՄ անդամ պետությունների և Իրանի միջև հաստատված մի շարք ապրանքների նկատմամբ:
12:19 - 22 հուլիսի, 2021
Մեկնարկել են ԵԱՏՄ և Իրանի միջև ազատ առևտրի համաձայնագրի շուրջ բանակցությունները |armenpress.am|

Մեկնարկել են ԵԱՏՄ և Իրանի միջև ազատ առևտրի համաձայնագրի շուրջ բանակցությունները |armenpress.am|

armenpress.am: Թեհրանում մեկնարկել է Եվրասիական տնտեսական միության և դրա անդամ երկրների ու Իրանի Իսլամական Հանրապետության միջև ազատ առևտրի մասին համաձայնագրի կնքման հարցերով համապատասխան պատվիրակությունների հանդիպումը: Կնքվելիք համաձայնագիրը փոխարինելու է 2019 թվականի հոկտեմբերին կնքված Ժամանակավոր համաձայնագրին: Այս մասին հայտնել է Եվրասիական տնտեսական հանձնաժողովի արարողակարգի և կազմակերպչական ապահովման վարչությունը: Եվրասիական տնտեսական հանձնաժողովի առևտրի հարցերով նախարար Անդրեյ Սլեպնևը հայտնել է, որ հանդիպման արդյունքներով ձեռք են բերվել պայմանավորվածություններ փոխգործակցության նոր խնդիրների քննարկման վերաբերյալ, որոնք առնչվում են ապրանքային ծածկույթի ընդլայնմանը, արդյունաբերական համագործակցության աջակցմանը, պետական գնումների թափանցիկության ավելացմանը: Համաձայնագրի կնքման համար առաջին ամբողջական ձևաչափով բանակցությունների փուլը նախատեսված է այս տարվա սեպտեմբերին:
19:38 - 21 հուլիսի, 2021
Իրանի նորընտիր նախագահը շնորհավորել է Ալիևին «գրավյալ տարածքների ազատագրության» կապակցությամբ |civilnet.am|

Իրանի նորընտիր նախագահը շնորհավորել է Ալիևին «գրավյալ տարածքների ազատագրության» կապակցությամբ |civilnet.am|

civilnet.am։ Իրանի նորընտիր նախագահ Էբրահիմ Ռայիսին շնորհավորել է Իլհամ Ալիևին «գրավյալ տարածքների ազատագրության» կապակցությամբ: Այս մասին հայտնում է իրանական Mehr գործակալությունը` հղում կատարելով Բաքվում Իրանի դեսպանատանը։ Էբրահիմ Ռայիսին նախագահ ընտրվելու կապակցությամբ իրեն ուղղված շնորհավորական ուղերձին ի պատասխան, իր հերթին շնորհավորել է Իլհամ Ալիևին «գրավյալ տարածքների ազատագրության», դրանք Ադրբեջանի Հանրապետության վերահսկողության տակ վերադարձի և ընդհանուր սահմանի վերականգման կապակցությամբ: Իրանի նորընտիր նախագահը հույս է հատնել, որ նոր պայմաններում երկկողմ համագործակցությունը կնպաստի տարածաշրջանի անվտանգությանը: Ռայիսին Իրան-Ադրբեջան կապերը «եղբայրական ու բարեկամական» է  բնութագրել։ Նա ընդգծել է, որ դրանք ունեն ընդհանուր պատմական և մշակութային հենք:  
16:20 - 15 հուլիսի, 2021
Երկու երկրների փոխգործակցության խորացումն անխուսափելի է. Իրանի նախագահն ուղերձ է հղել Նիկոլ Փաշինյանին

Երկու երկրների փոխգործակցության խորացումն անխուսափելի է. Իրանի նախագահն ուղերձ է հղել Նիկոլ Փաշինյանին

Իրանի Իսլամական Հանրապետության նորընտիր նախագահ Սեյեդ Էբրահիմ Ռայիսին ուղերձ է հղել Հայաստանի Հանրապետության վարչապետի պաշտոնակատար Նիկոլ Փաշինյանին: Այս մասին տեղեկացնում է Իրանում Հայաստանի դեսպանությունը: «Բարձր եմ գնահատում Ձեր անկեղծ շնորհավորանքն իմ՝ որպես Իրանի Իսլամական Հանրապետության նախագահ ընտրվելու կապակցությամբ: Իրանի Իսլամական Հանրապետության և Հայաստանի Հանրապետության միջև կապերը հիմնված են երկու ազգերի մշակութային վաղեմի հարաբերությունների վրա, որոնք մշտապես եղել են բարեկամական: Միջազգային և տարածաշրջանային խնդիրների հարցում երկու երկրների նույնատիպ և մոտ դիրքորոշումները, որոնք ուղեկցվել են կառուցողական համագործակցությամբ, մեր հարաբերությունների կարևորության ցուցիչն են: Ընդհանուր մարտահրավերներն անխուսափելի են դարձրել երկու երկրների փոխգործակցության խորացումը՝ հանուն տարածաշրջանում խաղաղության ապահովման և կայունության պահպանման»,-ասված է ուղերձում:  Իրանի նախագահը հույս է հայտնել, որ առաջիկա ժամանակահատվածում կկարողանան սիներգիայի սկզբունքով ազդեցիկ քայլեր իրականացնել տարբեր ոլորտներում համագործակցության հիմքերի ամրապնդման ուղղությամբ: «Մաղթում եմ Ձեզ առողջություն և երջանկություն, իսկ Հայաստանի Հանրապետության կառավարությանն ու ժողովրդին՝ հաջողություն և բարօրություն»,-ասված է Իրանի նախագահի ուղերձում:
15:58 - 15 հուլիսի, 2021
Իրանում պատրաստ են ազատելու ամերիկացի բանտարկյալներին ԱՄՆ-ում իրանցի կալանավորների փոխարեն |armenpress.am|

Իրանում պատրաստ են ազատելու ամերիկացի բանտարկյալներին ԱՄՆ-ում իրանցի կալանավորների փոխարեն |armenpress.am|

armenpress.am: Իրանը պատրաստ Է ազատ արձակելու ամերիկացի բանտարկյալներին ԱՄՆ-ում իրանցի կալանավորների ազատման փոխարեն: Այդ մասին հուլիսի 13-ին կայացած մամուլի ասուլիսում հայտարարել Է Իրանի կառավարության պաշտոնական ներկայացուցիչ Ալի Ռաբիին: «Մենք պատրաստ ենք ազատ արձակելու ամերիկացի բանտարկյալներին իրանցի կալանավորների ազատման փոխարեն,- մեջբերում Է Ռաբիի խոսքը Fars գործակալությունը: Մենք բոլոր իրանցի կալանավորներին, ովքեր ԱՄՆ-ի պահանջով ազատազրկված են աշխարհի որ երկրում Էլ որ լինի, դիտում ենք որպես իրանցի կալանավորների Միացյալ Նահանգներում»: Նախօրյակին Իանի արտգործնախարարության պաշտոնական ներկայացուցիչ Սայիդ Խաթիբզադեն հայտնել Է, որ Թեհրանը բանակցություններ Է վարում ԱՄՆ-ի հետ այնտեղ պահվող իր քաղաքացիների հարցի շուրջը: Նա չի ճշտել, թե ինչ ձեւով են ընթանում բանակցությունները: Հունիսին Իրանի խորհրդարանում ստացվել Է որոշման նախագիծ ԱՄՆ-ի հետ ցանկացած բանակցությունների արգելքի մասին: Ավելի վաղ Խաթիբզադեն ասել Է, որ Իրանն ուղղակի երկխոսություն չի վարում ԱՄՆ-ի հետ բանտակյալների փոխանակման շուրջը: Նրա խոսքով՝ Թեհրանն ԱՄՆ-ի կողմից ուղերձներ Է ստացել Շվեյցարիայի դեսպանության միջոցով, որը նեկայացնում Է Վաշինգտնի շահերը, այդ ուղղությամբ աշխատելու՝ ամերիկացիների պատրաստակամության մասին, հաղորդել Է ՏԱՍՍ-ը:
14:57 - 13 հուլիսի, 2021
Իրանի նախագահը չի բացառել երկրում կորոնավիրուսի հինգերորդ ալիքի բռնկումը |armenpress.am|

Իրանի նախագահը չի բացառել երկրում կորոնավիրուսի հինգերորդ ալիքի բռնկումը |armenpress.am|

armenpress.am: Իրանում կորոնավիրուսի վարակով պայմանավորված իրադրությունը վատանում է, երկրում հիվանդության հինգերորդ ալիքի բռնկման հավանականություն կա: Այս մասին հայտարարել է Իրանի Իսլամական Հանրապետության նախագահ Հասան Ռոուհանին: Նա տեղեկացրել է, որ երկրի հարավային և հարավ-արևելյան հատվածներում սկսել է տարածվել կորոնավիրուսի «Դելտա» շտամը: Ռոուհանին նշել է, որ թեպետ իրենք կարող են օրական պատվաստել մինչև 500 հազար քաղաքացու, սակայն անհրաժեշտ է պահպանել բոլոր կանխարգելիչ միջոցառումները՝ կանխելու վիրուսի հետագա տարածումը: «Հնարավոր է՝ հինգերորդ ալիքն արդեն սկսվել է»,- ասել է նախագահը: Իշխանությունները կորոնավիրուսի չորրորդ ալիքի մասին հայտարարել էին 2021 թվականի ապրիլի սկզբին: Իրանում կորոնավիրուսով վարակվածների ընդհանուր թիվը կազմում է 3.3 մլն մարդ, մահացել է 85.6 հազարը:
17:54 - 10 հուլիսի, 2021
Հայաստանն ու Իրանը կհամագործակցեն համատեղ ֆիլմարտադրության նպատակով

Հայաստանն ու Իրանը կհամագործակցեն համատեղ ֆիլմարտադրության նպատակով

Իրանում ՀՀ արտակարգ և լիազոր դեսպան Արտաշես Թումանյանը հուլիսի 7-ին հանդիպել է «Ֆարաբի» կինոյի հիմնադրամի տնօրեն Ալիռեզա Թաբեշին: Կողմերը զրուցել են երկու երկրների մշակութային  ամուր կապերի մասին և ընդգծել կինոյի ոլորտում համագործակցության կարևորությունը՝ ազգային ֆիլմերի ցուցադրության, համատեղ ֆիլմարտադրության, փառատոններին մասնակցության և այլ աշխատանքների կազմակերպման համատեքստում: Այս մասին հաղորդարություն է զետեղվել Իրանում ՀՀ դեսպանության «Ֆեյսբուք»-ի պաշտոնական էջում: Զրուցակիցները գոհունակություն են հայտնել կինոյի ոլորտում համագործակցության ուղղությամբ կատարված մեծ աշխատանքի կապակցությամբ՝ առանձնացնելով Հայաստանի ազգային կինոկենտրոնի, «Ֆարաբի» հիմնադրամի, «Ոսկե ծիրան» և «Ֆաջր» փառատոնների, ինչպես նաև այլ կառույցների արդյունավետ համագործակցությունը: Անդրադարձ է եղել ընթացիկ տարում տեղի ունենալիք կինոփառատոններին (Երևանում՝ «Ոսկե ծիրան», Սպահանում՝ «Մանկապատանեկան ֆիլմերի 34-րդ միջազգային փառատոն») փոխադարձ մասնակցության հնարավորությանը: Զրույցի ընթացքում քննարկվել է նաև իրանահայության ունեցած էական դերն իրանական կինոյում՝ կարևորելով այդ ուղղությամբ գնահատանքի միջոցառումների կազմակերպումը:  
18:24 - 08 հուլիսի, 2021
Ռուսաստանը, Իրանը եւ Թուրքիան Իսրայելին կոչ են արել դադարեցնելու ռազմական հարձակումները Սիրիայում |armenpress.am|

Ռուսաստանը, Իրանը եւ Թուրքիան Իսրայելին կոչ են արել դադարեցնելու ռազմական հարձակումները Սիրիայում |armenpress.am|

armenpress.am: Աստանայի գործընթացի երաշխավոր երկրները (Ռուսաստան, Իրան եւ Թուրքիա) Իսրայելին կոչ են արել դադարեցնելու ռազմական հարձակումները Սիրիայում: Այդ մասին ասված Է ՌԴ-ի, Իրանի եւ Թուրքիայի համատեղ հայտարարության մեջ, որն ընդունվել Է Աստանայի ձեւաչափով Սիրիային նվիրված 16-րդ միջազգային հանդիպման արդյունքներով: «Դատապարտեցինք Իսրայելի շարունակվող ռազմական հարձակումները Սիրիայում, որոնք խախտում են միջազգային իրավունքը, Սիրիայի եւ հարեւան երկրների ինքնիշխանությունը, սպառնում են տարածաշրջանի կայունությանն ու անվտանգությանը, եւ կոչ արեցինք դադարեցնելու դրանք»,- ասված Է փաստաթղթում: Կողմերը նաեւ համոզմունք են հայտնել, որ սիրիական հակամարտությունը ռազմական լուծում չունի: «Հավաստեցինք կենսունակ եւ երկարաժամետ քաղաքական գործընթացի առաջմղման՝ մեր հանձնառությունը, որը ՄԱԿ-ի աջակցությամբ իրականցնում են իրենք իսկ սիրիացիները ՄԱԿ-ի Անվտանգության խորհրդի թիվ 2254 բանաձեւին համապատասխան, հաղորդել Է ՏԱՍՍ-ը:
14:33 - 08 հուլիսի, 2021