ՆԱՏՕ

Հյուսիսատլանտյան դաշինքի կազմակերպությունը Հյուսիսատլանտյան պայմանագիրը ստորագրած անդամ-երկրների ստեղծած ռազմաքաղաքական կազմակերպությունն է, որը նպատակ է հետապնդում հավաքական անվտանգության և պաշտպանություն պարտականությունների իրականացումը։ Հիմնադրվել է 1949 թ․ ապրիլի 4-ին։ Հաճախ անվանում են ՆԱՏՕ՝ անգլերեն բառերի հապավումից։

ՆԱՏՕ-ին անդամակցում են 29 երկիր, որոնցից 27-ը եվրոպական են, երկուսը՝ հյուսիս-ամերիկյան: Հյուսիսատլանտյան դաշինքի որոշում կայացնող գլխավոր մարմինը Հյուսիսատլանտյան դաշինքի խորհուրդն է, իսկ միջազգային բարձրագույն պաշտոնյան՝ ՆԱՏՕ-ի գլխավոր քարտուղարը։

Զելենսկին բաց կթողնի ՆԱՏՕ-ի գագաթնաժողովը, եթե Ուկրաինային չհրավիրեն միանալու դաշինքին. Ժովկվա |1lurer.am|

Զելենսկին բաց կթողնի ՆԱՏՕ-ի գագաթնաժողովը, եթե Ուկրաինային չհրավիրեն միանալու դաշինքին. Ժովկվա |1lurer.am|

1lurer.am: Ուկրաինան վերջնագիր է ներկայացրել ՆԱՏՕ-ին: Նախագահ Զելենսկու գրասենյակի ղեկավարի տեղակալ Իգոր Ժովկվան հայտարարել է, որ պետության ղեկավարը չի մասնակցի Վիլնյուսում դաշինքի հուլիսյան գագաթնաժողովին, եթե անդամակցության հրավեր չստանա։ Այս մասին հայտնում է Reuters-ը։ «Հայտը դրված է ՆԱՏՕ-ի դաշնակից երկրների ղեկավարների սեղաններին: Վիլնյուսի գագաթնաժողովը շատ լավ սկիզբ կլիներ այս խնդրանքին արձագանքելու համար։ Իսկ պատասխան ասելով՝ նկատի ունենք անդամակցության հրավերը, որը միայն առաջին փուլն է»,- ասել է Զելենսկու գրասենյակի ղեկավարի տեղակալը։ Ավելի վաղ Գերագույն ռադան ՆԱՏՕ-ին կոչ էր արել պարտավորություններ ստանձնել՝ դաշինքում Ուկրաինային տեղ հատկացնելու համար։ Բացի այդ, պատգամավորները խնդրել են ճանաչել «Ուկրաինայի՝ ՆԱՏՕ-ին անդամակցության գործողությունների ծրագրի փուլն անցնելու աննպատակահարմարությունը»։ Նման տեսակետ էր հայտնել նաև Մեծ Բրիտանիայի պաշտպանության նախարար Բեն Ուոլեսը: Նա հայտարարել էր, որ ՆԱՏՕ-ն պետք է պարզեցնի Ուկրաինայի անդամակցության ընթացակարգը՝ արագացնելու երկրի՝ Հյուսիսատլանտյան դաշինք մտնելու գործընթացը։

13:14 - 30 հունիսի, 2023

ՆԱՏՕ-ն հետեւում է ՌԴ-ում տեղի ունեցող իրադարձություններին, բայց դրանք համարում է նրա ներքին գործը․ Ստոլտենբերգ
|news.am|

ՆԱՏՕ-ն հետեւում է ՌԴ-ում տեղի ունեցող իրադարձություններին, բայց դրանք համարում է նրա ներքին գործը․ Ստոլտենբերգ |news.am|

news.am: ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը հետեւում է Ռուսաստանում տեղի ունեցող իրադարձություններին եւ դրանք համարում է նրա ներքին գործը։ «Մենք հետեւում ենք Ռուսաստանում իրավիճակին։ Հանգստյան օրերին տեղի ունեցած իրադարձությունները Ռուսաստանի ներքին գործն են։ Բայց դա նաեւ նախագահ Պուտինի կողմից թույլ տրված մեծ ռազմավարական սխալի եւս մեկ ցուցադրություն է»,- Լիտվա կատարած այցի ժամանակ, ասել է նա։ Հունիսի 23-ի երեկոյան «Վագներ» մասնավոր ռազմական ընկերության հիմնադիր Եվգենի Պրիգոժինը Telegram-ի իր ալիքում հայտարարել էր, որ իր ստորաբաժանումներն, իբր, հարձակման են ենթարկվել, և դրա համար մեղադրել էր Ռուսաստանի Դաշնության ռազմական ղեկավարությանը։ ՌԴ ՊՆ-ն այս տեղեկությունը որակել էր կեղծ։ «Վագներ»-ի ստորաբաժանումները, որոնք աջակցում էին Պրիգոժինին, շարժվել էին Դոնի Ռոստով և դեպի Մոսկվա: ՌԴ Անվտանգության դաշնային ծառայությունը քրեական գործ է հարուցել զինված ապստամբության հրահրման փաստով, ՌԴ նախագահ Վլադիմիր Պուտինը հեռուստաուղերձում «Վագներ»-ի գործողությունները դավաճանություն է անվանել։ Ավելի ուշ Վլադիմիր Պուտինի համաձայնությամբ Բելառուսի նախագահ Ալեքսանդր Լուկաշենկոն բանակցություններ էր վարել Պրիգոժինի հետ, որի արդյունքում մասնավոր ռազմական ընկերությունը հանել էր շարասյուները և վերադարձել դաշտային ճամբարներ։ Ավելի ուշ ՌԴ նախագահի մամուլի քարտուղար Դմիտրի Պեսկովը պարզաբանեց, որ Պրիգոժինի, ինչպես նաև ապստամբության մասնակիցների նկատմամբ քրեական գործը, հաշվի առնելով առաջնագծում նրանց վաստակը, կարճվելու է։ Ինքը՝ Պրիգոժինը, Պեսկովի խոսքով, կմեկնի Բելառուս։

14:17 - 26 հունիսի, 2023

Շվեդիայի իշխանությունների պնդմամբ ՆԱՏՕ-ի զորքերն այդ երկրում կարող են տեղակայվել մինչ կառույցին անդամակցելը |hetq.am|

Շվեդիայի իշխանությունների պնդմամբ ՆԱՏՕ-ի զորքերն այդ երկրում կարող են տեղակայվել մինչ կառույցին անդամակցելը |hetq.am|

hetq.am: Շվեդիան հավանական է համարում, մինչ Հյուսիսատլանտյան դաշինքին պաշտոնական անդամակցությունը, իր տարածքում ՆԱՏՕ-ի զորքերի տեղակայման հնարավորությունը, ինչը պայմանավորված է Ռուսաստանի կողմից առկա սպառնալիքներով։ Այդ մասին նշվում է Dagens Nyheter պարբերականի հոդվածում, որի հեղինակներն են` Շվեդիայի վարչապետ Ուլֆ Քրիստերսոնը և պաշտպանության նախարար Փոլ Յոնսոնը։ «Ռուսաստանը ցույց է տվել, որ պատրաստ է գնալ ռազմական ու քաղաքական շատ մեծ ռիսկերի՝ իր աշխարհաքաղաքական նպատակներին հասնելու համար։ Քանի որ անհնարին է ասել, թե որտեղ են գտնվում նախագահ Վլադիմիր Պուտինի տարածքային նկրտումների սահմանները, Շվեդիայի կառավարությունը որոշել է, որ երկրի զինված ուժերը կարող են անցկացնել նախապատրաստական միջոցառումներ՝ ՆԱՏՕ-ի անդամ երկրների հետ»,- ասված է հոդվածում։ Հեղինակների խոսքով՝ այդ միջոցառումները կարող են ներառել նաև Շվեդիայի տարածքում ՆԱՏՕ-ի անդամ երկրների տեխնիկայի ու անձնակազմի ժամանակավոր տեղակայումը։ Շվեդիայի վարչապետը և պաշտպանության նախարարը նաև ընդգծել են, որ երկիրը պետք է ունակ լինի իր տարածքում արագ տեղակայել այլ երկրների ռազմական ռեսուրսները՝ արտակարգ ինչ-որ իրավիճակի կամ պատերազմի պարագայում։ Հեղինակները հավելել են, որ այդ որոշումը նաև «պետք է հստակ ազդակ լինի Ռուսաստանին և ամրապնդի Շվեդիայի պաշտպանունակությունը»։ Շարունակությունը՝ hetq.am-ում

18:16 - 11 հունիսի, 2023

Միշելի, Շոլցի և Ստոլտենբերգի արձագանքը Կախովկա ՀԷԿ-ի ամբարտակի պայթեցման վերաբերյալ |factor.am|

Միշելի, Շոլցի և Ստոլտենբերգի արձագանքը Կախովկա ՀԷԿ-ի ամբարտակի պայթեցման վերաբերյալ |factor.am|

factor.am: Եվրոպական խորհրդի նախագահ Շառլ Միշելը թվիթերյան իր էջում գրել է, որ Ռուսաստանն է պատասխանատու Կախովկա հիդրոէլեկտրակայանի ավերման համար, փոխանցում է BBC-ի ռուսական ծառայությունը։ «Ցնցված եմ Կախովկա ՀԷԿ-ի ամբարտակի վրա աննախադեպ հարձակումից։ Քաղաքացիական ենթակառուցվածքների ոչնչացումն ակնհայտորեն ռազմական հանցագործություն է, և մենք պատասխանատվության կենթարկենք Ռուսաստանին և նրա խամաճիկներին»,- գրել է նա։ ՆԱՏՕ-ի գլխավոր քարտուղար Յենս Ստոլտենբերգը ևս անդրադարձել է ՀԷԿ-ի ավերմանը։ «Կախովկայում ամբարտակի ոչնչացումը վտանգի տակ է դնում հազարավոր խաղաղ բնակիչների և լուրջ վնաս է հասցնում շրջակա միջավայրին: Սա վրդովվեցնող գործողություն է, որը ևս մեկ անգամ ցույց է տալիս Ուկրաինայում Ռուսաստանի պատերազմի դաժանությունը»,- նշել է Ստոլտենբերգը։ Գերմանիայի կանցլեր Օլաֆ Շոլցն էլ նշել է, որ ամբարտակի ոչնչացումը դարձել է հակամարտության «նոր հարթություն», որը, սակայն, «համապատասխանում է Պուտինի՝ այս պատերազմը վարելու ձևին»։ «Սա բազմաթիվ հանցագործություններից մեկն է, որը մենք տեսել ենք Ուկրաինայում, և որոնք իրականացվել են ռուս զինվորականների կողմից։ Որպես պատերազմի վարման այս մեթոդի մի մաս՝ միշտ հարվածներ են հասցվել քաղաքացիական թիրախներին, քաղաքներին, գյուղերին, հիվանդանոցներին, դպրոցներին և ենթակառուցվածքներին: Եվ հիմա հայտնվել է նոր հարթություն, բայց այն համապատասխանում է նրա հետ, թե ինչպես է Պուտինը վարում այս պատերազմը»,- ասել է Շոլցը WDR հեռուստաընկերությանը տված հարցազրույցում։ Հիշեցնենք, որ Խերսոնի շրջանի Կախովսկայա ՀԷԿ-ում պայթյուն է տեղի ունեցել։ Ուկրաինան և Ռուսաստանը միմյանց են մեղադրում։

15:37 - 06 հունիսի, 2023

Շվեդիայում ՆԱՏՕ-ին անդամակցության դեմ բողոքի ցույց է անցկացվել
|factor.am|

Շվեդիայում ՆԱՏՕ-ին անդամակցության դեմ բողոքի ցույց է անցկացվել |factor.am|

factor.am: Ստոկհոլմում նախօրեին շուրջ 500 մարդ, այդ թվում՝ տասնյակ քրդամետ ցուցարարներ հավաքել են՝ բողոքելու ՆԱՏՕ-ին Շվեդիայի անդամակցության դեմ, գրում է Euronews-ը։ Նշվում է, որ ոմանք «Ո՛չ ՆԱՏՕ-ին, ո՛չ Շվեդիայում Էրդողանի օրենքներին» գրությամբ պաստառներով են եղել: Հիշեցնենք, որ Ուկրաինա ՌԴ ներխուժումից հետո Շվեդիան դիմել է ՆԱՏՕ-ին անդամակցելու համար, սակայն հանդիպել է Թուրքիայի և Հունգարիայի հակազդեցությանը։ Անկարան չի վավերացնում Շվեդիայի անդամակցության հայտը՝ նշելով, թե Ստոկհոլմն ապաստան է տվել PKK-ի անդամներին, որոնց Թուրքիան ահաբեկիչներ է համարում։ Անկարային ընդառաջ գնալով՝ Շվեդիան հակաահաբեկչական նոր օրենքներ է ընդունել։ Նախօրեին էլ ՆԱՏՕ-ի գլխավոր քարտուղար Յենս Ստոլտենբերգը Շվեդիայի անդամակցության հարցով Թուրքիայում բանակցություններ է անցկացրել նախագահ Ռեջեփ Թայիփ Էրդողանի հետ։ Ստոլտենբերգը նշել է, որ Ստոկհոլմը զգալի և կոնկրետ քայլեր է ձեռնարկել Թուրքիայի մտահոգությունները բավարարելու համար, կատարել է իր բոլոր պարտավորությունները, և այժմ անդամակցության գործընթացը հնարավորինս շուտ պետք է ավարտվի։

15:39 - 05 հունիսի, 2023

Էստոնիայում մեկնարկում են ՆԱՏՕ-ի այս տարվա խոշորագույն ռազմածովային զորավարժությունները |hetq.am|

Էստոնիայում մեկնարկում են ՆԱՏՕ-ի այս տարվա խոշորագույն ռազմածովային զորավարժությունները |hetq.am|

hetq.am: Էստոնիայում մեկնարկում են ՆԱՏՕ-ի այս տարվա ամենախոշոր ռազմածովային զորավարժությունները, որոնք ընթանում են Բալթիկ ծովում և ստացել են Baltops 23 անվանումը։ Այդ մասին թվիթերյան իր միկրոբլոգում հայտարարել է ՆԱՏՕ-ի ռազմածովային ուժերի մամուլի ծառայությունը։ Զորավարժություններին մասնակցում են ՆԱՏՕ-ի անդամ 19 երկրները և Շվեդիան։ Ընդգրկված է 50 նավ, 45 ինքնաթիռ և ավելի քան 6000 զինվորական։ Զորավարժություններին մասնակցող խոշորագույն նավը ԱՄՆ 6-րդ նավատորմի ֆլագման USS Mount Whitney (LCC 20)-ն է։ Նավերը երթը կսկեն Տալլինից, իսկ համատեղ առաջին վարժանքները կմեկնարկեն հունիսի 5-ից։ Զորավարժությունները կձգվեն մինչև հունիսի 16-ը։ «Այս տարի Baltops-ը մեզ համար պատմական իրադարձություն է, քանի որ դեռևս չի եղել Էստոնիայի տարածքում ՆԱՏՕ-ի ռազմածովային ուժերի միաժամանակ այսքան մեծ ներկայություն»,- ընդգծել է Էստոնիայի ռազմածովային ուժերի հրամանատար Յուրի Սասկան։ Baltops զորավարժություններն անց են կացվում ամեն տարի՝ 1972 թվականից ի վեր։ Դրանց նպատակը ՆԱՏՕ-ի ուժերի ստուգումն է Բալթիկ ծովի շրջանում` ցամաքային, օդային և ծովային գործողությունների ժամանակ։ ՆԱՏՕ-ի հաջորդ լայնամասշտաբ զորավարժությունները կկայանան հունիսի 12-23-ը Գերմանիայում։ Air Defender-23 ռազմաօդային զորավարժություններին կմասնակցի Դաշինքի 25 անդամ՝ 10 000 զինվորականով և 220 ինքնաթիռով։ Այս զորավարժությունները կդառնան ՆԱՏՕ-ի պատմության ամենախոշոր ռազմաօդային զորավարժությունները։ Զորավարժությունների ծրագիրը մշակվել է Հյուսիսատլանտյան դաշինքի կանոնադրության 5-րդ հոդվածին համապատասխան, երբ անդամ երկրները պարտավորվում են օգնություն տրամադրել Դաշինքի մյուս անդամներին։

09:51 - 05 հունիսի, 2023

Շվեդիան կատարել է Թուրքիայի բոլոր պահանջները և ՆԱՏՕ-ին անդամակցելու իրավունք ունի. Ստոլտենբերգ |hetq.am|

Շվեդիան կատարել է Թուրքիայի բոլոր պահանջները և ՆԱՏՕ-ին անդամակցելու իրավունք ունի. Ստոլտենբերգ |hetq.am|

hetq.am: ՆԱՏՕ-ի գլխավոր քարտուղար Ենս Ստոլտենբերգը հայտարարել է, որ Շվեդիան, եռակողմ հուշագրի շրջանակներում, կատարել է Թուրքիայի բոլոր պահանջները և իրավունք ունի անդամակցելու ՆԱՏՕ-ին։ Այդ մասին Ստոլտենբերգը հայտարարել է Ստամբուլում Թուրքիայի նախագահ Ռեջեփ Թայիփ Էրդողանի հետ հանդիպումից հետո, որն ընթանում էր լրատվամիջոցների համար փակ ռեժիմով։ «Շվեդիան կատարել է բոլոր պարտավորությունները։ Ձեռնարկվել են կոնկրետ քայլեր և փոփոխվել օրենքներ։ Ես խոստովանում եմ, որ Շվեդիայում ցույցերը դժվարություններ են ստեղծել։ Հավաքների ազատությունը և ազատ կամարտահայտման իրավունքը պետք է պաշտպանվեն և իրագործվեն։ Սակայն, այդ ցույցերի կազմակերպիչները փորձում են խանգարել Շվեդիային անդամակցել ՆԱՏՕ-ին»,- հայտարարել է Ստոլտենբերգը։ ՆԱՏՕ-ի գլխավոր քարտուղարը նաև հայտնել է, որ հունիսի 12-ին Շվեդիա-Թուրքիա-ՆԱՏՕ եռակողմ հանդիպում տեղի կունենա, եւ որ Թուրքիան դեռ ժամանակ ունի մինչև ՆԱՏՕ-ի առաջիկա գագաթնաժողովը վավերացնելու Շվեդիայի հայտը։ Այն կկայանա հուլիսի 11-12-ը Լիտվայի մայրաքաղաք Վիլնյուսում։ Թուրքական կողմը դեռևս չի մեկնաբանել Ստոլտենբերգի հայտարարությունը։ Շարունակությունը՝ սկզբնաղբյուր կայքում

09:10 - 05 հունիսի, 2023

Թուրքիան ՆԱՏՕ-ի խնդրանքով խաղաղապահներ կուղարկի Կոսովո |hetq.am|

Թուրքիան ՆԱՏՕ-ի խնդրանքով խաղաղապահներ կուղարկի Կոսովո |hetq.am|

hetq.am: Թուրքիան որոշել է իր խաղաղապահ ուժերն ուղարկել Կոսովո՝ ի պատասխան ՆԱՏՕ-ի դիմումի։ Այդ մասին հայտնում է «Европейская правда»-ն՝ հղում անելով Թուրքիայի պաշտպանության նախարարության մամուլի ծառայությանը։ «Կոսովոյում իրադարձություններից հետո Նեապոլում ՆԱՏՕ-ի միացյալ ուժերի դաշնակցային հրամանատարության խնդրանքով, որպես պահեստային ստորաբաժանում, տեղակայվել է 65-րդ մեքենայացված հետևակային բրիգադի հատուկ նշանակության գումարտակը (Քըրքլարելի), որն ավելի վաղ հատկացվել էր Կոսովոյում ՆԱՏՕ-ի ուժերին (KFOR)»,- ասված է հաղորդագրության մեջ։ Նախատեսվում է, որ ստորաբաժանումը հունիսի 4-5-ը կտեղափոխվի Կոսովոյի «Սուլթան Մուրադ» զորանոց։ Թուրքիայի պաշտպանության նախարարությունը նաև կոչ է արել զուսպ և կառուցողական երկխոսություն ծավալել ճգնաժամի կարգավորման շուրջ, որը կարող է վնաս հասցնել տարածաշրջանի անվտանգությանը և կայունությանը: Նոր քաղաքապետերի ընտրություններից հետո ցույցեր էին սկսվել Կոսովոյի հյուսիսում գտնվող սերբական համայնքներում: Ցուցարարները Զվեչան գյուղում հարձակվել էին ՆԱՏՕ-ի խաղաղապահների վրա։ Վիրավորվել էր իտալացի ու հունգար 30 զինվորական, ինչպես նաև ավելի քան 50 սերբ։ Միջանկյալ ընտրությունների ժամանակ, որոնք սերբերը բոյկոտել էին Բելգրադի ցուցումով, հաղթել էին ալբանական ծագմամբ քաղաքական գործիչները այն դեպքում, երբ ընտրություններին մասնակցությունը չէր գերազանցել ընտրողների ընդհանուր թվի 4 %-ը։ Նախօրեին Կոսովոյի նախագահ Վեսա Օսմանին հաստատել էր, որ Կոսովոն երկրի հյուսիսում պատրաստ է կազմակերպել նոր ընտրություններ։ Նոր ընտրությունների հնարավորության մասին հայտարարել էր նաև Կոսովոյի վարչապետ Ալբին Կուրտին։ Նրա խոսքով՝ դրա համար նախապայման պետք է լինի տեղական խորհուրդների շենքերից սերբերի հետքաշումը և նրանց ցույցերի դադարեցումը։ Օսմանին նշել էր, որ նման խնդրանքով հանդես էին եկել Ֆրանսիայի նախագահ Էմանուել Մակրոնը և Գերմանիայի կանցլեր Օլաֆ Շոլցը։

15:03 - 04 հունիսի, 2023

Թուրքիան ՆԱՏՕ-ի խնդրանքով հատուկ նշանակության ուժերի գումարտակ կուղարկի Կոսովո |armenpress.am|

Թուրքիան ՆԱՏՕ-ի խնդրանքով հատուկ նշանակության ուժերի գումարտակ կուղարկի Կոսովո |armenpress.am|

armenpress.am: Թուրքիան ՆԱՏՕ-ի խնդրանքով հատուկ նշանակության ուժերի գումարտակ կուղարկի Կոսովո։ Այս մասին հաղորդագրություն է տարածել Թուրքիայի պաշտպանության նախարարությունը։ «Նախատեսվում է, որ ստորաբաժանումը 2023 թվականի հունիսի 4-5-ը կտեղափոխվի Կոսովոյի «Սուլթան Մուրատ» զորանոց», - նշվում է հաղորդագրության մեջ: Հիշեցնենք, որ Կոսովոյում մունիցիպալ ընտրությունների արդյունքների հետ տեղի սերբ բնակչության անհամաձայնության ֆոնին սկսել էին բախումներ՝ սերբ ակտիվիստների և ՆԱՏՕ-ի գլխավորած KFOR առաքելության խաղաղապահների միջև։ Ավելի վաղ ՆԱՏՕ-ի գլխավոր քարտուղար Յենս Ստոլտենբերգը կազմակերպության անդամ երկրների արտաքին քաղաքական գերատեսչությունների ղեկավարների ոչ պաշտոնական հանդիպմանը հայտարարել էր, որ դաշինքի 700 զինվորականներ տեղակայվելու են Կոսովոյում։ Ստոլտենբերգը հայտարարել է, որ ՆԱՏՕ-ն կբարձրացնի զինվորականների ևս մեկ գումարտակի պատրաստության մակարդակը, որպեսզի նրանք պատրաստ լինեն Կոսովոյում տեղակայվելուն:

15:06 - 03 հունիսի, 2023

ՆԱՏՕ-ի գլխավոր քարտուղարն առաջիկայում կմեկնի Անկարա
|azatutyun.am|

ՆԱՏՕ-ի գլխավոր քարտուղարն առաջիկայում կմեկնի Անկարա |azatutyun.am|

azatutyun.am: ՆԱՏՕ-ի գլխավոր քարտուղար Յենս Ստոլտենբերգը հայտնել է, որ առաջիկայում կմեկնի Անկարա, որտեղ կհանդիպի Թուրքիայի վերընտրված նախագահ Ռեջեփ Թայիփ Էրդողանի հետ: Հյուսիսատլանտյան դաշինքի ղեկավարն Անկարայում քննարկելու է ՆԱՏՕ-ին Շվեդիայի անդամակցության հարցը: Օսլոյում (Նորվեգիա), զրուցելով լրագրողների հետ, Ստոլտենբերգն ասել է, որ Թուրքիայի մայրաքաղաք նրա այցի ժամկետներն այս պահին համաձայնեցվում են: «Մեր ուղերձը հստակ է՝ Շվեդիայի անդակամակցումը ՆԱՏՕ-ին կարևոր է ոչ միայն Շվեդիայի, այլև սկանդինավյան երկրների, Բալթյան շրջանի և ամբողջ ՆԱՏՕ-ի համար: Իհարկե, այն կարևոր է նաև Թուրքիայի և մյուս դաշնակիցների համար»,- ասել է Ստոլտենբերգը: Նա նշել է, որ այսօրվանից՝ հունիսի 1-ից, Շվեդիայում ուժի մեջ է մտել ահաբեկչության դեմ պայքարի նոր օրենքը:

13:34 - 01 հունիսի, 2023

Կիևը պետք է հրաժարվի ՆԱՏՕ-ին և Եվրամիությանն անդամակցելու գաղափարից. Գալուզին |1lurer.am|

Կիևը պետք է հրաժարվի ՆԱՏՕ-ին և Եվրամիությանն անդամակցելու գաղափարից. Գալուզին |1lurer.am|

1lurer.am: Ուկրաինայում հնարավոր կլինի խաղաղության հասնել, եթե Կիևը հրաժարվի ՆԱՏՕ-ին և Եվրամիությանն անդամակցելու գաղափարից և վերադառնա չեզոք ոչ բլոկային կարգավիճակին: Այս մասին հայտարարել է Ռուսաստանի փոխարտգործնախարար Միխայիլ Գալուզինը, հավելել՝ դա պայմաններից մեկն է:«Ուկրաինայի շուրջ հակամարտության կարգավորման մասով Մոսկվայի մոտեցումներն անփոփոխ են՝ Դոնբասի բնակիչների պաշտպանություն, Ուկրաինայի ապամիլիտարացում և ապանացիֆիկացում, այդ երկրի տարածքից Ռուսաստանի անվտանգությանը սպառնացող վտանգների վերացում»,- մանրամասնել է պաշտոնյան: Շարունակությունը՝ սկզբնաղբյուր կայքում

14:51 - 27 մայիսի, 2023

Կոլոմինան գոհ է երևանյան հանդիպումներից
|azatutyun.am|

Կոլոմինան գոհ է երևանյան հանդիպումներից |azatutyun.am|

azatutyun.am: «Լավ հանդիպումներ տեղի ունեցան Երևանում վարչապետ Նիկոլ Փաշինյանի, ԱԳ նախարար Արարատ Միրզոյանի և Անվտանգության խորհրդի քարտուղար Արմենն Գրիգորյանի հետ», - Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան իր թվիթերյան միկրոբլոգում անդրադարձել է Հայաստան այցին և հանդիպումներին։ Կարճ հաղորդագրությունում նշվում է, որ քննարկվել են ՆԱՏՕ-Հայաստան համագործակցության և տարածաշրջանային անվտանգության դինամիկան բարձրացնելու ուղիները, մասնավորապես՝ Հայաստանի և Ադրբեջանի միջև խաղաղության գործընթացի ներկա իրավիճակը վերջին բանակցություններից հետո։

11:22 - 24 մայիսի, 2023

Ճապոնիան ՆԱՏՕ-ին անդամակցելու պլաններ չունի․Ֆումիո Կիսիդա
|panorama.am|

Ճապոնիան ՆԱՏՕ-ին անդամակցելու պլաններ չունի․Ֆումիո Կիսիդա |panorama.am|

panorama.am: Ճապոնիան մտադիր չէ անդամակցել ՆԱՏՕ-ին, իսկ երկրում Հյուսիսատլանտյան դաշինքի ներկայացուցչություն բացելու որոշում դեռ չի կայացվել: Այս մասին չորեքշաբթի հայտարարել է վարչապետ Ֆումիո Կիսիդան՝ խորհրդարանի վերին պալատի լիագումար նիստի ընթացքում պատասխանելով պատգամավորների հարցերին, գրում է ՏԱՍՍ-ը։ «Ճապոնիան մտադիր չէ միանալ ՆԱՏՕ-ին ոչ որպես մշտական, ոչ էլ որպես ասոցացված անդամ», - ասել է նա: Անդրադառնալով Ճապոնիայում դաշինքի ներկայացուցչություն բացելու հնարավորությանը ՝ կառավարության ղեկավարը նշել է, որ այդ թեման քննարկվում է, սակայն «առայժմ որոշումներ չեն ընդունվել»։ Միաժամանակ նա ընդգծել է, որ իր երկիրը կշարունակի ամրապնդել համագործակցությունը ՆԱՏՕ-ի անդամ երկրների և նրանց դաշնակիցների հետ՝ հաշվի առնելով այն բարդ մարտահրավերները, որոնց բախվում են։

11:13 - 24 մայիսի, 2023

Նիկոլ Փաշինյանն ու Խավիեր Կոլոմինան քննարկել են Հայաստան-ՆԱՏՕ համագործակցությանը վերաբերող հարցեր

Նիկոլ Փաշինյանն ու Խավիեր Կոլոմինան քննարկել են Հայաստան-ՆԱՏՕ համագործակցությանը վերաբերող հարցեր

Հայաստանի Հանրապետության վարչապետ Նիկոլ Փաշինյանն ընդունել է Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինային: Ինչպես տեղեկանում ենք ՀՀ Կառավարության տարածած հաղորդագրությունից, զրուցակիցները քննարկել են Հայաստան-ՆԱՏՕ գործընկերությանը և համագործակցությանը վերաբերող հարցեր: Անդրադարձ է կատարվել նաև հայ-ադրբեջանական սահմանային իրավիճակին, Հայաստանի և Ադրբեջանի միջև սահմանազատման և սահմանային անվտանգության ու կայունության ապահովմանը, Լեռնային Ղարաբաղի շուրջ իրավիճակին, մասնավորապես՝ Ադրբեջանի կողմից Լաչինի միջանցքի ապօրինի շրջափակման հետևանքով ԼՂ-ում ստեղծված հումանիտար ճգնաժամին, Բաքվի և Ստեփանակերտի միջև երկխոսության միջազգային մեխանիզմի ներդրմանը և այլ հարցերի:

15:32 - 23 մայիսի, 2023

Միրզոյանն ու Կոլոմինան անդրադարձել են Հայաստան-ՆԱՏՕ համագործակցության հարցերի

Միրզոյանն ու Կոլոմինան անդրադարձել են Հայաստան-ՆԱՏՕ համագործակցության հարցերի

Մայիսի 23-ին ՀՀ արտաքին գործերի նախարար Արարատ Միրզոյանն ընդունել է ՆԱՏՕ-ի գլխավոր քարտուղարի՝ Կովկասում և Կենտրոնական Ասիայում հատուկ ներկայացուցիչ Խավիեր Կոլոմինա Պիրիսին։ Այս մասին տեղեկացնում են ՀՀ ԱԳՆ-ից: Զրուցակիցներն անդրադարձ են կատարել Հայաստան-ՆԱՏՕ համագործակցության հարցերի։ Քննարկել են Հարավային Կովկասում անվտանգությանը և կայունությանը վերաբերող հարցեր։ Արարատ Միրզոյանը ներկայացրել է Հայաստանի և Ադրբեջանի միջև բանակցային գործընթացում վերջին քննարկումները, հիմնական հարցերի շուրջ հայկական կողմի տեսլականը: Նախարար Միրզոյանը շեշտել է Ադրբեջանի կողմից ագրեսիվ քաղաքականությունից ու սադրիչ գործողություններից հրաժարվելու անհրաժեշտությունը, ինչը կարևոր գործոն է բանակցություններում առաջընթացի ուղղությամբ: Ընդգծվել է տարածաշրջանում կայունությամբ շահագրգռված դերակատարների կողմից գործուն քայլերի կարևորությունը:

15:23 - 23 մայիսի, 2023

Բրյուսելում ՆԱՏՕ-ն և Ադրբեջանն էներգետիկ անվտանգության շուրջ երկխոսություն են անցկացրել

|factor.am|

Բրյուսելում ՆԱՏՕ-ն և Ադրբեջանն էներգետիկ անվտանգության շուրջ երկխոսություն են անցկացրել |factor.am|

factor.am: Բրյուսելում ՆԱՏՕ-ի և Ադրբեջանի միջև նախօրեին էներգետիկ անվտանգության շուրջ երկխոսություն է տեղի ունեցել դաշինքի անդամ երկրների մշտական ներկայացուցիչների տեղակալների կոմիտեի ձևաչափով։ Այս մասին թվիթերյան գրառմամբ հայտնել է ՆԱՏՕ-ում Ադրբեջանի ներկայացուցչության ղեկավար Ջաֆար Հուսեյնզադեն։ «Մեկնարկել է ՆԱՏՕ-ի և Ադրբեջանի միջև էներգետիկ անվտանգության երկխոսությունը՝ Մշտական ներկայացուցիչների տեղակալների կոմիտեի նոր ձևաչափով։ Այս երկխոսության շրջանակում Ադրբեջանի էներգետիկայի փոխնախարար Էլնուր Սոլթանովը գտնվում է ՆԱՏՕ-ի կենտրոնակայանում»,- գրել է Հուսեյնզադեն։ Նա նշել է, որ Սոլթանովը հանդիպումներ է ունենալու ՆԱՏՕ-ի գլխավոր քարտուղարի Կովկասի ու Կենտրոնական Ասիայի հարցերով հատուկ ներկայացուցիչ Խավիեր Կոլոմինայի, ՆԱՏՕ-ի էներգետիկ անվտանգության դեպարտամենտի ղեկավար Մայքլ Ռուլի, ինչպես նաև դաշնակիցների հետ։

13:36 - 17 մայիսի, 2023