ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

Հունաստանը ռուսական նավթային լցանավ է ձերբակալել

Հունաստանը ռուսական նավթային լցանավ է ձերբակալել Եվբեա կղզու մերձակայքում՝ Մոսկվայի դեմ ԵՄ կիրառած պատժամիջոցների շրջանակում, գրում է Reuters-ը։ Սակայն նշվում է, որ նավթը, որը տեղափոխում էր լցանավը, չի առգրավվելու։ Այս ամիս ավելի վաղ ԵՄ-ն Ռուսաստանի դրոշի ներքո երթևեկող նավերին, որոշ բացառություններով, արգելել էր մուտք գործել իր անդամ երկրների նավահանգիստներ՝ Ռուսաստանի դեմ պատժամիջոցների նոր փաթեթի շրջանակում։ Ռուսական դրոշի ներքո երթևեկող «Պեգաս» նավի վրա 19 ռուսաստանցի նավաստի է եղել։ Ավելի վաղ լցանավը հայտարարել էր շարժիչի հետ կապված խնդիրների մասին։ Վատ եղանակային պայմանների պատճառով նավը կառանվել է Կարիստոս ծովախորշում, որտեղ էլ ձերբակալվել է։ Նորա Վանյան

15:17 - 19 ապրիլի, 2022

ԵՄ-ի կողմից Կիևին ավելի շատ զենք տալը չի նշանակում երկարացնել պատերազմը. Պետեր Ստանո |tert.am|

tert.am: Եվրամիության կողմից Ուկրաինային ավելի շատ զենք տրամադրելը ոչ թե պատերազմի երկարացում է նշանակում, այլ օգնություն՝ երկրի պաշտպանությանը։Այս մասին երեքշաբթի Բրյուսելում կայացած մամուլի ասուլիսում հայտարարել է ԵՄ արտաքին ծառայության ներկայացուցիչ Փիթեր Ստանոն, գրում է ՏԱՍՍ-ը։«Ավելի շատ զենք չի նշանակում ավելի շատ պատերազմ, այլ ավելի շատ կարողություն Ուկրաինայի համար՝ պաշտպանելու երկիրը, քաղաքացիներին»,- ասել է նա՝ պատասխանելով հարցին, թե ինչու է ԵՄ-ն երկարացնում պատերազմը՝ Ուկրաինային ավելի ու ավելի շատ զենք տրամադրելով, և արդյոք Բրյուսելը ինչ-որ բան անում է կռիվը դադարեցնելու համար:

15:13 - 19 ապրիլի, 2022

Շառլ Միշելը անդրադարձել է Փաշինյանի հետ հեռախոսազրույցին

Զրուցել եմ ՀՀ վարչապետ Նիկոլ Փաշինյանի հետ՝ հետամուտ լինելու Բրյուսելում մեր վերջին քննարկումներին: Այս մասին իր թվիթերյան միկրոբլոգում գրել է Եվրոպական խորհրդի նախագահ Շառլ Միշելը: Նա նշել է, որ ամբողջապես սատարում է Փաշինյանի, ինչպես նաև բոլոր ջանքերին` աջակցելու խաղաղ, կայուն և ապահով Հարավային Կովկասին: Նշենք, որ ՀՀ կառավարությունից երեկ հայտնել են, որ տեղի է ունեցել Նիկոլ Փաշինյանի հեռախոսազրույցը ԵՄ խորհրդի նախագահ Շառլ Միշելի հետ. «Մտքեր են փոխանակվել Բրյուսելում կայացած եռակողմ հանդիպման ընթացքում ձեռք բերված պայմանավորվածությունների կատարման ընթացքի, տարածաշրջանում ստեղծված իրավիճակի, Հայաստան-ԵՄ հարաբերությունների օրակարգի հարցերի մասին: Փաշինյանը եւ Միշելը քննարկել են նաեւ ԵՄ-ի՝ Հայաստանին 2.6 միլիարդ դոլար հատկացնելու պայմանավորվածության կատարման ընթացքը»: Լուսանկարը՝ ԵՄ խորհրդի կայքից

11:28 - 19 ապրիլի, 2022

Թուրքիայի համար ԵՄ անդամակցությունը մնում է ռազմավարական նպատակ. Էրդողան |tert.am|

tert.am: Ուկրաինայում ստեղծված իրավիճակը ցույց է տվել Թուրքիայի կարևորությունը Եվրամիության (ԵՄ) համար, հայտարարել է Թուրքիայի նախագահ Ռեջեփ Թայիփ Էրդողանը։ Նրա խոսքով, Թուրքիան Եվրամիությունից կոնկրետ քայլեր է ակնկալում միությանը լիիրավ անդամակցության համար, գրում է kommersant.ru-ն։ «Վերջին իրադարձություններն Ուկրաինայի համատեքստում հստակ ցույց տվեցին Թուրքիայի կարևորությունը ՆԱՏՕ-ում։ Թուրքիայի համար ԵՄ անդամակցությունը մնում է ռազմավարական նպատակ. պատերազմի բացասական հետևանքները համաշխարհային մասշտաբով ցույց են տվել Թուրքիայի ռազմավարական նշանակությունը ԵՄ-ի համար, հատկապես անվտանգության և էներգետիկայի ոլորտում։ Ես ակնկալում եմ, որ ԵՄ-ն կոնկրետ և բովանդակալից քայլեր կձեռնարկի՝ հիմնված լիիրավ անդամակցության մեր հեռանկարի վրա», - ասել է Թուրքիայի նախագահն Անկարայում տարբեր երկրների դեսպանների հետ իֆթարի ժամանակ ունեցած ելույթի ժամանակ: Թուրքիան Եվրամիության ասոցացված անդամ է 1964 թվականից։ 1987 թվականին երկիրը միությանը միանալու հայտ է ներկայացրել։ ԵՄ-ին Թուրքիայի անդամակցության շուրջ բանակցային գործընթացը շարունակվում է 2005 թվականից։

10:21 - 19 ապրիլի, 2022

Տեղի է ունեցել Նիկոլ Փաշինյանի հեռախոսազրույցը ԵՄ խորհրդի նախագահ Շառլ Միշելի հետ

Տեղի է ունեցել վարչապետ Նիկոլ Փաշինյանի հեռախոսազրույցը ԵՄ խորհրդի նախագահ Շառլ Միշելի հետ: Այս մասին հայտնում են ՀՀ կառավարությունից։ Զրուցակիցները մտքեր են փոխանակել ԵՄ խորհրդի նախագահի, Հայաստանի վարչապետի եւ Ադրբեջանի նախագահի ապրիլի 6-ին Բրյուսելում տեղի ունեցած հանդիպման ընթացքում ձեռք բերված պայմանավորվածությունների կատարման ընթացքի, տարածաշրջանում ստեղծված իրավիճակի, Հայաստան-ԵՄ հարաբերությունների օրակարգի մի շարք հարցերի մասին: Փաշինյանը եւ Միշելը քննարկել են նաեւ ԵՄ-ի Արեւելյան գործընկերության տնտեսական եւ ներդրումային պլանի շրջանակներում Հայաստանին 2.6 միլիարդ դոլար հատկացնելու պայմանավորվածության կատարման ընթացքը, ընդգծել ներդրումային փաթեթով նախատեսված ծրագրերի արդյունավետ իրագործման կարեւորությունը: Շառլ Միշելը վերահաստատել է Հայաստանի համար նախատեսված ներդրումային ծրագիրը լիարժեք կերպով իրականացնելու ԵՄ հանձնառությունը եւ ընդգծել ծրագրերի գործնական իրագործման փուլը հնարավորինս արագ սկսելու կարեւորությունը:

22:06 - 18 ապրիլի, 2022

Ուկրաինան ակնկալում է հունիսին ԵՄ անդամի թեկնածուի կարգավիճակ ստանալ․ Անդրեյ Երմակ |factor.am|

factor.am: Ուկրաինան ակնկալում է ԵՄ անդամակցության թեկնածուի կարգավիճակ ստանալ այս տարվա հունիսին՝ Եվրոպական խորհրդի նիստից հետո։ Այս մասին հայտնել է Ուկրաինայի նախագահի աշխատակազմի ղեկավար Անդրեյ Երմակը, գրում է «Ինտերֆաքս Ուկրաինա»-ն։ «Մենք ակնկալում ենք ստանալ ԵՄ անդամ երկրի թեկնածուի կարգավիճակ հունիսին կայանալիք Եվրոպական խորհրդի նիստից հետո։ Այնուհետև պետք է սկսվեն անդամակցության շուրջ բանակցությունները, որոնք պետք է տեղի ունենան արագացված ընթացակարգով»,- գրել է Երմակը Telegram-ի իր ալիքում։ Նրա խոսքով՝ ԵՄ անդամի թեկնածուի կարգավիճակ ստանալու՝ Ուկրաինայի հնարավորությունների գնահատման հարցաշարի առաջին մասը լրացվել է մեկ շաբաթում և ուղարկվել Եվրահանձնաժողովին։ Ուկրաինայի նախագահի աշխատակազմի կայքում հրապարակված հաղորդագրության համաձայն՝ նախագահ Վլադիմիր Զելենսկին լրացված հարցաթերթիկը հանձնել է Ուկրաինայում Եվրամիության պատվիրակության ղեկավար Մատի Մաասիկասին։

21:43 - 18 ապրիլի, 2022

Ուկրաինան ակնկալում է ԵՄ անդամի թեկնածու երկրի կարգավիճակ ստանալ հունիսի 23-24-ը |azatutyun.am|

azatutyun.am: Ուկրաինան ավարտել է հարցաթերթիկի լրացումը, որը կդառնա Եվրամիությանը երկրի անդամակցության վերաբերյալ որոշում կայացնելու մեկնարկային կետը։ Այս մասին հայտարարել է Ուկրաինայի նախագահի գրասենյակի ղեկավարի տեղակալ Իգոր Ժովկվան։ Եվրահանձնաժողովի նախագահ Ուրսուլա ֆոն դեր Լեյենը հարցաշարը հանձնել էր նախագահ Վլադիմիր Զելենսկուն ապրիլի 8-ին Կիև այցի ժամանակ՝ խոստանալով արագացնել ԵՄ-ին անդամակցելու Ուկրաինայի դիմումի քննարկումը։ «Այսօր ես կարող եմ հայտնել, որ փաստաթուղթը ձևակերպվել է ուկրաինական կողմից, մենք սպասում ենք հանձնարարականի, այնուհետև գնդակը կլինի Եվրամիության դաշտում», - ասել է Ժովկվան երեկ ուկրաինական հեռուստատեսությանը տված հարցազրույցում։ Նա պարզաբանել է, որ Եվրահանձնաժողովը պետք է հանձնարարականներ տա Եվրամիությանն Ուկրաինայի անդամակցության չափանիշներին համապատասխանելու վերաբերյալ։ Իգոր Ժովկվան հավելել է, որ Ուկրաինան ակնկալում է Եվրամիության անդամի թեկնածու երկրի կարգավիճակ ստանալ Եվրոպական խորհրդի հաջորդ նիստի ժամանակ, որը նախատեսված է հունիսի 23-24-ը։ «Հետագայում մեզ անհրաժեշտ կլինի սկսել անդամակցության բանակցությունները։ Եվ դրանց ավարտից հետո արդեն կարելի է խոսել ԵՄ-ին Ուկրաինայի լիիրավ անդամակցության մասին»,- ասել է Ժովկվան։

12:22 - 18 ապրիլի, 2022

ԵՄ-ն Ուկրաինային ևս 50 մլն եվրո հումանիտար օգնություն է հատկացրել |factor.am|

factor.am: Եվրամիությունը ևս 50 մլն եվրո հումանիտար ֆինանսավորում է հատկացնում ի պաշտպանություն այն մարդկանց, որոնք տուժել են Ուկրաինայի դեմ Ռուսաստանի պատերազմից: Այս մասին հայտնել է Եվրահանձնաժողովի մամուլի ծառայությունը ապրիլի 17-ին։ 45 մլն եվրո է նախատեսված Ուկրաինայում հումանիտար նախագծերի համար, 5 մլն եվրո՝ Մոլդովայում։ Ճգնաժամային կառավարման հարցերով եվրահանձնակատար Յանեզ Լենարչիչն ընդգծել է, որ նոր օգնությունը կօգնի մարդկանց, որոնք զրկված են առողջապահության, ջրի և էլեկտրականության հասանելիությունից, ինչպես նաև նրանց, ովքեր ստիպված են եղել փախչել՝ ամեն ինչ թողնելով ետևում: Այսպիսով, ԵՄ-ի մարդասիրական օգնության ընդհանուր ծավալը հասել է 143 մլն եվրոյի:

19:40 - 17 ապրիլի, 2022

ԵՄ նոր պատժամիջոցների թիրախում կլինեն ռուսական «Սբերբանկն» ու էներգետիկ հարցերը․ Ուրսուլա ֆոն դեր Լյայեն

Ռուսաստանի դեմ Եվրամիության պատժամիջոցների հաջորդ փաթեթը կվերաբերի բանկերին, մասնավորապես, «Սբերբանկին», ինչպես նաև նավթին, Reuters-ի փոխանցմամբ՝ ասել է Եվրահանձնաժողովի նախագահ Ուրսուլա ֆոն դեր Լյայենը գերմանական Bild am Sonntag թերթին։ «Մենք շարունակում ենք դիտարկել բանկային հատվածին [ուղղված սահմանափակումները], հատկապես՝ «Սբերբանկին», որին բաժին է ընկնում ռուսական բանկային հատվածի 37%-ը։ Եվ, իհարկե, էներգետիկ հարցերը», - ասել է նա։ Եվրահանձնաժողովի նախագահը նշել է նաև, որ ԵՄ-ն մշակում է «խելացի մեխանիզմներ», որպեսզի նավթը նույնպես ստացվի ներառել հետագա պատժամիջոցների ցանկում։ «Գլխավոր առաջնահերթությունը Պուտինի եկամուտների կրճատումն է», - հավելել է նա։ Նորա Վանյան

16:28 - 17 ապրիլի, 2022

Բուլղարիան արգելում է ռուսական նավերին իր նավահանգիստներ մտնել

Ապրիլի 16-ից Բուլղարիան փակում է իր ծովային և գետային նավահանգիստները ռուսական նավերի, ինչպես նաև այն նավերի համար, որոնք ռուսական դրոշը փոխել են Ուկրաիայում հակամարտության մեկնարկից հետո։ «2022 թ-ի ապրիլի 16-ին ժամը 00:00-ից արգելվում է բուլղարական և գետային նավահանգիստների մուտքը բոլոր նավերի համար, որոնք ռուսական դրոշի ներքո են գրանցված և այն նավերի համար, որոնք փոխել են ռուսական դրոշը կամ դրոշի ներքո գրանցումը կամ որոնց ռեեստրն այլ երկիրն է 2022 թ-ի փետրվարի 24-ից», - ասված է Բուլղարիայի ծովային վարչակազմի հայտարարությունում, գրում է «Կոմերսանտը»։ Արգելքը սահմանվում է ԵՄ Կանոնակարգում արված փոփոխությունների հիման վրա, որոնց համաձայն՝ սահմանափակումներ են գործում Ռուսաստանի գործողությունների պատճառով, որոնք ապակայունացնում են իրավիճակն Ուկրաինայում, ասված է փաստաթղթում։ Ապրիլի 16-ին նույնպիսի որոշում է կայացրել Իտալիան։ Բելգիայի և Ռումինիայի իշխանությունները նույնպես ռուսական նավերին արգելել են իրենց նավահանգիստներ մտնել։ Այս միջոցները ձեռնարկվում են ԵՄ պատժամիջոցների հինգերորդ փաթեթի շրջանակում, որն արգելում է ռուսական նավերի մուտքը ԵՄ նավահանգիստներ։ Նորա Վանյան

14:35 - 17 ապրիլի, 2022

Կիևին սպառազինություն է անհրաժեշտ հիմա, ոչ թե մեկ ամսից. Պոդոլյակ |1lurer.am|

1lurer.am: Կիևին անհրաժեշտ է սպառազինություն տրամադրել «հիմա, ոչ թե մեկ ամսից»: Այդ մասին հայտարարել է Ուկրաինային նախագահի գրասենյակի ղեկավարի խորհրդական Միխայլո Պոդոլյակը: «Մեզ չեն ուղարկում այն, ինչ մենք խնդրել ենք, զենքը շատ երկար է տեղ հասնում։ Նման խաղը չի նպաստի ժողովրդավարության հաղթանակին»,- գրել է Պոդոլյակը Twitter-ի իր միկրոբլոգում։

20:16 - 16 ապրիլի, 2022

«Գազպրոմ»-ը շարունակում է Ուկրաինայի տարածքով ռուսական գազի մատակարարումը Եվրոպա |armenpress.am|

armenpress.am: «Գազպրոմ» ընկերությունը շարունակում է կանոնավոր կերպով Ուկրաինայի տարածքով ռուսական գազի տրանզիտը դեպի Եվրոպա: Այս մասին հայտնել է ընկերության պաշտոնական ներկայացուցիչ Սերգեյ Կուպրիյանովը: «Համաձայն եվրոպացի սպառողների պահանջարկի՝ ապրիլի 16-ին մատակարարվել է 57.2 մլն խորանարդ մետր»,- հայտնել է Կուպրիյանովը:

13:21 - 16 ապրիլի, 2022

Բորելը Կիևի իշխանությունների հետ քննարկել է իրադրությունը Ուկրաինայում |1lurer.am|

1lurer.am: Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը խոսել է Ուկրաինայի եվրոպական և եվրատլանտյան ինտեգրման հարցերով փոխվարչապետ Օլգա Ստեֆանիշինայի, արտգործնախարար Դմիտրո Կուլեբայի և պաշտպանության նախարար Օլեքսի Ռեզնիկովի հետ: Բանակցությունների օրակարգում եղել է Ուկրաինայում ստեղծված իրավիճակը՝ հայտնել է դիվանագետը Twitter-ի իր պաշտոնական միկրոբլոգում։ Բորելի խոսքով՝ Եվրամիությունը սերտ կապ է պահում անդամ պետությունների հետ, որպեսզի արագացնի Ուկրաինային անհրաժեշտ աջակցության ցուցաբերումը։

12:59 - 16 ապրիլի, 2022

ԵՄ-ն անհիմն է համարել եվրոպացի 18 դիվանագետի արտաքսման մասին Ռուսաստանի որոշումը |1lurer.am|

1lurer.am: ԵՄ-ն ափսոսանք է հայտնել Ռուսաստանից եվրոպացի 18 դիվանագետի արտաքսման մասին որոշումը՝ այն համարելով «անհիմն քայլ»։ Այդ մասին ասված է ԵՄ արտաքին ծառայության ներկայացուցիչ Պիտեր Ստանոյի հայտարարության մեջ։ ՌԴ ԱԳՆ-ը նման որոշում կայացրել է՝ ի պատասխան Եվրամիությունում Ռուսաստանի մշտական ներկայացուցչության 19 աշխատակցի արտաքսմանը Բրյուսելից։ ԵՄ դեսպանին կանչել են ՌԴ ԱԳՆ, որտեղ նրան բողոք են ներկայացրել ԵՄ-ում Ռուսաստանի մշտական ներկայացուցչությունից և Ատոմային էներգիայի եվրոպական համայնքից (Եվրատոմ) ռուս դիվանագետներին արտաքսելու համար։

21:53 - 15 ապրիլի, 2022

Ռուսաստանը «պերսոնա նոն գրատա» է հայտարարել Մոսկվայում ԵՄ պատվիրակության 18 աշխատակիցների |tert.am|

tert.am: Ռուսաստանը, ի պատասխան Եվրամիությունում մշտական ներկայացուցչությունից իր աշխատակիցների հեռացմանը, «պերսոնա նոն գրատա» է հայտարարել Մոսկվայում ԵՄ պատվիրակության 18 աշխատակիցների։ Այս մասին ասված է ՌԴ ԱԳՆ հաղորդագրության մեջ, գրում է ՏԱՍՍ-ը: «Ի պատասխան Եվրամիության ոչ բարեկամական գործողությունների՝ Ռուսաստանում ԵՄ պատվիրակության 18 աշխատակիցներ հայտարարվել են «պերսոնա նոն գրատա» և մոտ ապագայում պետք է լքեն Ռուսաստանի Դաշնության տարածքը»,- ասված է հաղորդագրության մեջ։

21:52 - 15 ապրիլի, 2022

Հայաստանն ունի ԵՄ-ի աջակցությունը արդար խաղաղություն որոնելու հարցում. Տոյվո Կլաար |armenpress.am|

armenpress.am: Հարավային Կովկասում և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարը կարևոր և հեռատեսական է որակել ՀՀ վարչապետ Նիկոլ Փաշինյանի ելույթն Ազգային ժողովում։ Տոյվո Կլաարն այդ մասին գրել է «Թվիթեր»-ի իր միկրոբլոգում։ «Համապարփակ կարգավորման ճանապարհին շատ մարտահրավերներ են մնում, սակայն կարևոր է առաջ շարժվելը։ Հայատանն ունի Եվրամիության աջակցությունը արդար խաղաղություն որոնելու հարցում»,- գրել է նա։

09:28 - 14 ապրիլի, 2022