Մարիա Զախարովա

ՌԴ ԱԳՆ մամուլի գործող խոսնակ։ Ծնվել է 1975 թվականի հոկտեմբերի 24-ին: Ծնողները եղել են դիվանագետներ: Մանկությունը անցել է Պեկինում, որտեղ աշխատել են հայրը եւ մայրը: Հայրը՝ Վլադիմիր Յուրեւիչ Զախարովը, մասնագիտությամբ արեւելագետ է: Այժմ աշխատում է Տնտեսագիտության բարձրագույն դպրոցում: 1998 թվականին ավարտել է Մոսկվայի պետական համալսարանի Միջազգային հարաբերությունների եւ Ժուռնալիստիկայի ֆակուլտետը՝ արեւելագետի եւ լրագրողի մասնագիտությամբ: Պրակտիկան անցել է Չինաստանում՝ Ռուսաստանի դեսպանատանը: 2003 թվականին պաշտպանել է թեկնածուական դիսերտացիա՝ «Նոր տարվա տոնակատարության ավանդական խորհրդանիշների ձեւափոխումը ժամանակակից Չինաստանում» թեմայով: 1998 թվականից աշխատակցել է ՌԴ ԱԳՆ-ի «Դիվանագիտական տեղեկագիր» ամսագրի խմբագրմանը, ապա նաեւ ՌԴ ԱԳՆ-ի Տեղեկատվության եւ լրատվության վարչությունում:

2003-2005 թվականներին ղեկավարել է ՌԴ ԱԳՆ-ի Տեղեկատվության եւ լրատվության վարչությունը: 2005-2008 թվականներին եղել է Միավորված ազգերի կազմակերպությունում Ռուսաստանի Դաշնության մամուլի քարտուղարի մշտական ներկայացուցիչը: 2008-2011 թվականներին դարձյալ ղեկավարել է Տեղեկատվության եւ լրատվության վարչությունը: 2011-2015 թվականներին վերոնշյալ վարչությունում նշանակվել է ղեկավարի տեղակալ: Նրա պարտականությունների մեջ մտնում էին կազմակերպել եւ անցկացնել պաշտոնական ճեպազրույցներ Ռուսաստանի արտաքին գործերի նախարարությունում, ինչպես նաեւ համակարգել ԱԳՆ-ի աշխատանքները սոցիալական ցանցերում, այդ թվում` Ռուսաստանի Դաշնության արտաքին գործերի նախարար Սերգեյ Լավրովի արտասահմանյան այցերը: ՌԴ ԱԳՆ-ի պաշտոնական խոսնակն է: Հաճախ համեմատվում է Ջեն Պսակիի հետ (ԱՄՆ Պետդեպարտամենտի պաշտոնական ներկայացուցիչը մինչեւ 2015 թվականի մարտի 31-ը): Հեռուսատահաղորդավար Վլադիմիր Սո 2015 թվականի օգոստոսի 10-ին նշանակվում է Ռուսաստանի ԱԳՆ-ի Տեղեկատվության եւ լրատվության վարչության տնօրեն։ Զախարովան պատմության մեջ դարձավ առաջին կինը, ով զբաղեցրեց այս պաշտոնը: Զախարովան շաբաթական մի քանի ճեպազրույցներ է ունենում լրագրողների հետ: Ինքը՝ Զախարովան, նշում է, որ ԱԳՆ-ն ժամանակի հետ համահունչ է քայլում եւ արտասահմանյան փորձն է հաշվի առնում։ Ենթադրվում է, որ աջակցում է «Միասնական Ռուսաստան» կուսակցությանը:

Այդ մասին վկայում է նաեւ այն փաստը, որ 2016 թվականի մարտին դասախոսությամբ հանդես եկավ «Կանդիդատ ֆորում»ում, որն անց էր կացվում սույն կուսակցության կողմից` պետական դումայի ընտրություններից առաջ: Տիրապետում է անգլերեն եւ չինարեն լեզուների: Ունի արտակարգ դեսպանորդ եւ լիազոր նախարարի երկրորդ կարգի դիվանագիտական աստիճան: Ռուսաստանի արտաքին եւ պաշտպանական քաղաքականության խորհրդի անդամ: Գիտական աստիճանը` պատմական գիտությունների թեկնածու:

Զախարովան Ադրբեջանին և Հայաստանին կոչ է արել զերծ մնալ ռազմական հռետորաբանությունից և ռևանշի ձգտումից |shantnews.am|

Զախարովան Ադրբեջանին և Հայաստանին կոչ է արել զերծ մնալ ռազմական հռետորաբանությունից և ռևանշի ձգտումից |shantnews.am|

shantnews.am: ՌԴ արտգործնախարարության պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ Ադրբեջանին և Հայաստանին կոչ է արել զերծ մնալ ռազմական հռետորաբանությունից և ղարաբաղյան հակամարտությունում ռևանշի ձգտումից, քանի որ դա կարող է դարձյալ տարածաշրջանը կանգնեցնել պատերազմի եզրին։ Պատասխանելով հայ ռազմագերիների և գերիների վերադարձի մասին հարցին՝ Զախարովան նշել է, որ Ռուսաստանը ակտիվ միջնորդական ջանքեր է գործադրում Երևանի և Բաքվի միջև հարաբերությունների ամենազգայուն խնդիրը վերացնելու ուղղությամբ։«Ռազմագերիների խնդրի լուծման առումով մենք հանդես ենք գալիս «բոլորը բոլորի դիմաց» փոխանակման ձևաչափի օգտին։ Նման քայլն իսկապես կստեղծեր բարենպաստ մթնոլորտ մի շարք շատ կարևոր հարցերի շուրջ առաջընթացի հասնելու համար», – ասել է Զախարովան։ ՌԴ ԱԳՆ պաշտոնական ներկայացուցիչն անդրադարձել է նաև Բաքվում «ռազմական ավարի պուրակի» թեմային։ Նա հույս է հայտնել, որ գործնականում կողմերը կձգտեն այնպիսի քայլերի, որոնք ուղղված կլինեն հարաբերությունների կարգավորմանը, ոչ թե նոր բաժանարար գծերի ստեղծմանը։ Զախարովան հիշեցրել է, որ պատերազմի հետևանքով մարդկային կյանքերի հսկայական գին է վճարվել։ Ըստ Զախարովայի, հարկավոր է այս պահն օգտագործել խաղաղ կյանք հաստատելու, ոչ թե իրավիճակն ավելի սրելու համար։«Այո՛, շատերը համաձայն չեն արդյունքի հետ։ Ինչ-որ մեկն ուզում է պատերազմի շարունակություն, ինչ-որ մեկն ուզում է ռևանշ։ Բայց արդյո՞ք դա է նպատակը։ Արդյո՞ք նման խնդիրների ստեղծումը կնպաստի կարգավորմանը կամ խաղաղության հաստատմանը։ Այդ հարցն է պետք տալ։ Պատասխանն ակնհայտ է՝ չի նպաստում», – ավելացրել է Զախարովան։ Ըստ Զախարովայի, տվյալ փուլում կարևորագույն խնդիր է Հայաստանի և Ադրբեջանի միջև վստահության հաստատումը, դրական տնտեսական օրակարգի ձևավորումը։
19:13 - 22 ապրիլի, 2021
Հարավային Կովկասի կայուն տնտեսական զարգացումը բխում է տարածաշրջանում ՌԴ բոլոր գործընկերների շահերից. Զախարովա
 |tert.am|

Հարավային Կովկասի կայուն տնտեսական զարգացումը բխում է տարածաշրջանում ՌԴ բոլոր գործընկերների շահերից. Զախարովա |tert.am|

tert.am: ՌԴ ԱԳՆ պաշտոնական ներկայացուցիչ Մարիա Զախարովան ապրիլի 15-ին կայացած ամենշաբաթյա ճեպազրույցի ժամանակ անդրադարձել է Հայաստանի հետ խաղաղության համաձայնագիր կնքելու մտադրության մասին Իլհամ Ալիևի հայտարարությանը:«Չենք կարող չողջունել նախաձեռնությունները, որոնք ուղղված են Բաքվի և Երևանի միջև կայուն խաղաղության, բարիդրացիական հարաբերությունների հաստատմանը: Դրա համար հուսալի հիմք են հանդիսանում Ռուսաստանի, Ադրբեջանի և Հայաստանի ղեկավարների միջև անցյալ տարվա նոյեմբերի 9-ին և այս տարվա հունվարի 11-ին ձեռք բերված պայմանավորվածությունները: Պատրաստ ենք հետագայում ևս ամեն կերպ աջակցություն տրամադրել նմանօրինակ գործընթացներին»,- ասել է Զախարովան՝ պատասխանելով հարցին, թե արդյոք Ռուսաստանը պատրաստ է որպես միջնորդ մասնակցել այդ խաղաղության պայմանագրի մշակմանը և կա արդյոք դրա բովանդակության մասին տեսլական:«Իհարկե, Հայաստանը և Ադրբեջանը դեռ գտնվում են փոխադարձ վստահության անհրաժեշտ մակարդակի ձևավորման և երկկողմ հարաբերությունների կարգավորման բարդ ուղու սկզբում: Կարևոր է, որ այդ ճանապարհն ուղեկցվի դրական տրամադրվածությամբ, այդ թվում և տեղեկատվական ոլորտում: Պետք է հաղթահարել բազմաթիվ դժվարություններ և խոչընդոտներ՝ փոխգործակցություն ձևավորելով մեր ադրբեջանցի և հայ ընկերների հետ: Շեշտը դնում ենք այն հանգամանքի վրա, որ Հարավային Կովկասի կայուն տնտեսական զարգացումը բխում է այդ տարածաշրջանում Ռուսաստանի բոլոր գործընկերների շահերից։ Հույս ունենք, որ գործնական հարցերում կողմերը կձգտեն հարաբերությունների կարգավորմանն ուղղված քայլերին»,- հավելել է դիվանագետը:
18:46 - 15 ապրիլի, 2021
Դոնբասում իրադրությունը սրվելու միտում ունի. Մարիա Զախարովա |armenpress.am|

Դոնբասում իրադրությունը սրվելու միտում ունի. Մարիա Զախարովա |armenpress.am|

armenpress.am: Դոնբասում իրադրությունը սրվելու միտում ունի: Այդ մասին հայտարարել Է Ռուսաստանի ԱԳ նախարարության պաշտոնական ներկայացուցիչ Մարիա Զախարովան: «Ցավոք, այնտեղ իրադրությունը մնում Է բարդ եւ սրվելու միտում ունի»,-ասել Է նա՝ ապրիլի 9-ին հանդես գալով ճեպազրույցում: Զախարովայի խոսքով՝ «դրա պատճառը Կիեւի մարտական տրամադրվածությունն Է, որն առաջվա պես պատրանքներով Է ապրում երկրի հարավ-արեւելքում հակամարտության ուժային լուծման հնարավորության հետ կապված»: Նա հայտնել Է, որ երկրի այդ շրջանում «կենտրոնացվում են զորքեր եւ տեխնիկա, նորացվում են մոբիլիզացիոն պլանները, պահեստայինների զորակոչերը, ինչպես նաեւ ուկրաինական ԶԼՄ-ներում «շիկանում Է մտացածին ռուսաստանյան սպառնալիքի մասին տեղեկատվությունը»: Ավելի վաղ Ուկրաինայի զինված ուժերի գլխավոր հրամանատար գեներալ-գնդապետ Ռուսլան Խոմչակը հայտարարել Է, որ ուկրաինական բանակը պատրաստ Է հակազդել Լուգանսկի եւ Դոնեցկի մարզերի առանձին շրջաններում եւ ՌԴ-ի հետ սահմանի երկայնքով իրադրության սրմանը: «Հակառակորդի բոլոր սադրանքներին, բոլոր գործողություններին մենք պլանավորել ենք անհապաղ հակազդման համապատասխան միջոցառումներ»,-ասել Է Խոմչեկը՝ հանդես գալով "1+1" հեռուստաալիքի եթերում, հաղորդել Է «Ինտերֆաքս»-ը:
15:14 - 09 ապրիլի, 2021
ՌԴ ԱԳՆ-ն հայտարարել է Թուրքիայի հետ փոխգործակցությունը խորացնելու պատրաստակամության մասին |1lurer.am|

ՌԴ ԱԳՆ-ն հայտարարել է Թուրքիայի հետ փոխգործակցությունը խորացնելու պատրաստակամության մասին |1lurer.am|

1lurer.am: Ռուսաստանի Դաշնությունը վերահաստատում է բոլոր ուղղություններով Թուրքիայի հետ կառուցողական գործակցությունն ընդլայնելու պատրաստակամությունը: Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի՝ Ռուսաստանի և Թուրքիայի կառավարությունների միջև բարեկամության և եղբայրության մասին պայմանագրի ստորագրման 100-ամյակի կապակցությամբ արված մեկնաբանության մեջ՝ փոխանցում է РИА Новости-ն:   Ռուսաստանի Դաշնության ԱԳՆ-ում նշվում է, որ «այդ պայմանագիրը հիմնարար փաստաթղթերից մեկն է, որը երկու պետությունների միջև ժամանակակից հարաբերությունների հիմք է դրել»։ «Վերահաստատում ենք բոլոր ուղղություններով Թուրքիայի հետ կառուցողական գործակցության ընդլայնման, առևտրատնտեսական և ներդրումային համագործակցության ընդլայնման, էներգետիկայի, արդյունաբերության և ենթակառուցվածքների հեռանկարային նախագծերի իրականացման, մշակութային, հումանիտար փոխանակումների և մարդկային շփումների կատարելագործման պատրաստակամությունը»,- հայտարարել է ՌԴ արտգործնախարարության պաշտոնական ներկայացուցիչ Մարիա Զախարովան:  
14:43 - 16 մարտի, 2021
Զախարովան Ուկրաինային զգուշացրել է զերծ մնալ Դոնբասում ուժային սցենարի իրականացումից
 |tert.am|

Զախարովան Ուկրաինային զգուշացրել է զերծ մնալ Դոնբասում ուժային սցենարի իրականացումից |tert.am|

tert.am: Ուկրաինան Մոսկվային ուղղված մեղադրանքներով «նախանձելի հաճախականությամբ» քողարկում է իր անգործությունը Դոնբասում: Ինչպես փոխանցում է «Կոմերսանտ»-ը, նման կարծիք է հայտնել ՌԴ ԱԳՆ պաշտոնական ներկայացուցիչ Մարիա Զախարովան:«Ուկրաինայի պաշտոնական դեմքերը նախանձելի հաճախականությամբ, հատկապես վերջին շրջանում, քողարկում են իրենց անգործությունը և ակնհայտորեն խախտում են երկրի արևելքում իրավիճակի կարգավորմանն ուղղված պայմանավորվածությունները՝ Ռուսաստանի հասցեին մեղադրանքներ հնչեցնելով և մեզ վրա բարդելով այն հարցի պատասխանատվությունը, որ Ուկրաինան գործանականում փակուղի է մտցրել բանակցային գործընթացը»,- ասել է Զախարովան՝ ելույթ ունենալով ամենաշաբաթյա ճեպազրույցի ժամանակ:Դիվանագետն Ուկրաինային կոչ է արել զերծ մնալ Դոնբասում իրավիճակի հետագա էսկալացիայից:
15:01 - 12 մարտի, 2021
ՌԴ-ն ընդգծել է աշխատանքային խմբի գործունեության շրջանակում Երևանի և Բաքվի դրական տրամադրվածությունը |armenpress.am|

ՌԴ-ն ընդգծել է աշխատանքային խմբի գործունեության շրջանակում Երևանի և Բաքվի դրական տրամադրվածությունը |armenpress.am|

armenpress.am: Ռուսաստանի Դաշնությունը Երևանի և Բաքվի մոտ դրական տրամադրվածություն է նկատում Լեռնային Ղարաբաղի առնչությամբ եռակողմ աշխատանքային խմբի գործունեության շրջանակում: Ինչպես հայտնում է ՏԱՍՍ-ը, այս մասին ճեպազրույցի ընթացքում ասել է ՌԴ ԱԳ նախարարության պաշտոնական ներկայացուցիչ Մարիա Զախարովան: «Մենք նկատում ենք ընդհանուր առմամբ կառուցողական տրամադրվածություն, որը դրսևորում են և՛ Բաքուն, և՛ Երևանը Ռուսաստանի, Ադրբեջանի և Հայաստանի փոխվարչապետների եռակողմ աշխատանքյաին խմբի շրջանակում»,- նշել է Զախարովան: ՌԴ արտգործնախարարության պաշտոնական ներկայացուցիչը հիշեցրել է, որ եռակողմ աշխատանքային խմբի գլխավոր խնդիրը տարածաշրջանում տնտեսական և տրանսպորտային կապերի ապաշրջափակման վերաբերյալ եռակողմ պայմանավորվածությունների կյանքի կոչումն է:
14:27 - 12 մարտի, 2021
Զախարովան վտանգավոր չի համարում Ադրբեջանի զինված ուժերի զորավարժությունները տարածաշրջանում |1lurer.am|

Զախարովան վտանգավոր չի համարում Ադրբեջանի զինված ուժերի զորավարժությունները տարածաշրջանում |1lurer.am|

1lurer.am: Ադրբեջանի զինված ուժերի օպերատիվ-մարտավարական զորավարժությունները, որոնք անցկացվելու են մարտի 15-18-ը, կրում են պլանային բնույթ և ռիսկեր չեն պարունակում տարածաշրջանում կայունության և անվտանգության համար: Այս մասին ճեպազրույցում ասել է Ռուսաստանի ԱԳՆ պաշտոնական ներկայացուցիչ Մարիա Զախարովան: «Սովորաբար զորավարժություններ անցկացնում են Հարավային Կովկասի բոլոր պետությունները, դա արվում է կանոնավոր կերպով, համապատասխան տեղեկությունները նախապես հաղորդվում են շահագրգիռ կողմերին: Մեր տեղեկություններով` այդ զորավարժությունները, ինչպես ասացի, պլանային բնույթ են կրում՝ ուղղված զորքերի մարտական ​​պատրաստվածության կատարելագործմանը և տարածաշրջանում կայունության և անվտանգության համար ռիսկեր չեն ստեղծելում»,- ասել է դիվանագետը: Չորեքշաբթի Ադրբեջանի պաշտպանության նախարարության մամուլի ծառայությունը հայտարարեց առաջիկա զորավարժությունների մասին, որոնց մասնակցելու է 10,000 զինծառայող:
14:12 - 12 մարտի, 2021
Ռուս խաղաղապահների միջնորդությամբ ընդհանուր առմամբ վերադարձվել է 79 մարդ. Զախարովա |1lurer.am|

Ռուս խաղաղապահների միջնորդությամբ ընդհանուր առմամբ վերադարձվել է 79 մարդ. Զախարովա |1lurer.am|

1lurer.am: ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ընթացքում պատասխանել է Ադրբեջանում գտնվող հայ ռազմագերիների մասին հարցին: Առաջինն այն մասին է, թե ռուսական կողմն ունի՞ տվյալներ, թե քանի հայ գերի է գտնվում Ադրբեջանում: Երկրորդ հարցը վերաբերում էր ՌԴ, ՀՀ և Ադրբեջանի փոխվարչապետների հանդիպման ժամանակ քննարկված ճանապարհների ապաշրջափակման թեմային, և ինչ զարգացումներ կան այս հարցում: Սկսելով երկրորդ հարցից՝ Զախարովան խորհուրդ է տվել հետևել ՌԴ կառավարության պաշտոնական կայքում փետրվարի 28-ին հրապարակված փաստաթղթին՝ փոխվարչապետների հանդիպման արդյունքների վերաբերյալ: ՌԴ արտգործնախարարության պաշտոնական ներկայացուցիչն այնուհետև անդրադարձել է հայ գերիների հարցին: «Այս հարցի վերաբերյալ կողմերի դիրքորոշումը տարբեր է, մենք այդ մասին մշտապես խոսում ենք: Երևանի հրապարակած թվերը պարբերաբար փոխվում են, իսկ Բաքվից այլ տեղեկություններ են տրվում: Զգալի տարբերության պարագայում մենք խորհուրդ ենք տալիս այս հարցով անմիջապես դիմել հայկական ու ադրբեջանական կողմերին: Այսօրվա դրությամբ, ռուս խաղաղապահների միջնորդությամբ ընդհանուր առմամբ վերադարձվել է 79 մարդ, այդ թվում՝ 63-ը հայ, 16-ը՝ ադրբեջանցի: Զախարովան կրկին ընդգծել է Ռուսաստանի դիրքորոշումն այս հարցում՝ փոխանակման լավագույն բանաձևը «բոլորը բոլորի դիմաց» սկզբունքն է: «Հուսով ենք՝ տվյալ հարցի շուտափույթ լուծումը կողմերին թույլ կտա շրջել ողբերգական էջն ու կենտրոնանալ դրական օրակարգով շարժվելու վրա, այդ թվում՝ տնտեսական ոլորտում»,- նշել է Զախարովան:
18:53 - 04 մարտի, 2021
Զախարովան մեկնաբանել է ՌԴ-ի դեմ ԱՄՆ-ի ու ԵՄ-ի պատժամիջոցները |tert.am|

Զախարովան մեկնաբանել է ՌԴ-ի դեմ ԱՄՆ-ի ու ԵՄ-ի պատժամիջոցները |tert.am|

tert.am: Եվրամիության (ԵՄ) և ԱՄՆ-ի գործընկերությունը հիմնված է «կատաղի ռուսատյացության» վրա. Ռուսաստանի դեմ պատժամիջոցներ սահմանելով` Բրյուսելը և Վաշինգտոնը ցանկանում են ուշադրությունը շեղել իրենց իսկ խնդիրներից: Այս մասին չորեքշաբթի օրը՝ մարտի 3-ին, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է «Իզվեստիան»:«Սա մի տեսակ քվազի-դաշինք է ԵՄ-ի հետ, որի ետևում կատաղի, ինչպես սիրում են մեզ մոտ ասել, ռուսատյացությունից բացի ոչինչ չկա: Դաշինքները պետք է ուղղված լինեն կառուցողական, դրական հարցերի լուծմանը, այլ ոչ թե հողմաղացների հետ անվերջ պայքարին»,-ասել է Զախարովան:Նա նշել է, որ Միացյալ նահանգների խնդիրն է ստեղծել որոշակի պատկեր, որը թույլ կտա երկրին իրեն անվանել «քիմիական զինաթափման ոլորտում արդարության մարտիկ»: Ըստ նրա, այս շղթայի լրացուցիչ տարրը բազմակողմանիությունն է, «որի համար այժմ պաշտպանում են ԱՄՆ-ին»`ԵՄ-ի հետ կապերի ամրապնդման գործում:Դիվանագետը ընդգծել է, որ նման արշավների մասերից մեկը, որը ներառում է նաև հակառուսական նոր պատժամիջոցները, Վաշինգտոնի ցանկությունն է՝ «հայացք շեղել սեփական խնդիրներից»: Նման դիլեմաները, ըստ Զախարովայի, ի հայտ են եկել նաև կորոնավիրուսի դեմ զանգվածային պատվաստումների հարցում:
10:40 - 03 մարտի, 2021
Ինձ համար էլ զարմանալի էր, որ աշխարհում մշակութային օբյեկտների վաճառքի պրակտիկա կա․ Զախարովան արձագանքել է Թուրքիայում հայկական եկեղեցիների վաճառքի մասին հարցին  |1lurer.am|

Ինձ համար էլ զարմանալի էր, որ աշխարհում մշակութային օբյեկտների վաճառքի պրակտիկա կա․ Զախարովան արձագանքել է Թուրքիայում հայկական եկեղեցիների վաճառքի մասին հարցին |1lurer.am|

1lurer.am: ՌԴ արտգործնախարարության պաշտոնական ներկայացուցիչ Մարիա Զախարովան ճեպազրույցի ժամանակ պատասխանել է Հանրային հեռուստաընկերության լրագրող Մերի Եգորյանի հարցին․   Թուրքիայում երկու հայկական եկեղեցիներ վաճառքի են հանվել, շատ են եկեղեցիների, հուշարձանների ոչնչացման դեպքերը: Մշակութային վանդալիզմի ֆոնին տարածաշրջանում խաղաղություն և կայունություն հաստատելու մասին հայտարարությունները կարո՞ղ են արդյոք հավատ ներշնչել: «Չեմ կարող որևէ գնահատական տակ անշարժ գույքի օբյեկտների վաճառքի վերաբերյալ, սակայն, ինչ-որ պահի ինձ համար էլ զարմանալի էր, որ աշխարհում մշակութային օբյեկտների վաճառքի պրակտիկա կա: Դեպքեր կան նաև, որ մշակութային օբյեկտները վերածվում են տների, առևտրի կենտրոնների, նույնիսկ գիշերային ակումբների: Այս պարագայում խոսքը յուրաքանչյուր երկրի ներքին ազգային օրենսդրության մասին է, և պետք է ելնել դրանից: Ինչ վերաբերում է կրոնական օբյեկտների և պատմական հուշարձանների ոչնչացմանը, ապա պետք է հասկանալ՝ կոնկրետ ինչի՛ մասին է խոսքը: Սակայն դուք շատ լավ գիտեք մեր դիրքորոշումը, որ պետք է հոգածությամբ վերաբերվել կրոնական օբյեկտներին, պատմական հուշարձաններին»,- հայտարարել է Մարիա Զախարովան:
20:26 - 18 փետրվարի, 2021
Մարիա Զախարովան պատասխանել է Արցախում «Գորշ գայլերի» հավանական գործունեության մասին հարցին
 |1lurer.am|

Մարիա Զախարովան պատասխանել է Արցախում «Գորշ գայլերի» հավանական գործունեության մասին հարցին |1lurer.am|

1lurer.am: ՌԴ արտգործնախարարության պաշտոնական ներկայացուցչի ճեպազրույցի ժամանակ Հանրային հեռուստաընկերության լրագրող Մերի Եգորյանը երկու հարց է ուղղել Մարիա  Զախարովային: Առաջին հարցում մասնավորապես ասվում է. Թուրքական աջ ծայրահեղական ազգայնական կուսակցությունն ու նրա առընթեր նեոֆաշիստական ծայրահեղական «Գորշ գայլեր» կազմակերպությունը հայտարարել են Արցախի գրաված տարածքներում, մասնավորապես՝ Շուշիում, որոշ նախագծեր իրականացնելու մտադրության մասին: Ինչպե՞ս է ռուսական կողմը գնահատում նման կազմակերպության գործունեությունն Արցախում և արդյո՞ք այդ գործունեությունը լարվածության օջախներ չի առաջացնում տարածաշրջանում, հատկապես, որ այդ կազմակերպության գործունեությունը հավանության են արժանացրել Թուրքիայի և Ադրբեջանի իշխանությունները: «Առաջին հարցի վերաբերյալ մենք չունենք նման ծրագրերի մասին տվյալներ և տեղեկություններ: Ռուսաստանի, Հայաստանի ու Ադրբեջանի ղեկավարների միջև հայտարարության համաձայն՝ Լեռնային Ղարաբաղը միասնական ջանքերով վերադառնում է խաղաղ բնականոն կյանք: Դրա համար անհրաժեշտ է, որ և՛ Հայաստանը, և՛ Ադրբեջանը, և՛ հարևան բոլոր երկրները գործեն միասնական դիրքից և նպաստեն տարածաշրջանում բնակվող բոլոր ժողովուրդների միջև երկխոսությանը, աջակցեն տնտեսական ու տրանսպորտային կապերի ապաշրջափակմանը, ապահովեն պատմական ու մշակութային հուշարձանների պահպանմանը: Միասնական դիրք ասելով՝ առաջին հերթին պետք է ելնել կայուն խաղաղության հաստատումից, որի հիման վրա մարդիկ, վերադառնալով տարածաշրջան, իրենց կյանքը կդասավորեն մի շարք ուղղություններով՝ տնտեսություն,  ֆինանսներ, տրանսպորտ, լոգիստիկա: Այս մասին պետք է բոլորս հիշենք»,- հայտարարել է Մարիա Զախարովան:
19:54 - 18 փետրվարի, 2021