Սեւան

Սեւանա լիճ, բարձրլեռնային քաղցրահամ խոշոր լիճ Հայաստանի Գեղարքունիքի մարզում` ծովի մակարդակից մոտ 1900 մետր բարձրության վրա։ Հայտնի ձկնատեսակը իշխանն է։ Սեւանա լճի ջրերը Հրազդան գետի միջոցով ոռոգում են Արարատյան դաշտը։

Հրազդան գետի վրա կառուցված 6 էլեկտրակայանները ձեւավորում են հանրապետության ամենամեծ՝ Սեւան-Հրազդան կասկադը։1978 թվականին ստեղծվել է Սեւան ազգային պարկը։ Ջրի մակարդակը վերականգնելու համար կառուցվել է Արփա-Սեւան ջրատարը։

Սեւանա լճի մաքրմանը կնպաստի նաեւ կողակի վերականգնման ծրագիրը |Հանաստանի Հանրապետություն|

Սեւանա լճի մաքրմանը կնպաստի նաեւ կողակի վերականգնման ծրագիրը |Հանաստանի Հանրապետություն|

«Հայաստանի Հանրապետություն» օրաթերթը գրում է. «Կողակի վերականգնման ծրագիր է մշակվել, որը Սեւանա լճի մաքրման հիմնական գործոններից մեկն է: Շրջակա միջավայրի նախարարությունը սա նշում է իբրեւ լճի բնապահպանական վիճակի կայունացման նպատակով արվելիք գործողություններից մեկը: ԳԱԱ Կենդանաբանության եւ հիդրոէկոլոգիայի գիտական կենտրոնի ղեկավար, կենսաբանական գիտությունների դոկտոր, պրոֆեսոր Բարդուխ Գաբրիելյանի խոսքով, բոլորն ուշադրություն են դարձնում հիմնականում սիգի եւ իշխանի պաշարին եւ մոռացել են էնդեմիկ այլ ձկնատեսակների մասին. բեղլուն ու կողակն էլ պակաս կարեւոր չեն: Վերջինը վերացման եզրին է։ «Կողակը էկոլոգիական հատուկ դեր ունի: Ուտում է տակի օրգանական նյութը, մաքրում է լիճը»,-ասաց նա: Կողակը Սեւանի ծանծաղուտային հատվածներում է ապրում՝ մինչեւ 10 մ խորությամբ, իսկ ձմռանն էլ մտնում է 30-40 մ խորություններում եղած փոսերի մեջ:Մասնագետներն ասում են, թե կողակի վերականգնման համար տարիներ են պետք: Տարբեր գնահատականներով եթե սիգի պոպուլյացիան վերականգնելու համար անհրաժեշտ է 7-8 տարի, իշխանի համար՝ 10-12, ապա կողակի համար՝ 15-18»:
08:35 - 16 հուլիսի, 2019
Սեւանա լճի ծաղկման դեպքում կտրականապես արգելվում է այդ ջրով ոռոգել հողը. փորձագետ |news.am|

Սեւանա լճի ծաղկման դեպքում կտրականապես արգելվում է այդ ջրով ոռոգել հողը. փորձագետ |news.am|

news.am: Սեւանա լճի ծաղկման դեպքում կտրականապես արգելվում է այդ ջրով ոռոգել հողը, քանի որ տոքսինները կարող են հայտնվել մթերքների մեջ: Այս մասին հուլիսի 15-ին լրագրողների հետ հանդիպմանն ասաց անասնաբուժական ծառայությունների որակի գծով միջազգային փորձագետ Գրիգոր Գրիգորյանը։ Նրա խոսքով՝ այս երեւույթը մեզ մոտ բավականաչափ ուսումնասիրված չէ, որպեսզի մենք պատկերացում ունենանք այն մասին, թե ինչ է կատարվում իրականում: «2018 թվականի ամռանը ազդանշաններն արդեն ստացվում էին, սակայն ոչինչ չէր ձեռնարկվել: Հարկավոր է համալիր հետազոտություն անցկացնեկ, հասկանալ իրավիճակը, լճի թունավորման մակարդակը: Հարկավոր է հետազոտել նաեւ կովերին, որոնք սատկել են ոչ միայն լճի ափերի մոտ, այլեւ ավելի հեռու շրջաններում: Միայն մեխանիկական մաքրումը կարող է բավական չլինել, հարկավոր են համալիր հետազոտություններ, վարակված վայրերի քարտեզագրում, եթե կան այդպիսիք, ապատեղեկատվության տարածումից խուսափելու համար: Այս ամենը պետք է անեն համապատասխան պետական գերատեսչությունները», - ասաց նա:Փորձագետը նշեց, որ լճի ծաղկումը կարող է վկայել միկրոցիստին թույնի առկայության մասին, որը սննդային շղթայում հայտնվելու ժամանակ անգամ եռացման դեպքում չի մահանում: «Անթույլատրելի է ասել, որ կովերի մոտ ինֆեկցիա չի հայտնաբերվել, դրա համար ամեն ինչ լավ է: Ինչու՞ թունաբանական հետազոտություն չի անցկացվել: Ձեւացնելը, թե ինչ որ բան արվում է, ոչնչի չի հանգեցնի, ինչի մասին վկայում են բողոքի ակցիաները: Մարդիկ պարզապես տեղեկացված չեն, թե ինչ վտանգներ կարող են պարունակել ջրիմուռները: Ոչ մի տեղեկատվություն չկա: Եթե կա, ապա ինչու՞ է հրապարակվում: Հայտարարվել է, որ կովերի մոտ հայտանբվերվել է անաբենա մանրէ, բայց չգիտես ինչու հետազոտությունները չեն շարունակել, իսկ այժմ արդեն խոսքը Վրաստանում անալիզներ անցկացնելու մասին է, թեեւ մեզ մոտ դրա համար բոլոր պայմանները կան», - հավելեց Գրիգոր Գրիգորյանը՝ նկատելով, որ տնտեսվարող սուբյեկտների ներկայացուցիչները պաշտպանում են իրենց շահերը՝ հավանաբար այդքան լավ չպատկերացնելով բոլոր ռիսկերը:
13:52 - 15 հուլիսի, 2019
Սևանի սիգը՝ դեպի Ռուսաստան ու ԱՄՆ. ովքե՞ր են զբաղվում արգելված բիզնեսով |fip.am|

Սևանի սիգը՝ դեպի Ռուսաստան ու ԱՄՆ. ովքե՞ր են զբաղվում արգելված բիզնեսով |fip.am|

fip.am։ Բնապահպանության և ընդերքի տեսչական մարմնի նախկին ղեկավար Արթուր Գրիգորյանը հուլիսի 9-ին ֆեյսբուքյան իր էջում գրառում էր կատարել՝ բարձրաձայնելով Սևանի խնդիրների, լճում սիգի ապօրինի որսի ու տասնյակ միլիոնավոր դոլարների շրջանառությամբ ստվերային բիզնեսի մասին։ «Այս տարվա հունվարի վերջին «Սևան» ազգային պարկում պատրաստվում էինք իրականացնել տեսչական ստուգում՝ տասնյակ քաղաքացիներ բողոք էին ներկայացրել սիգի ապօրինի որսի կապակցությամբ, քանի որ այդ օրերին շուկաները վխտում էին այդ ձկնատեսակով, մինչդեռ սիգի արդյունագործական որսն առհասարակ արգելված է»,- գրել էր Գրիգորյանը՝ նաև լուսանկարներ կցելով սուպերմարկետներում և խանութներում ներկայում վաճառվող սիգի պահածոներից ու դրա մակնշումներից։ Բնապահպանության նախարարի հրամանով 2006 թվականից Սևանա լճում սիգի որսն արգելված է: Մինչդեռ Հայաստանում պահածոյացված սիգի արտադրությունը չի սահմանափակվում միայն հայկական շուկայում սպառմամբ։ Սիգի պահածոները լայնորեն արտահանվում են Ռուսաստանից մինչև ԱՄՆ։ Տեղի ընկերությունները մի քանի խողովակով այն հասցնում են արտերկրի շուկաներ։ Վլադիմիր Գասպարյանի զոքանչի սիգի բիզնեսը. սիգով դեպի ԱՄՆ Արթուր Գրիգորյանի հրապարակած լուսանկարներից պարզ է դառնում, որ պահածոյացված սիգ արտադրող ընկերություններից է «Գալիլիա» ՍՊԸ-ն։ Ընկերության հիմնադիրն ու միանձնյա բաժնետերը 2014-ից եղել է Հեղուշ Գալստյանը։ Վերջինս նախկին ոստիկանապետ Վլադիմիր Գասպարյանի զոքանչն է։ 2018-ի հունիսին Հեղուշ Գալստյանն իր ունեցած բաժնեմասերի 40 տոկոսն օտարել է Անահիտ Մնացականյան անունով անձին։ Վերջերս՝ հուլիսի 4-ին, ընկերության տնօրեն է դարձել Գարուշ Առաքելյանը։ Ուշագրավ է, որ 2014-2017 թթ. «Գալիլիա» ՍՊԸ-ի տնօրենն է եղել Վահե Գուլանյանը։ Նա ներկայում «Սևան ազգային պարկի» տնօրենն է։ 2017-ի փետրվարի 11-ին Գուլանյանը Para TV-ի եթերում հայտարարում էր․ «Բարդ է պայքարել ձկնագողության դեմ, երբ դրանով մարդիկ հացի խնդիր են լուծում»։     Զարմանալի զուգադիպությամբ «Գալիլիա» ընկերության ֆեյսբուքյան էջի թարմացումներին ուշադիր հետևում են Վլադիմիր Գասպարյանի որդին ու դուստրերը։ Արթուր Գրիգորյանի հրապարակած լուսանկարների համաձայն՝ «Գալիլիայի» արտադրած պահածոյացված սիգն արտահանվում է նաև ԱՄՆ՝ AGA SEVEN SEAS inc ընկերության միջոցով։ Ըստ բաց աղբյուրների, այս ընկերությունը հիմնվել է 2014-ին Լոս Անջելեսի 7325 Greenbush ave. North Hollywood հասցեում։ Որպես գրանցող գործակալ հանդես է եկել Grayr Agadzhanian (Հրայր Աղաջանյան) անունով անձը։ Աղաջանյանը ժամանակին ունեցել է սննդամթերքի արտադրությամբ զբաղվող ընկերություն նաև Հայաստանում։ «Ռոյալ Սոյ Կավիար» անունը կրող ընկերությունը, որը հիմնվել է 2004-ին, ներկայում գործունեությունը դադարեցրել է։ AGA SEVEN SEAS-ի կայքից տեղեկանում ենք, որ ընկերության արտադրանքը մեծամասամբ ներառում է ռուսական խավիար, ապխտած ու կիսաապխտած ձկան տարբեր տեսակներ։ Սիգի պահածոներ՝ Նորամարգից դեպի Ռուսաստան Սևանի սիգի պահածոներ արտադրող մյուս ընկերությունը «էկո ֆուդն» է, որը ստեղծվել է 2012 թվականին։ Իրավաբանական անձանց պետական ռեգիստրի համաձայն, ընկերության միանձնյա բաժնետերը Արսեն Մովսիսյանն է։ «Էկո ֆուդի» կայքից տեղեկանում ենք, որ պահածոների արտադրության իրենց պատմությունը սկսվել է 1997 թվականից, ապա ընդլայնվել են, ու 2012-ին ստեղծվել է «Էկո ֆուդը», որն ունի ձկնաբուծարաններ։ Ընկերությունն իր գործունեությունը ծավալում է Արարատի մարզի Նորամարգ համայնքում։ Համայնքապետ Արման Թադևոսյանը Fip.am-ի հետ զրույցում ասաց, որ ձկնաբուծարանից, դրա հիմնադիրներից ու ղեկավարներից տեղեկություններ չունի։ Միևնույն ժամանակ, Թադևոսյանի խոսքով, համայնքին ունեցած հարկերն ու տուրքերը «Էկո ֆուդի» կողմից պատշաճ վճարվում են։ Արթուր Գրիգորյանի հրապարակած լուսանկարներից պարզ է դառնում, որ «Էկո ֆուդը» սիգի պահածոն արտադրում է «Սիս նատուրալ» ընկերության պատվերով, իսկ պահածոյացված սիգի ռուսաստանյան ներկայացուցիչն ու ներմուծողը ռուսական խոշոր «Լենտա» ընկերությունն է։ Մեկ այլ դեպքում «Էկո ֆուդի» ռուսաստանյան գործընկերը Джиклаб անունով ընկերությունն է, որի բաժնետերն ու տնօրենն Արթուր Ավետիսովն է։ Այս ընկերության պաշտոնական էլեկտրոնային հասցեն տանում է դեպի մեկ այլ ռուսական ծագմամբ ընկերություն՝ ПродСнэк անունով։ Ընկերության կապիտալը ավելի քան 1 միլիոն ռուբլի է, բաժնետերն ու տնօրենն էլ Սաբինա Աթայանցն է, զբաղվում են հայաստանյան պահածոյացված ձկան ու բանջարեղենի առևտրով։ Ընկերության կայքում ներկայացված է, թե «Էկո ֆուդ» ընկերությունից ինչ ապրանքներ են ստանում։ Ռուսական կայքերում «Էկո ֆուդ» ընկերության մասին նշվում է, որ Հայաստանում «երկար ժամանակ համագործակցել են պաշտպանության, ներքին գործերի, այլ կարևոր նախարարությունների հետ՝ հավատարմորեն կատարելով իրենց աշխատանքը»։ Ըստ էության, խոսքը պետական գնումների գործընթացում այս նախարարությունների հետ կնքված պայմանագրերի մասին է։ «Համլետ Հովսեփյան» ԱՁ. ուժայինների մատակարարը Սևանի սիգի պահածոյացնելով է զբաղվում նաև Համլետ Հովսեփյան անհատ ձեռներեցը։ ԱՁ-ն գրանցված է Կոտայքի մարզում՝ Ջրվեժ գյուղում։ Այս ընկերությունը հիմնել է Համլետ Հովսեփյանը, սակայն ներկայում այն տնօրինում է նրա որդին՝ Հայկ Հովսեփյանը։ Ինչպես «Էկո ֆուդը», այս ընկերությունը նույնպես Պաշտպանության նախարարության խոշոր մատակարարներից է։ «Համլետ Հովսեփյան» ԱՁ-ն իր արտադրանքը արտահանում է նաև Ռուսաստան, և, բնականաբար, արտադրանքի մեջ է նաև Սևանի պահածոյացված սիգը։ Հովսեփյանների այս բիզնեսի մասին մամուլում մի քանի անգամ գրվել է՝ ուժայինների գնման մրցույթների համատեքստում։ 2015-ին, օրինակ, Պաշտպանության նախարարությունը մի քանի փուլերով գնում է կատարել այս ԱՁ-ից՝ նախ գնելով 171 միլիոն դրամի մսի պահածո, ապա ևս 52 միլիոն դրամի։ 2016-ին այս ԱՁ-ի հետ կնքվել է մոտավորապես 300 միլիոն դրամի գնման պայմանագիր։ Ի դեպ, կալանավորված գեներալ Մանվել Գրիգորյանի տանը խուզարկության ժամանակ հայտնաբերված մսի պահածոների մի մասը հենց «Համլետ Հովսեփյան» ԱՁ-ից էր։ Մամուլը ժամանակին, հղում անելով Վերահսկիչ պալատի 2013-ի տարեկան հաշվետվությանը, ուշադրության էր արժանացրել նաև «Համլետ Հովսեփյան» ԱՁ-ից կատարած գնումներին։ Ըստ այս հաշվետվության, «Դանինի» ՍՊԸ-ն ու «Համլետ Հովսեփյան» ԱՁ-ն մասնակցել են քրեակատարողական հիմնարկներ մսի պահածո մատակարարելու մրցույթի։ Ավելի էժան գին ներկայացնելով՝ «Դանինի»-ն հաղթել է մրցույթում, սակայն մսի պահածոները ՔԿՀ-ներ մատակարարելու համար ապրանքը նա գնել է «Համլետ Հովսեփյան» ԱՁ-ից։ Այլ արտադրողներ Արթուր Գրիգորյանի հրապարակած լուսանկարներից պարզ է դառնում, որ սիգի պահածո արտադրող ընկերություններից է «Էլիզա և Գոհար» ՍՊԸ-ն։ Այն հիմնվել է 2000 թվականին, հիմնադիրն ու բաժնետերը Ավագ Հովհաննիսյանն է։ Ընկերությունն ունի ընդամենը 5 աշխատակից։ Ավագ Հովհաննիսյանն ու ընկերությունը գրանցված են միևնույն հասցեում, որը գտնվում է Նուբարաշեն վարչական շրջանում։ «Հարությունյաններ հայր և որդի» ընկերությունը գրանցված է Սևան քաղաքում։ Պետական ռեգիստրի տվյալների համաձայն, ընկերության 50 տոկոսի բաժնետերը Գրիշա Հարությունյանն է, իսկ մյուս կեսինը՝ նրա հետ բնակության միևնույն հասցեում հաշվառված Գալյա Բալայանը։ Սիգի վաճառքն ու արտահանումը՝ կազմակերպված կոռուպցիա Հուլիսի 11-ին շրջակա միջավայրի նախարար Էրիկ Գրիգորյանը լրագրողների հետ հանդիպմանը, խոսելով սիգի պահածոների վաճառքի խնդրի մասին, նշել է, որ Պետեկամուտների կոմիտեից տվյալներ են ստացել պահածոների վաճառքի հետ կապված։ «Տեսչական մարմնի կողմից առաջարկ ենք ստացել, որպեսզի օրենսդրական փոփոխություններ կատարվի՝ որսի հետ մեկտեղ վաճառքը նույնպես արգելելու ուղղությամբ»,- ասել է նախարարը՝ հավելելով, որ կան սողանցքեր ու դրանք պիտի փակվեն։ Բնապահպանության և ընդերքի տեսչական մարմնի նախկին ղեկավար Արթուր Գրիգորյանը Fip.am-ի հետ զրույցում նշեց, որ սիգի պահածոների արտադրությամբ զբաղվողները չեն կարող հիմնավորել, որ իրենք ձուկը գնել են այլ վաճառողներից, նման դեպքում հարց է առաջանում՝ իսկ վերջիններս ումի՞ց են գնել: «Ցանց է աշխատում։ Եթե կա ընկերություն, որ 100 000 տուփ սիգի պահածո է ուղարկում Ռուսաստան, ի՞նչ եք կարծում՝ գալիս տատիկ-պապիկների՞ց է հավաքում այդ սիգը։ Գործող մեխանիզմ է, ձուկը հանում են, հավաքում են 10-15 հոգի, ու այդ հավաքողները իրենց խողովակներով ուղարկում են վաճառքի»,- պնդում է Գրիգորյանը։ Նա ուշադրություն է հրավիրում մեկ այլ հանգամանքի վրա․ տնտեսվարողները պետք է ունենան հումքի ձեռքբերման փաստաթուղթ, որպեսզի կարողանան անասնաբուժասանիտարական փորձաքննությունն անցնել սննդի անվտանգության պետական տեսչությունում։ Ուրեմն ինչպե՞ս են արտահանողները ստացել այդ թույլտվությունը. ըստ Գրիգորյանի՝ սա հարց է, որ տանում է դեպի համակարգային կոռուպցիայի առկայության մասին կասկածների։ Արթուր Գրիգորյանը պատմում է, որ սիգի ապօրինի վաճառքի ու արտահանման մասին բազմաթիվ տեղեկություններ՝ որպես տեսչության պետ, հանձնել են ոստիկանապետին։ Տեղաշարժ չի եղել։ «Սա ուչաստկովիի գործ է, կան անուններ, կան ֆիրմաներ, փաստեր, օրենք, որ արգելված է։ Իհարկե, կամքի խնդիր է։ Մարդիկ, որ ներգրաված են այդ բիզնեսի մեջ, չունեն ազդեցություն այս իշխանությունների վրա կամ մաս չեն կազմում այս իշխանությունների, սա բացահայտելը շատ հեշտ է»,- ասում է նա։ Գրիգորյանի խոսքով, կան նախնական ու չճշգրտված տվյալներ, թե որքան է կազմում սիգի ապօրինի որսը։ «Խոսքը 3000 տոննայի մասին է, որը էականորեն տարբերվում է պաշտոնական տվյալներից։ Գիտությունների ազգային ակադեմիայի ձկնաբուծության ինստիտուտը տալիս է տվյալներ, որ Սևանում սիգի քանակը շատ մոտավոր 500 տոննա է։ Բայց սրանք շատ մոտավոր թվեր են»,- նշում է նա։ Գրիգորյանը ֆիքսել է այն մեքենաները, որոնք զբաղված են եղել սիգի ապօրինի որսով։ Մեքենարի տվյալները հանձնել է ոստիկանապետին։ Դրանից մեկ շաբաթ անց նա ազատվել է տեսչության պետի պաշտոնից։  
13:17 - 15 հուլիսի, 2019
Լարված իրավիճակ Երեւան-Սեւան ճանապարհին. միջադեպ ոստիկանների եւ ակցիայի մասնակիցների միջեւ |armtimes.com|

Լարված իրավիճակ Երեւան-Սեւան ճանապարհին. միջադեպ ոստիկանների եւ ակցիայի մասնակիցների միջեւ |armtimes.com|

armtimes.com: Սեւանա լճի հարակից լողափերի տնտեսվարողները այս պահին բողոքի ակցիա են իրականացնում՝ Երեւան-Սեւան ճանապարահատվածում. իրավիճակը շատ լարված է: Նրանք պահանջում են, որպեսզի կառավարության ներկայացուցիչները հայտարարեն, որ Սեւանում լողալը վտանգավոր չէ: Նրանց խոսքով՝ Առողջապահության նախարարության տարածած հայտարարությունից հետո մարդիկ չեն գալիս Սեւան եւ իրենց գործը տուժում է: Քիչ առաջ էլ միջադեպ սկսվեց այն բանից հետո, երբ մեքենաներից մեկը ցանկանում էր անցնել, սակայն բողոքի ակցիայի մասնակիցները չէին թողնում: Մեքենայի մեջ երեխա կար. նրանք կարողացան անցնել, որից հետո միջադեպ եղավ ոստիկանների եւ ակցիայի մասնակիցների միջեւ: Ակցիայի մասնակիցները սեռական բնույթի հայհոյանքներ սկսեցին հնչեցնել: Գեղարքունիքի փոխմարզպետ Նարեկ Գրիգորյանը «Հայկական ժամանակ»-ի հետ զրույցում ասաց, որ դեպքի վայր է գնացել արձակուրդի մեջ գտնվող մարզպետ Գնել Սանոսյանը: Նրանք պահանջում են հանդիպում Առողջապահության եւ Շրջակա միավայրի նախարարների հետ:
10:43 - 15 հուլիսի, 2019
Սեւանի շրջակա տարածքների տերերը փակել են Սեւան-Գավառ ճանապարհը |news.am|

Սեւանի շրջակա տարածքների տերերը փակել են Սեւան-Գավառ ճանապարհը |news.am|

news.am։ Սեւանա լճի ափամերձ տարածքների օբյեկտների տերերն այսօր՝ հուլիսի 15-ի առավոտյան ժամը 9-ի սահմաններում փակել էին Սեւան-Գավառ ավտոճանապարհը: Նրանք պահանջում էին հանդիպում առողջապահության նախարար Արսեն Թորոսյանի եւ Շրջակա միջավայրի նախարար Էրիկ Գրիգորյանի հետ: Նրանք հայտարարել են, որ կեղծ տեղեկատվություն է տարածվում, թե Սեւանի ջուրը մաքուր չէ, որի հետեւանքով մարդիկ չեն գալիս հանգստանալու եւ իրենք մեծ վնասներ են կրում: «Թող սուտ տեղեկատվություն չտան, թե ջուրը կեղտոտ է: Եկեք տեսեք, որ ջուրը մաքուր է: Իրենց պատճառով մարդ չի գալիս»,-նշեց ակցիայի մասնակիցներից մեկը: Ոստիկանության աշխատակիիցները ցուցարարներին հորդորեցին բացել ճանապարհը եւ այսօր ժամը 11-ին հանդիպել Սեւան քաղաքապետարանի աշխատակիցների հետ: Ժամապարհը փակ է մնացել շուրջ մեկ ժամ, որից հետո բացվել է:
07:26 - 15 հուլիսի, 2019
«SOS Սևան» նախաձեռնությունն առաջարկում է ՀՀ կառավարությանը միջոցառումներ իրականացնել Սևանի փրկության համար․ բաց նամակ

«SOS Սևան» նախաձեռնությունն առաջարկում է ՀՀ կառավարությանը միջոցառումներ իրականացնել Սևանի փրկության համար․ բաց նամակ

«SOS Սևան» նախաձեռնությունը Սևանա լճի բնապահպանական խնդրով բաց նամակով դիմել է վարչապետ Նիկոլ Փաշինյանին: Նամակում ասվում է. Հարգելի ՀՀ վարչապետ և ՀՀ կառավարության անդամներ, «SOS Սևան» նախաձեռնությունն առաջարկում է ՀՀ կառավարությանը միջոցառումներ իրականացնել Սևանի փրկության համար: Նախաձեռնության կազմում են` գիտնականներ, հասարակական գործիչներ, Գեղարքունիքի մարզի ակտիվ քաղաքացիներ, սփյուռքի ներկայացուցիչներ, ովքեր հավաքագրել են փաստեր, գիտական հետազոտությունների արդյունքներ, ուսումնասիրություններ, պետական և անկախ փորձագետների կողմից ստացված մոնիթորինգային տվյալների վերլուծություններ: Ի մի բերելով այս ամենը` նախաձեռնությունը դիմում է ՀՀ կառավարությանը, որպեսզի այն իր ամբողջ կազմով պատասխանատվություն ստանձնի Սևանա լճի փրկության համար: Ամեն տարի ՀՀ կառավարությունն ընդունում է որոշման նախագիծ «Սևանա լճի էկոհամակարգերի վերականգնման, պահպանման, վերարտադրման, բնականոն զարգացման և օգտագործման միջոցառումների տարեկան ծրագիրը հաստատելու մասին» և հետագայում Ազգային Ժողովն ընդունում է այն: Սակայն, դիտարկելով Սևանա լճի ներկայիս վիճակը, փաստում ենք, որ օրենքի պահանջները թերի են իրականացվում: Ներկայումս պատասխանատվությունը կրում է ՀՀ շրջակա միջավայրի նախարարությունը, որն իր հերթին այդ պատասխանատվության կրող է տեսնում նաև այլ պետական մարմինների` ՀՀ առողջապահության նախարարությանը, Բնապահպանության և ընդերքի տեսչական մարմնին և այլն: Հաշվի առնելով, որ Սևանա լճի խնդիրները բազմազան են և պահանջում են և մասնագիտական, և քաղաքական լուծումներ, պարզ է դառնում, որ մեկ կամ մի քանի պետական կազմակերպություն կարող է միայն մասնակի խնդիրների համար լուծում գտնել` չպատկերացնելով ամբողջական ծավալը և չունենալով համապատասխան լծակներ այդ լուծումները կյանքի կոչելու համար: ՀՀ շրջակա միջավայրի նախարարությունը կենտրոնացել է հետևյալ խնդիրների վրա. • Սևանա լճի հարակից հատվածներում առկա տասնյակ բնակավայրերից կեղտաջրերի մուտքը լիճ• Սևանի ափամերձ տարածքներում գործող սպասարկման և ժամանցի օբյեկտներից կեղտաջրերի մուտքը լիճ • Գյուղատնտեսությունը և անասնապահությունը • Ցանցավանդակային ձկնաբուծությունից ֆոսֆորի և ազոտի մուտքը լիճ • Ջրածածկ և ափամերձ անտառաշերտից օրգանական նյութերի մուտքը լիճ• Բարձր ջերմաստիճանը և կլիմայական փոփոխությունները• Տեղումների սակավությունը • Քամիների ինտենսիվությունը, որի պատճառով ապրիլ ամսին նորմայից մոտ երկու անգամ բարձր էր գոլորշիացումը: Այս խնդիրների լուծման նպատակով նախարարությունն առաջարկում է համապատասխան գործողություններ: Նշելով այս խնդիրների լուծման կարևորությունը` «SOS Սևան» նախաձեռնությունն առանձնացնում է առաջնային լուծում պահանջող խնդիր` Սևանա լճի մակարդակի բարձրացումը: Խնդրի լուծումը պահանջում է բազմաթիվ լծակների կիրառում: Բարձրացմանը խանգարում են հետևյալ կարևոր հանգամանքները.  Սևանա լճի շուրջը կա 1905 մ նիշից ցածր գտնվող թվով 4729 հաշվարկված շինություն, որոնք Սևանա լճի ջրի մակարդակի բարձրացման պարագայում կմնան ջրի տակ:  Պետական նշանակության ճանապարհները, էլեկտրահաղորդման գծերը և այլն, նույնպես կարող են ջրածածկվել: Մինչ օրս կառավարությունը չի առաջարկել ենթակառուցվածքների տեղափոխման միջոցառումների ծրագիր: Սևան-Հրազդան հիդրոկասկադի բիզնես-շահը Սևանա լճի ջրառի հաշվին:  Ոռոգման համակարգի խիստ անբավարար վիճակը Սևան-Հրազդան ջրատարում և Արարատյան դաշտում: Արարատյան արտեզյան ավազանի ջրային ռեսուրսների շարունակվող գերշահագործում, ինչը հանգեցրել է Սևանա լճից հավելյալ ջրառների: Որոտան-Արփա թունելի չշահագործումը, Արփա-Սևան թունելով Սևանա լիճ մտնող ջրի պակասը: Անհրաժեշտ է. • կատարել Սևանա լճին սպառնացող վտանգների համալիր գնահատում • բարձրացնել Սևանա լճի ջրի մակարդակը հիպոլիմնիոնի պաշտպանիչ շերտի ձևավորման համար • Սևանա լճի ափերը արագ նախապատրաստել Սևանա լճի մակարդակի բարձրացման համար • վերանայել Սևանա լճի մակարդակի բարձրացման նիշը` սահմանելով 1903,5 մ-ից ավելի բարձր նիշ` վերահաշվարկելով Սևանա լճի ջրային բալանսը • ապահովել Սևանա լճի ջրառի առցանց հանրային վերահսկողություն: Մինչև ջրի մակարդակի բարձրացման խնդիրն իր պատշաճ լուծումը չստանա, հաշվի առնելով բոլոր նշված հանգամանքները, բոլոր մնացած, գուցե հրատապ միջոցառումները կրում են միջանկյալ բնույթ: Մյուս գլխավոր խնդիրը Սևանա լճի ջրի որակն է: «Շրջակա միջավայրի մոնիտորինգի և տեղեկատվության կենտրոն» ՊՈԱԿ-ի տվյալները բավարար չեն ջրի որակին գնահատականներ տալու և կոնկրետ լուծումներ կամ տեխնոլոգիաներ գտնելու ուղղությամբ: Անհրաժեշտ է. • պարզել, թե ով, որտեղից և ինչով է աղտոտում Սևանը` մշակելու Սևանա լճի մաքրման միջոցառումների կարգ • Սևանա լճում կիրառել նոր տեխնոլոգիաներ լճի մաքրման համար, ինչի համար անհրաժեշտ է մշակել նոր նորմեր և ստանդարտներ, այդ թվում` կապտականաչ ջրիմուռների կողմից արտադրվող թունավոր միկրոցիստինի համար: Որպես ֆինանսական աղբյուր` Սևանա լճի փրկությանն ուղղված միջոցառումների իրականացման համար օգտագործել 2017 և 2018 թթ. Սևանա լճից իրականացված հավելյալ ջրառի արդյունքում էլեկտրաէներգիայի վաճառքից գոյացած գումարները: Պարոն վարչապետ, դիմում ենք Ձեզ, որպեսզի ուղիղ եթերով հայտարարեք Սևանա լճի ափամերձ տարածքների և լիճ թափվող գետերի, Սևանա լճի մաքրման ֆլեշմոբ` կառավարության և պետական այլ կառույցների մասնակցությամբ և ֆլեշմոբի ծրագրի կազմակերպումը հանձնարարել ՀՀ շրջակա միջավայրի նախարարությանը` հրապարակային դարձնելով արդյունքները: «SOS Սևան» նախաձեռնություն «ԷկոԼուր» տեղեկատվական ՀԿ, Ինգա Զարաֆյան, Վիկտորյա Բուռնազյան, Ռոզա Ջուլհակյան, Կրիստինա Տեր-Մաթևոսյան«Հանուն կայուն մարդկային զագացման ասոցիացիա» ՀԿ, Կարինե Դանիելյանէկոլոգիական հասարակական դաշինք, Սիլվա Ադամյան«Խազեր» էկոլոգամշակութային ՀԿ, Ամալյա Համբարձումյան, Արամ Գաբրիելյան, Մարզպետունի Քամալյան«Կանաչ Հայաստան» ՀԿ, Հայկ Գրիգորյան, Թեհմինե Ենոքյան«ԻԿՈՄՈՍ-Հայաստան» ՀԿ, Գագիկ Սուխուդյան«Բլեջան» ՀԿ, Լիանա ԱսոյանՄարտունու կանանց համայնքային խորհուրդ ՀԿ, Անահիտ Գևորգյան«Տարածքային զարգացման և հետազոտությունների կենտրոն» ՀԿ, Սաթիկ Բադեյան«Հայաստանի անտառներ» ՀԿ, Նազելի ՎարդանյանԳԱԱ Հիդրոէկոլոգիայի և Կենդանաբանության Հիդրոէկոլոգիայի և ձկնաբանության ինստիտուտի Հիդրոէկոլոգիայի բաժնի վարիչ ԵՊՀ Էկոլոգիայի և բնության պահպանության ամբիոնի դոցենտ Լուսինե ՀամբարյանԷդվարդ Արզումանյան, էներգետիկ փորձագետ«Մասնագիտական կրթության բարեփոխումներ» ՀԿ, Սամվել Պիպոյան «Կովկասի տարածաշրջանային բնապահպանական կենտրոն»-ի փորձագետ Դշխուհի Սահակյան«Ուրբան» կայուն զարգացման հիմնադրամ, Հայաստան Ստեփանյան«Հայ կանայք հանուն առողջության և առողջ շրջակա միջավայրի» ՀԿ, Ելենա Մանվելյան, Քնարիկ Գրիգորյան«Դալմա-Սոնա» հիմնադրամ, Ռուզաննա Ղազարյան«Բոսոֆիա» ՀԿ, Գևորգ Պետրոսյան«Հասարակական պաշտպանների միություն», Արամ ԳրիգորյանԼիլիթ Հովհանիսյան«Կենսաբազմազանության և լանդշաֆտների պահպանության միավորում» ՀԿ, Տատիանա ԴանիելյանՍիրինե ԿոսյանՏիգրան Սեկոյան, էներգետիկ Փորձագետ«Գլոբալ ջրային համագործակցություն» ՀԿ, Լիանա ՄարգարյանԼևոն Գալստյան, Հայկական բնապահպանական ճակատ
09:01 - 13 հուլիսի, 2019
Սեւանից պետք է հանվեն ձկնաբուծական օբյեկտները. փորձագետ |lragir.am|

Սեւանից պետք է հանվեն ձկնաբուծական օբյեկտները. փորձագետ |lragir.am|

lragir.am: Մեր զրուցակիցն է ջրային ռեսուրսների մասնագետ Քնարիկ Հովհաննիսյանը Տիկին Հովհաննիսյան, Սևանա լճի վիճակը շտկելու Շրջակա միջավայրի նախարարության աշխատանքները որքանո՞վ են բավարար։ Նախարարն ասել է, որ առաջին անգամ ամբողջությամբ գույքագրվել է մաքրման ենթակա ընդհանուր ծավալը, ուսումնասիրվել է Սոթքում պոչամբարների ու թափոնակույտերի ծավալները, եռաչափ մոդելավորում է իրականացվում։ Սրանք բավարա՞ր քայլեր են։ Այո, նախարարն դրանք ասել է, բայց մենք չենք կարող համոզված լինել, որ այդ բոլորն արվել է։ Առողջապահության նախարարությունը ջրի նմուշներ վերցրեց, որ լուրջ անալիզ իրականացնի, հետազոտություն է իրականացնում ԳԱԱ Կենսաբանության ու իխտիոլոգիայի ինստիտուտը, բայց դրանք երկարատև անալիզներ են, դրանք դեռ պատրաստ չեն։ Մինչդեռ դա հենց Էրիկ Գրիգորյանի գործն էր առաջին հերթին։ Շրջակա միջավայրի նախարարությունը պետք է առաջին հերթին դրանով մտահոգված լիներ։ Մենք խնդիրները գիտենք, գիտենք՝ ինչու է «ծաղկում» լիճը, գիտենք, թե ինչ է պետք անել։ Իսկ ինքը դա ասում է մի քանի տարի հետո, երբ մենք նախօրոք զգուշացնում էինք։ Միայն Սևանի մասին չէ խոսքը, այլ նաև Թեղուտի, Ամուլսարի մասին և այլն։ Այն տխուր կանխագուշակումները, որ ինքս եմ գրել Թեղուտի մասին, ուղիղ երեք տարի հետո կատարվեց։ Բայց ես չէի սպասում, որ այսքան շուտ կլինի։ Նախարարը նշել է, որ մենք ճահճացման չենք գնում։ Ճահճացումը մի քիչ ամպագոռգոռ բառ է, որովհետև դա ժամանակավոր երևույթ է, որն ի վերջո անցնում է։ Սրտի մխիթարության համար նախարարն ասում է, որ Սև ծովն էլ է «ծաղկում», Բայկալն էլ է «ծաղկում», մինչդեռ Բայկալը քաղցրահամ ջրով աշխարհի ամենախոր ու մաքուր լիճն է։ Այնտեղ ուրիշ խնդիրներ են, իսկ մեզ մոտ լիճը «ծաղկելու» պատճառները հետևյալն են. տարածաշրջանի Սևանի ամբողջ ջրահավաք ավազանի տարածքում գտնվող բնակավայրերի կեղտաջրերն ու կոյուղաջրերը, աղբը, լցվում են գետերն ու հասնում Սևան։ Սևան է լցվում 28 գետ, իսկ դուրս է գալիս միայն Հրազդանը։ Այդ գետերը բերում են 170 մլն խմ ջուր տարեկան։ Հենց այդ ջրի քանակով է պայմանավորված, որ օրենքով սահմանված է, որ տարեկան Սևանից կարելի է 170 մլն խմ ջուր բաց թողնել։ Քանի որ կլիմայի փոփոխությամբ պայմանավորված մեր գետերի ջրերի նոսրացել են, իմ խորին համոզմամբ մեր գետերն այդքան ջուր չեն բերում Սևան։ Բացի դրանից, ջրերի ջերմաստիճանն է բարձրացել, կլիմայի փոփոխության և կեղտաջրերը Սևանը լցվելու պատճառով Սևանի ջրի ջերմաստիճանն է բարձրացել, արդյունքում Սևանի սառը շերտը փոքրացել է։ Հաջորդն այն է, որ Սևանի շրջակա տարածքներում բազմաթիվ օբյեկտներ, ռեստորաններ, այլ օբյեկտներ են կառուցված, որոնց կեղտաջրերը լցվում են Սևանը։ Կա մարդ, որ պարտաճանաչ սարքում է զուգարան, հետո ժամանակ առ ժամանակ մեքենաներով դրանք տանում, թափում են։ Սակայն ռեստորանների, հանգստյան գոտիների, ճաշարանների մեծ մասը մաքրում չի կատարում։ Սևանի շուրջը 400 օբյեկտ կա, որից միայն 14-ն ունեն մաքրման կայան։ Բացի այդ, Սևանի շուրջը կան գյուղատնտեսական նշանակության հողատարածքներ, որոնք ջրվում են, անպայման քիմիական պարարտանյութ են օգտագործում, որոնք լվացվում ու անձրևների հետ նորից լցվում է Սևանը։ Եվ վերջապես ձկնաբուծություն արհեստականորեն Սևան մտցնել չէր կարելի, քանի որ այդ տարածքներում, որտեղ արհեստական ձուկ են աճեցնում, ձկներին տալիս են տարբեր կերեր, որոնք չգիտենք՝ ինչ պարունակություն ունեն, տալիս են կոնսերվանտներ, ներկեր, անտիբիոտիկներ։ Ձուկը չի հասցնում այդ ամենն ուտել, դրանք մնում են լճում և նստում հատակին։ Այդ նյութերը չեն տարալուծվում, դրանք ունեն կուտակային հատկություն, անընդհատ ավելանում են։ Այսինքն՝ մենք ունենում ենք լճի հատակի երկրորդական աղտոտում։   Ավելին՝ lragir.am-ում
07:32 - 13 հուլիսի, 2019
Սևանա լճի մակարդակի բարձրացումը պետք է իրականացվի ցանկացած գնով

Սևանա լճի մակարդակի բարձրացումը պետք է իրականացվի ցանկացած գնով

Հայկական բնապահպանական ճակատ ֆեյսբուքյան իր էջում գրում է․ «Ակադեմիայի էկոկենտրոնի գիտնականների հետազոտությունների արդյունքում կառուցած այս դիագրամմայում պարզ երևում է, թե ինչպես է 2002 թվականից հետո Սևանա լճի մակարդակի բարձրացմանը զուգընթաց նվազել ջրում քլորոֆիլ a-ի պարունակությունը։ 2011-20012թթ այն հասել է նվազագույն ցուցանիշների, իսկ դրանից հետո լճի մակարդակի բարձրացման կասեցման հետ միասին նորից սկսել է աճել և 2018-2019թթ նկատվել է կապտականաչ ջրիմուռների ինտենսիվ աճ։ Սա մեկ անգամ ևս ապացուցում է, որ լճի մակարդակի բարձրացումն այլընտրանք չունի և պետք է իրականացվի ցանկացած գնով։ Այս մասին նշված է նաև Հիդրոէկոլոգիայի եւ ձկնաբանության ինստիտուտի դեռ 2009 թվականի հետազոտության մեջ․ «Լճային էկոհամակարգի վերակառուցումը ղեկավարող միակ ռադիկալ միջոցառումը լճի մակարդակի արհեստական բարձրացումն է Բալթիկ ծովի մակարդակից մինչեւ 1903.5 մ բարձրությունը»։   
06:22 - 12 հուլիսի, 2019
Սևանում ձկան և խեցգետնի բավարար պաշար չկա. Բարդուղ Գաբրիելյան |aysor.am|

Սևանում ձկան և խեցգետնի բավարար պաշար չկա. Բարդուղ Գաբրիելյան |aysor.am|

aysor.am: Կարելի էր ինչ-որ բաներ ձեռնարկել, նախատեսել, որ գոնե մինչև այս սեզոնին ջուրը բարձանար, իսկ մենք ունենք հակառակ պատկերը, խոսելով Սևանա լճի կանաչման մասին՝ այսօր լրագրողների հետ հանդիպմանն ասաց ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Բարդուղ Գաբրիելյանը։ «Նույնիսկ անցած տարվա համեմատ ջրի մակարդակը բացասական հաշվեկշիռ ուներ։ Մենք բազմիցս խոսում ենք նաև ձկնային պաշարների կարևորության մասին՝ ասելով, որ դրանք պետք է դիտարկենք ոչ միայն սննդի աղբյուր, այլ որպես էկոհամակարգի վերին օղակ։ Ձուկը, սնվելով ջրային օրգանիզմներով, կլանում է այդ օրգանական նյութը, և եթե մենք որսում ենք այդ ձուկը, ջրում նվազեցնում ենք օրգանական նյութը՝ դրանով իսկ նվազեցնելով նաև այս ծաղկման պրոցեսը։ Բայց դրա համար մենք պետք է ունենանք ձկան և խեցգետնի բավարար պաշար, որն այսօր չկա», - ասաց Բարդուղ Գաբրիելյանը։ Նրա խոսքով՝ հաշվի առնելով ձկնային սակավ պաշարը, չի կարող առաջարկվել որս իրականացնել։ Ինչ վերաբերում է խեցգետնին, բանախոսն ասաց, որ այն նույնպես լճի համար համարվում է արդյունագործական օբյեկտ, ինչպես նաև սննդի և եկամուտի աղբյուր։«Ձկան պաշարների անկման պայմաններում այն բավական կարևոր դեր էր խաղում։ Բայց, ցավոք, էլի որոշ մարդիկ սխալ տվյալներով տալով՝ բերեցին նրան, որ մեր որոշում ընդունող մարմինները սխալ ճանապարհով գնացին, որսը չկառավարվեց։ Որսում էին այնքան, ինչքան կարողանում էին, և այսօր ունենք նաև խեցգետնի պաշարի խզում», - ասաց Բարդուղ Գաբրիելյանը։ Կենդանաբանության և հիդրոէկոլոգիայի գիտական կենտրոնի տնօրենի խոսքով՝ հասել ենք այն պայմաններին, որ պաշարները նվազում են, միայն սիգի պաշարն է տարեցտարի ավելանում, սակայն այն էլ ոչ այն չափով, որքան կարող էր իր ներուժն ապահովվել։
08:34 - 10 հուլիսի, 2019
Սևանա լճի մակարդակի բարձրացումը 2012 թվից արհեստական կասեցնողները պետք է պատասխանատվություն կրեն․ ՀԲՃ անդամ

Սևանա լճի մակարդակի բարձրացումը 2012 թվից արհեստական կասեցնողները պետք է պատասխանատվություն կրեն․ ՀԲՃ անդամ

«Հայկական բապահպանական ճակատ» քաղաքացիական նախաձեռնության անդամ Լևոն Գալստյանը ֆեյսբուքյան իր էջում գրում է Սևանի ճահճացման խնդրի մասին․ «Այս վիճակի իրական պատճառները հասկանալու համար գիտնականներին անհրաժեշտ են հավաստի և վստահելի ամբողջական տվյալներ Սևանա լճի ջրի որակի, կենսաբազմազանության, լճի աղտոտման աղբյուրների բոլոր պարամետրերի վերաբերյալ առնվազն վերջին 20 տարվա կտրվածքով։ Եթե չկան այդ տվյալները, ապա պատասխանատվություն պետք է կրեն բոլոր այն մարմինները՝ ովքեր դա պարտավոր էին անել։ Եթե կան այդ տվյալները և դրանք թաքցրել են հանրությունից, ապա թաքցնողները պետք է պատասխանատվություն կրեն։ Ափամերձ տարածքները չմաքրողները կամ վատ մաքրողները պետք է քրեական պատասխանատվության ենթարկվեն։ Լճի մակարդակի բարձրացումը 2012 թվից արհեստական կասեցնողները պետք է պատասխանատվություն կրեն։ Արփա-Սևան թունելի վերանորոգումը ձգձգողները պետք է պատասխանատվություն կրեն։ Իմ համեստ կարծիքով պետք է անհապաղ մաքրել ափամերձ տարածքներն ու ջրի տակ մնացած անտառաշերտերը և արագ տեմպերով բարձրացնել ջրի մակարդակը։Հետո պետք է անցնել մյուս քայլերին. մաքրման կայաններ, արհեստական ձկնաբուծարաններ, ձկնապաշարների վերականգնում և այլն»։
07:58 - 09 հուլիսի, 2019
Շրջակա միջավայրի նախարարը պարզաբանումներ է ներկայացրել Սևանա լճի վիճակի վերաբերյալ |hetq.am|

Շրջակա միջավայրի նախարարը պարզաբանումներ է ներկայացրել Սևանա լճի վիճակի վերաբերյալ |hetq.am|

hetq.am։ Խորհրդարանում մեկնարկել է կառավարության առաջարկով հրավիրված արտահերթ նստաշրջանը։ Շրջակա միջավայրի նախարար Էրիկ Գրիգորյանին պատգամավորները հարցեր ուղղեցին Սևանա լճի որոշ ափերի կանաչելու վերաբերյալ։ «Կարո՞ղ եք պարզաբանում տալ, թե ինչ է տեղի ունենում Սևանի հետ, արդյոք փորձագիտական պետական մակարդակում արված եզրակացություն կա՞, թե պատճառը որն է»,-հարցրեց «Լուավոր Հայաստան» խմբակցության ղեկավար Էդմոն Մարուքյանը։Էրիկ Գրիգորյանն արձագանքեց՝ գործոնները մի քանիսն են։ «Կապտականաչ ջրիմուռների աճը, որը վիզուալ տեսանելի է, առկա է ինչպես Սև ծովում, Բայկալ լճում և այլն, սակայն խնդիրները մի քանի աղբյուրներից են գալիս։ Մեկը՝ Գեղարքունիքի կեղտաջրերի և կոյուղաջրերի ամբողջ ծավալը հոսում է Սևանա լիճ, ինչպես նաև ափամերձ տարածքների ռեստորանների, հյուրանոցների աղտոտող նյութերը։ Մյուս պատճառը ջրածածկ եղած անտառտնկարկներն են, որից զգալի քանակությամբ օրգանական նյութեր են ներմուծվում»,-ասաց նախարարը։ Նախարարի խոսքով, սակայն, հիմնական պատճառն այն է, որ Սևանում առկա սառը շերտը՝ հիպոլինիումը, սահմանված մակարդակից նվազել է։ «Այդ մակարդակի բարձրացումը` վեց մետր, ըստ էության պետք է սառը շերտի պահպանությանը, որը հնարավորություն կտա, որ այդ օրգանական նյութերի աճը սահմանափակվի, և դրա հետևանքով ջուրը մնա բարձր որակի»,-ասաց Գրիգորյանը։Նախարարն ասաց նաև, որ ընթացիկ մոնիթորինգ են իրականացնում, դիմել են երկու միջազգային կազմակերպությունների։ «Նախադրյալներ ենք ստեղծել ՅՈՒՆԵՍԿՕ-ի հետ Սևանի լճին կենսոլորտային պահպանավայր կարգավիճակ տալու համար, նաև դիմել ենք Գերմանիայի կառավարությանը, որպեսզի լայնամասշտաբ հետազոտություններ կատարվեն, հստակ ախտորոշումը կարվի և պարզ կլինի, թե ինչ լուծումներ պետք է տրվեն»,-ասաց Էրիկ Գրիգորյանը։ «Իմ քայլը» խմբակցության պատգամավոր Գայանե Աբրահամյանը հետաքրքրվեց` արդյոք ուսումնասիրություններ կատարվո՞ւմ են, որպեսզի ափամերձ մաքրման աշխատանքները պատշաճ կերպով չիրականացնելու համար պատասխանատվության ենթարկվեն համապատասխան սուբյեկտները, քանի որ տարիներ շարունակ պետական բյուջեից հատկացումներ են արվել այդ մաքրման աշխատանքների համար։ Էրիկ Գրիգորյանը հիշեցրեց, որ քրեական գործ է հարուցվել ջրառների հանդեպ՝ 2,8 միլիարդ դրամի տարբեր կեղծիքներ կատարելու համար։ Նախարարի խոսքով՝ գործ է հարուցվել նաև Արփա-Սևան թունելի շինարարական աշխատանքների առնչությամբ։Ինչ վերաբերում է լճի ափամերձ հատվածների մաքրման աշխատանքներին, նախարարն ասաց, որ վերլուծություններ են կատարել և փաթեթն ուղարկել դատախազություն։ԲՀԿ խմբակցությունից Միքայել Մելքումյանն էլ հարցրեց, թե արդյոք նախարարության համար Սևանա լճի առկա վիճակն անակնկալ է եղել։ «Էդ որ խոշոր եղջերավոր անասունների անկում է եղել, ձկնատեսակները ոչնչանում են, հանկարծակի տեղեկատվությո՞ւն է ձեզ համար։ Կառավարության նիստերի ժամանակ քանի՞ անգամ եք ներկայացրել այս հարցերը, պատասխանատվություն կրո՞ւմ եք էս վիճակի համար, թե չէ»,-հարցրեց նա։ Էրիկ Գրիգորյանն արձագանքեց՝ միանշանակ կրում է պատասխանատվություն, քանի որ նախարարն ինքն է։ «Ձկնատեսակների մասով հիմնավորված տեղեկատվություն չկա, որ անկում է եղել, կենդանատեսակների հետ կապված լուրերը, որ տարածվեցին, դա առվույտի հետ կապված էր, գյուղացիներին խորհուրդ են տվել, որ կենդանիներին մոտեցնեն լճին, դա ջրից է եղել։ Պետությունը որոշակի փոխհատուցում կտրամադրի»,-ասաց նախարարը։
07:38 - 09 հուլիսի, 2019