Վայոց ձորի մարզ

Վայոց ձորը մարզի կարգավիճակ ունեցող վարչատարածքային միավոր է Հայաստանի կենտրոնական մասում։ Սահմանակից է հյուսիսում Գեղարքունիքի, հյուսիս-արեւելքում՝ Արարատի, հարավում՝ Սյունիքի մարզերին, արեւելքում՝ Արցախի Հանրապետության Շահումյանի շրջանին, արեւմուտքում՝ Նախիջեւանի Ինքնավար Հանրապետությանը:

Մարզկենտրոնը` քաղաք Եղեգնաձորն է։ Բնակչության թիվն ըստ Վայոց ձորի մարզի բնակչության ռեգիստրի` (01.01.2019 թվականի դրությամբ)  60663 է։Բնակավայրերի թիվը` 55, որից քաղաքային` 3, գյուղական` 52։

Ձեռնարկվում են անհետաձգելի քննչական գործողություններ Վայոց ձորում տեղի ունեցած միջադեպին մարզպետի մասնակցությունը ստուգելու ուղղությամբ |aysor.am|

Ձեռնարկվում են անհետաձգելի քննչական գործողություններ Վայոց ձորում տեղի ունեցած միջադեպին մարզպետի մասնակցությունը ստուգելու ուղղությամբ |aysor.am|

aysor.am։ Վայոց Ձորի մարզային քննչական վարչությունում քննվող քրեական գործի շրջանակներում ձեռնարկվում են անհետաձգելի քննչական գործողություններ, մարզում տեղի ունեցած միջադեպին Վայոց Ձորի մարզպետի մասնակցությունը ստուգելու ուղղությամբ, հայտնում են Քննչական կոմիտեից։Այս պահին առգրավվել են դեպքի հարակից տարածքում առկա տեսախցիկները՝ մարզպետի մասնակցությունը միջադեպին ստուգելու նպատակով: Գործը գտնվում է ՀՀ Քննչական կոմիտեի նախագահ Հայկ Գրիգորյանի հսկողության ներքո:Վայոց Ձորի մարզում տեղի ունեցած միջադեպի առթիվ հարուցված քրեական գործի շրջանակներում Վայոց ձորի մարզպետի օգնական Հարություն Գրիգորյանին մեղադրանք է առաջադրվել դիտավորությամբ անձին ծանր մարմնական վնաս պատճառելու համար: Նրա նկատմամբ որպես խափանման միջոց է ընտվել կալանավորումը:2019թ. սեպտեմբերի 18-ին՝ ժամը 00:20-ին, ՀՀ ոստիկանության Վայոց Ձորի վարչությունում «Եղեգնաձոր բժշկական կենտրոն» ՓԲԸ-ից հաղորդում է ստացվել այն մասին, որ անգիտակից վիճակում իրենց մոտ է տեղափոխվել Շիրակի մարզի բնակիչ, ՀՀ ՊՆ զորամասի սպա:2019թ սեպտեմբերի 18-ին ՀՀ ՊՆ կենտրոնական կլինիկական հոսպիտալից գրություն է ստացվել այն մասին, որ նույն օրը՝ ժամը 06:40-ին իրենց մոտ է ընդունվել նշված սպան՝ «Փակ ծանր ԳՈՒՎ:գլխուղեղի աջ կիսագնդի միջին աստիճանի սալջարդ, աջ քունք-գագաթային, ճակատային բլթերի շրջանի սուբդորալ հեմատոմա՝ արտահայտված քունքտենտորյալ լատերալ դիսլոկացիայով» նախնական ախտորոշումով: Կատարվել է շտապ վիրահատություն, վիճակը գնահատվում է ծայրահեղ ծանր: Ձեռնարկված միջոցառումների արդյունքում պարզվել է, որ սպան մարմնական վնասվածքն ստացել է 2019թ. սեպտեմբերի 17-ին՝ ժամը 23:40-ի սահմաններում, Եղեգնաձոր քաղաքի շենքերից մեկի բակում պարզաբանումներ ստանալու հարցի շուրջ առաջացած վիճաբանության ժամանակ: Ենթադրյալ հանցագործություն կատարած անձը, ով Եղեգնաձոր քաղաքի բնակիչ է՝ ծնված 1991թ, բռունցքով մեկ անգամ հարվածել է սպայի գլխին, որի հետևանքով վերջինս վայր է ընկել: Նախաքննությունը շարունակվում է:
07:52 - 23 սեպտեմբերի, 2019
Ձերբակալվել է Վայոց ձորի մարզպետի օգնականը

Ձերբակալվել է Վայոց ձորի մարզպետի օգնականը

ՀՀ գլխավոր դատախազի խորհրդական Գոռ Աբրահամյանը ֆեյսբուքյան գրառմամբ անդրադարձել է Վայոց ձորի մարզում, Եղեգնաձոր քաղաքում, սեպտեմբերի 18-ի գիշերը զինվորականների և մարզպետարանի աշխատակիցների մասնակցությամբ տեղի ունեցած միջադեպի առթիվ հարուցված է քրեական գործին: «Նկատի ունենալով, որ մամուլում տարբեր մեկնաբանություններով հրապարակումներ են արվում, անհրաժեշտ եմ համարում տեղեկացնել, որ Վայոց Ձորի մարզում, Եղեգնաձոր քաղաքում, սեպտեմբերի 18-ի գիշերը զինվորականների և մարզպետարանի աշխատակիցների մասնակցությամբ տեղի ունեցած միջադեպի առթիվ հարուցված է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով: Դատախազական հսկողության ներքո ընթանում է լրիվ, օբյեկտիվ և բազմզակողմանի քննություն՝ դեպքի բոլոր հանգամաքնները պարզելու, մասնակից յուրաքանչյուր անձի գործողություններին իրավական գնահատական տալու ուղղությամբ: Կոչումով փոխգնդապետ զինվորականներից մեկին միջադեպի ընթացքում ծանր մարմնական վնասվածքներ հասցնելու կասկածանքով այսօր ձերբակալվել է Վայոց ձորի մարզպետի օգնականի պաշտոնն զբաղեցնող Հ.Գ.-ն: Ողջ ծավալով ստուգվում է նաև միջադեպին Վայոց Ձորի մարզպետի հնարավոր մասնակցությունը»,- գրել է նա:
10:45 - 20 սեպտեմբերի, 2019
Հնարավորինս լայն քննարկում է լինելու․ Վլադիմիր Կարապետյանը՝ Ամուլսարի հարցի մասին

Հնարավորինս լայն քննարկում է լինելու․ Վլադիմիր Կարապետյանը՝ Ամուլսարի հարցի մասին

Երեկ «Դեմ եմ Ամուլսարում հանքաարդյունաբերությանը» ֆեյսբուքյան խմբում տարածված հայտարարության մեջ ասվում էր, որ ջերմուկցիներն այսօրվա ակցիային կսպասեն Նիկոլ Փաշինյանին։ Այսօր մեզ հետ զրույցում Ջերմուկի բնակիչ և ակցիայի մասնակից Շիրակ Բունիաթյանը նշեց, որ իրենց կարծիքով՝ եթե Փաշինյանն այսօր չգնա Ջերմուկցիների հետ հանդիպման, պատճառն այն կլինի, որ դեռ չի ուսումնասիրել Ամուլսարի հարցով համալիր փորձաքննության եզրակացությունը։ ՀՀ վարչապետ Նիկոլ Փաշինյանի մամուլի քարտուղար Վլադիմի Կարապետյանը մեզ հետ հեռախոսազրույցում ասաց, որ վարչապետն այսօր չի գնալու ջերմուկցիների հետ հանդիպման։  Փորձեցինք հասկանալ, թե արդյո՞ք ջերմուկցիների, բնապահպանական ակտիվիստների կամ «Հայակական բնապահպանական ճակատի» անդամների հետ հանդիպումներ պլանավորված են առաջիկայում, բայց Վադիմիր Կարապետյանը նշեց, որ չի կարող այդ մասին տեղեկություն տալ այս պահին։ Մեր այն հարցին, թե մինչև Ամուլսարի հարցով որոշում կայացնելը վարչապետը կհանդիպի՞ Ջերմուկի բնակիչների և բնապահպանների հետ, պարոն Կարապետյանը պատասխանեց․ «Դա այնպիսի հնչեղության ու նշանակության հարց է, որ հնարավորինս լայն քննարկում է լինելու, շատ թափանցիկ է գործելու իշխանությունը»։ Աննա Սահակյան
13:03 - 16 օգոստոսի, 2019
Վայոց ձորում բրուցելոզ է, իսկ անասնաբույժները 50 հազար են ստանում |epress.am|

Վայոց ձորում բրուցելոզ է, իսկ անասնաբույժները 50 հազար են ստանում |epress.am|

epress.am: Վայոց ձոր մարզի Եղեգիս խոշորացված համայնքի Քարագլուխ գյուղում և Արենի խոշորացված համայնքի Գնիշիկ գյուղում անասունների բրուցելոզ էր տարածվել։ Կենդանիներին ոչնչացրել են, գյուղացիների մանր անասունների համար տվել են 10 000 դրամ։ Այս մասին ասաց Եղեգիսի համայնքի ղեկավար Արթուր Ստեփանյանը, տեղեկատվությունը հաստատեց Վայոց Ձորի գյուղատտեսության և բնապահպանության վարչության պետ Գեղամ Մարգարյանը։Բրուցելոզի դեպքերում կառավարությունը փոխհատուցում չի տրամադրում, քանի որ այդ հիվանդությունը չկա փոխհատուցման ցուցակում գտնվող հիվանդությունների շարքում։ Պարբերաբար ստուգումներ կատարվում են, սակայն Գեղամ Մարգարյանը դա բավարար չհամարեց։ Վարչության նորանշանակ պետը ֆիքսեց ոլորտի խնդիրները․ անասնաբույժների 50 000 դրամ աշխատավարձը, անասանապահության վարման կուլտուրայի բացակայությունը, Գեղարքունիքի մարզում կենդանիների շուկայի բարձիթողի վիճակը։«Գնում են, Գեղարքունիքի մարզից անասուն են բերում, որտեղ անկառավարելի վիճակ է, և 1 ամիս առնվազն պետք է պահեն կառանտին ռեժիմում, ստուգեն կենդանու արյունը և նոր հետո որևէ խնդիր չարձանագրելու պարագայում ընդհանուր օգտագործման հոտին թողնեն խառնվի։ Այս տեսակ խնդիրները լուրջ մոտեցում և գիտելիքներ են պահանջում, մեկի անգրագիտության պատճառով ողջ հոտը վարակվել է բրուցելոզով։ Քարագլուխ գյուղում անգամ գրանցվել է մարդու բրուցելոզով հիվանդության դեպք», — ասում է Գեղամ Մարգարյանը։
14:08 - 19 հունիսի, 2019
Եղեգնաձորի մշակույթի օբյեկտները քանդվում են |epress.am|

Եղեգնաձորի մշակույթի օբյեկտները քանդվում են |epress.am|

Վայոց ձորի մարզպետարանը միակն է Հայաստանում, որ իր ենթակայության տակ ունի 3 մշակութային ՊՈԱԿ. մարզային մշակույթի կենտրոնը, Եղեգնաձորի երկրագիտական թանգարանն ու Եղեգնաձորի երաժշտական դպրոցը: 1976 թվականին կառուցված մշակույթի տանը գործում են արվեստի և այլ կրթական խմբակներ։ Պատերը խոնավ են, տեղ-տեղ հոսանքի լարերը դուրս են ցցվում։ Հատակի պարկետը քանդված է, թուլացած պատուհանները երբեք չեն փոխվել։ Մշակույթի տան ղեկավար Մարո Սիմոնյանը պատմում է, որ երկրորդ հարկի մեծ դահլիճում երաժշտություն բարձր չեն միացնում, քանի որ առաստաղ փլվում է։ 2018 -2019-ին այստեղ սովորում է մոտ հարյուր աշակերտ, պարապում է 40 հոգանոց կարատեի խումբ։ Խնդրի մասին տեղյակ է պահել նախորդ կառավարությանը, անգամ հիշում է, որ Սփյուռքի նախկին նախարար Հրանուշ Հակոբյանն է այցելել տարածք և ինչ-որ ծրագրեր են մշակել, որ իրականացնեն, սակայն չի հաջողվել։ Քաղաքացու օրվա միջոցառումների շրջանակում Եղեգնաձորում ելույթ էր ունենում Որդան Կարմիր ռոք խումբը։ Վայոց Ձորի փոխմարզպետ Նանե Ասատրյանը ներկայացրեց Եղեգնաձորում գործող մշակութային կենտրոնների վիճակը։ «Երկրագիտական թանգարանն ու երաժշտական դպրոցը քիչ թե շատ կարողացել են վերջին տարիներին գտնել որոշ կենսական կարևորության խնդիրների լուծման տարբերակներ, թեև այստեղ էլ շարունակվում են առկա լինել շատ խնդիրներ: Իսկ Մշակույթի տունը լուրջ վերակիրակման կարիք ունի: Սկսած կանոնադրության վերանայումից, կառվարման կազմակարպչական աշխատանքներից, վերջացրած շենքի պայմանների բարելավման աշխատանքներով: Մշակությի տանը տարիներ առաջ երկու կարևոր ներդրում է եղել նորոգվել է բեմն ու դահլիճը, կառուցվել է ջեռուցման համակարգ: Փոխմարզպետը խնդիր է տեսնում, որ տարիներ շարունակ մշակույթի կենտրոնը կոմերցիոն գործունեության, զարգացման, շենքային պայմաններ բարելավելու համար արտաբյուջե ստեղծելու լայն հնարավորություններ է ունեցել, սակայն չի արվել:   Ավելին՝ epress.am-ում
08:14 - 30 ապրիլի, 2019