Վրաստանի ղեկավարության նկատմամբ ԱՄՆ պատժամիջոցները վիրավորական են․ Կոբախիձե
 |1lurer.am|
19:17 - 11 հունիսի, 2024

Վրաստանի ղեկավարության նկատմամբ ԱՄՆ պատժամիջոցները վիրավորական են․ Կոբախիձե |1lurer.am|

1lurer.am: Վրաստանի ղեկավարության նկատմամբ ԱՄՆ պատժամիջոցները վիրավորական են և չեն համապատասխանում երկու երկրների միջև գործընկերության ոգուն՝ հայտարարել է Վրաստանի վարչապետ Իրակլի Կոբախիձեն։ Նա հույս է հայտնել, որ ամերիկյան կողմը կվերանայի իր քաղաքականությունը։

Կոբախիձեի խոսքով՝ Վրաստանի շահերից է բխում, որ ԱՄՆ-ի և Եվրամիության հետ հարաբերություններն առավելագույնս խորանան: Նա նշել է, որ փոխադարձ քայլեր է ակնկալում ինչպես ամերիկյան, այնպես էլ եվրոպական գործընկերների կողմից։

Ավելի վաղ ԱՄՆ պետքարտուղարության մամուլի ծառայության ղեկավար Մեթյու Միլլերը հայտարարել էր, որ ԱՄՆ-ը վիզային պատժամիջոցներ է սահմանում Վրաստանի տասնյակ քաղաքացիների, այդ թվում՝ կառավարության ու խորհրդարանի անդամների և նրանց հարազատների, ինչպես նաև իրավապահների նկատմամբ երկրում ընդունված «Օտարերկրյա ազդեցության թափանցիկության» մասին օրենքի կապակցությամբ:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել