Դեկտեմբերի 19-ին Վլադիմիր Վարդանյանի նախագահությամբ տեղի է ունեցել ՀՀ ԱԺ պետական-իրավական հարցերի մշտական հանձնաժողովի արտահերթ նիստը, որի ընթացքում երկրորդ ընթերցմամբ քննարկվել եւ դրական եզրակացություն է ստացել ԱԺ պատգամավորներ Վարազդատ Կարապետյանի ու Վահե Ղալումյանի հեղինակած «Տեղական հանրաքվեի մասին» ՀՀ օրենքում լրացումներ եւ փոփոխություններ կատարելու մասին» եւ «Տեղական ինքնակառավարման մասին» ՀՀ օրենքում լրացումներ կատարելու մասին» ՀՀ օրենքների նախագծերի փաթեթը:
Հիմնական զեկուցող Վարազդատ Կարապետյանը տեղեկացրել է, որ առաջինից երկրորդ ընթերցում ընկած ժամանակահատվածում կատարվել է երկու փոփոխություն, որոնցից մեկով առաջարկվում է տեղական հանրաքվեին մասնակցող քաղաքացիների թիվը 20 տոկոսի փոխարեն սահմանել 50 տոկոս եւ տեղական հանրաքվեն համարել կայացած՝ եթե դրան մասնակցած լինի համայնքի ընտրացուցակում առկա քաղաքացիների առնվազն 50 տոկոսը: Երկրորդ փոփոխությամբ համայնքների ղեկավարներին կտրվի հնարավորություն՝ անցկացնելու բաց լսումներ եւ դրանց արդյունքները ներկայացնել Կառավարությանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)