12:49 - 14 մայիսի, 2020
Արսեն Թորոսյանը ինքնամեկուսացված է. նախարարությունում կորոնավիրուսի հաստատված դեպքեր կան
Այսօր կառավարության հերթական նիստին ներկա չէր Առողջապահության նախարար Արսեն Թորոսյանը։ Մամուլում տարածված լուրերի համաձայն՝ Թորոսյանը ինքնամեկուսացված է։
infocom.am-ի հետ զրույցում Առողջապահության նախարարության մամուլի խոսնակ Ալինա Նիկողոսյանը հաստատեց տեղեկությունը, նշելով, որ նախարարությունում գրանցվել են կորոնավիրուսի դեպքեր։ Նախարարը հանդիսացել է երկրորդային կոնտակտավոր անձ։
«Նախարարը թեստ է հանձնել, սպասում ենք պատասխանին»,- ասաց Նիկողոսյանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)