12:36 - 13 հուլիսի, 2022
Երևանից հետո Բաքու․ Իրանի անվտանգության խորհրդի քարտուղարը կայցելի Ադրբեջան |factor.am|
factor.am: Իրանի Ազգային անվտանգության գերագույն խորհրդի քարտուղար, կոնտր-ադմիրալ Ալի Շամխանին այցելելու է Ադրբեջան, հայտնում է իրանական Մեհր գործակալությունը։
Նշվում է, որ Շամխանին Բաքու է այցելելու ուրբաթ օրը՝ հուլիսի 15-ին Ադրբեջանի ԱԽ քարտուղար Ռամիլ Ուսուբովի հրավերով։ Իրանցի պաշտոնյան նաև հանդիպելու է Ադրբեջանի նախագահ Իլհամ Ալիևին՝ քննարկելու Իրան-Ադրբեջան հարաբերությունները, ինչպես նաև տարածաշրջային ու միջազգային վերջին զարգացումները։
Հիշեցնենք, որ հուլիսի 7-ին էլ Շամխանին այցելել էր Հայաստան։ Նա բանակցություններ էր անցկացրել ՀՀ վարչապետ Նիկոլ Փաշինյանի, ԱԽ քարտուղար Արմեն Գրիգորյանի հետ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)