17:34 - 06 սեպտեմբերի, 2022
Էրդողանը բանակցություններ է վարել Բոսնիա և Հերցեգովինայի նախագահության հետ |armenpress.am|
armenpress.am: Թուրքիայի նախագահ Ռեջեփ Թայիփ Էրդողանը երեքշաբթի օրը Սարաևոյում բանակցություններ է վարել Բոսնիա և Հերցեգովինայի նախագահության ղեկավար Շեֆիկ Ջաֆերովիչի հետ։
Այս մասին հայտնում է թուրքական «Անադոլու» լրատվական գործակալությունը:
Նեղ կազմով հանդիպումը կայացել է Թուրքիայի ղեկավարի պաշտոնական դիմավորման արարողությունից անմիջապես հետո։
Մամուլի համար փակ հանդիպմանը մասնակցել են Բոսնիա և Հերցեգովինայի նախագահության անդամներ Զելկո Կոմշիչը և Միլորադ Դոդիկը։
Հանդիպումից հետո թուրք առաջնորդը մասնակցում է Թուրքիա-Բոսնիա և Հերցեգովինա գործարար համաժողովին։
Էրդողանը սեպտեմբերի 6-ի երեկոյան մեկնելու է Բելգրադ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)