«Եռաբլուր» զինվորական պանթեոնից, ըստ փաստաբան Վահան Հովհաննիսյանի, բերման է ենթարկվել մոտ երեք տասնյակ անձ։
Նրա խոսքով՝ զոհված զինծառայողների ծնողներից երկուսը (երկուսն էլ կին են) ունեն մարմնական վնասվածքներ․ «Մեկի ձեռքերն են վնասված, մեկի՝ մատը։ Հիմա ոստիկանության բաժնում են, դուրս կգան և կդիմեն բուժօգնության»։
Ոստիկանությունից Infocom-ի հետ զրույցում հայտնեցին, որ ավելի ուշ տվյալներ կհաղորդեն։
Հիշեցնենք, որ այսօր վաղ առավոտից ոստիկանական մեծաթիվ ուժեր էին կենտրոնացել «Եռաբլուր» զինվորական պանթեոնում: Ինչ-որ պահի կարմիր բերետավորները սկսեցին բերման ենթարկել զոհված զինծառայողների ծողներին, այդ թվում կանանց, որոնք եկել էին Պանթեոն՝ թույլ չտալու, որ Անկախության օրվա տոնի կապակցությամբ Նիկոլ Փաշինյանն այցելի «Եռաբլուր»:
comment.count (0)