«Սուրմալու» առևտրի կենտրոնի շենքի փլուզման պատճառով 3 տուժածները հոսպիտալացվել են Էրեբունի ԲԿ, ներկա պահին հետազոտվում են, նախնական տվյալներով առողջական վիճակները գնահատվել է բավարար։ Այդ մասին Ֆեյսբուքի իր էջում գրել է ԱԻՆ մամուլի խոսնակ Հայկ Կոստանյանը:
Առողջապահության նախարարությունից էլ հայտնում են, որ պատի փլուզման հետևանքով երեք տուժածներից երկուսը շտապօգնության մեքենայով, իսկ երրորդը անձնական տրանսպորտով դիմել են բժշկական կենտրոններից մեկը։
«Նրանք նախնական բուժզննության փուլում են, ունեն սալջարդեր ու քերծվածքներ»,- հայտնում են նախարարությունից:
Ինչպես արդեն հայտնել ենք սեպտեմբերի 21-ին՝ ժամը 17:45-ին, Ճգնաժամային կառավարման ազգային կենտրոն ահազանգ է ստացվել, որ Երևանի «Սուրմալու» առևտրի կենտրոնի վնասված շինությունը մասնակի փլուզվել է։
Ըստ նախնական տվյալների՝ կա 3 տուժած։
comment.count (0)