Սեպտեմբերի 30-ի ժամը 09:00-ի դրությամբ հայ-ադրբեջանական սահմանին իրադրության փոփոխություն չի արձանագրվել, իրավիճակը հարաբերականորեն կայուն է:
Այս մասին հայտնում են ՀՀ պաշտպանության նախարարությունից։
Հիշեցնենք, որ ՊՆ-ն հայտնել էր, որ սեպտեմբերի 28-ին ժամը 18։00-ից Ադրբեջանի ԶՈւ ստորաբաժանումները, ականանետերի և խոշոր տրամաչափի հրաձգային զինատեսակների կիրառմամբ, կրակ էին բացել հայ-ադրբեջանական սահմանի արևելյան ուղղությամբ տեղակայված մարտական դիրքերի ուղղությամբ: ԳՇ պետի տեղակալի խոսքով՝ հակառակորդը կիրառել է 82 միլիմետրանոց ականանետ և ԱԹՍ-ներ։
Իսկ ՀՀ վարչապետ Նիկոլ Փաշինյանը հունվարի 29-ին՝ կառավարության նիստի ժամանակ, ասաց, որ Հայաստան-Ադրբեջան սահմանի հարավարևելյան հատվածում են Ադրբեջանի ԶՈՒ-երը հերթական սադրանքն իրականացրել և ինժեներական աշխատանքներ իրականացնող մեր ստորաբաժանման ուղղությամբ հարվածներ են հասցրել։
Ավելի ուշ ՊՆ-ն հրապարակեց հարձակման հետևանքով զոհված երեք զինծառայողների անունները։
comment.count (0)