10:40 - 24 հոկտեմբերի, 2022
2022 թ. 9 ամսում պետբյուջե է հավաքվել 1 տրլն 412 մլրդ դրամի հարկային եկամուտ. ՊԵԿ
2022 թվականի 9 ամսում պետական բյուջե է հավաքվել 1 տրլն 412 մլրդ դրամի հարկային եկամուտ, որը նախորդող տարիների նույն ժամանակահատվածի համեմատությամբ աննախադեպ ցուցանիշ է։
Հարկային եկամուտների հավաքման ծրագրային ցուցանիշը գերակատարվել է 77․2 մլրդ դրամով կամ 5․8 %-ով:
.jpg)
Հարկային եկամուտները 2022 թ․ առաջին 9 ամսում շուրջ 275 մլրդ դրամով կամ 24.2 %-ով գերազանցել են 2021 թ․ նույն ժամանակահատվածի ցուցանիշը, ինչը վերջին տարիներին արձանագրված ամենաբարձր աճի տեմպն է, ընդ որում՝
հարկ վճարողներին և ֆիզիկական անձանց վերադարձվել է 172 մլրդ դրամ, ինչը 39․7 մլրդ դրամով կամ 30 %-ով ավելին է նախորդ տարվա նույն ժամանակահատվածի ցուցանիշից.
ԵԱՏՄ անդամ պետությունների միջև ներմուծման մաքսատուրքերի՝ ըստ նորմատիվների բաշխման արդյունքում ներմուծման մաքսատուրքերի գծով մուտքերը նախորդ տարվա նույն ժամանակահատվածի համեմատ կրճատվել են 21․6 մլրդ դրամով կամ 35 %-ով։
.jpg)
2022 թ․ 9 ամսում հարկային եկամուտների մեջ ամենամեծ տեսակարար կշիռը կազմում են հանքարդյունաբերությունից ստացված եկամուտները, որին բաժին է ընկնում հարկային եկամուտների շուրջ 8 %-ը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)