Հարավային Կովկասում Եվրամիության հատուկ ներկայացուցիչ Տոյվո Կլաարը ժամանել է Հայաստան։ Նա այս մասին հայտնել է թվիթերյան միկրոբլոգում:
«Գեղեցիկ, փոքր-ինչ սառը առավոտ Երևանում։ Որոշ ժամանակ է անցել», - գրել է Կլաարը՝ չհայտնելով այլ մանրամասներ։
Հիշեցնենք, որ Տոյվո Կլաարը վերջին անգամ Հայաստան էր ժամանել ադրբեջանական վերջին՝ սեպտեմբերի 13-ի ագրեսիայից հետո։
Սեպտեմբերի 14-ին Տոյվո Կլաարը Բաքվում հանդիպեց Ադրբեջանի նախագահ Իլհամ Ալիևի հետ։
Իսկ սեպտեմբերի 15-ին ԵՄ հատուկ ներկայացուցիչը Երևանում հանդիպում ունեցավ ԱԳ նախարար Արարատ Միրզոյանի, ինչպես նաև պաշտպանության նախարար Սուրեն Պապիկյանի հետ։
comment.count (0)