19:40 - 16 նոյեմբերի, 2022
ԱՄՆ պետքարտուղարն Իլհամ Ալիևին հորդորել է պահպանել հրադադարը և դադարեցնել սադրանքները |tert.am|
tert.am: ԱՄՆ Պետքարտուղար Էնթոնի Բլինքենն այսօր զրույց է ունեցել Ադրբեջանի նախագահ Իլհամ Ալիևի հետ:
Պետքարտուղարն ընդգծել է ԱՄՆ-ի աջակցությունը խաղաղ գործընթացին և հորդորել է երկու կողմերին պլանավորել հետագա բանակցությունները, ինչպես համաձայնեցվել է Վաշինգտոնում:
Կողմերը քննարկել են հայ-ադրբեջանական երկկողմ խաղաղ բանակցությունների արդյունքներն ու հետագա քայլերը։
ԱՄՆ պետքարտուղարությունից նշում են, որ Բլինքենն Ալիևին հորդորել է պահպանել հրադադարը և դադարեցնել սադրանքները՝ միաժամանակ ուսումնասիրելով Հայաստանի հետ վստահության ամրապնդման միջոցները՝ խաղաղության հիմք ստեղծելու համար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)