20:25 - 23 նոյեմբերի, 2022
Ուկրաինայում գործող բոլոր երեք ատոմակայաններն անջատվել են էներգահամակարգից |1lurer.am|
1lurer.am: Ուկրաինայում գործող բոլոր երեք ատոմակայաններն անջատվել են երկրի էներգետիկ համակարգից։ Դրանցից երկուսը՝ Հարավուկրաինականն ու Ռովնենսկին, գտնվում են վթարային անջատման ռեժիմում, գրում է ՏԱՍՍ-ը։
էներգահամակարգից անջատված են նաև Խմելնիցկի ԱԷԿ-ի էներգաբլոկները: Ամբողջովին հոսանքազրկվել են Լվովն ու Օդեսայի շրջանը։ Հոսանքազրկումներ կան նաև Խարկովի մարզում և երկրի այլ շրջաններում։ Ուկրաինայում խափանումների պատճառով էլեկտրաէներգիայի վթարային անջատում է տեղի ունեցել Մոլդովայում։
Նոյեմբերի 23-ի ցերեկը ողջ Ուկրաինայում օդային տագնապ է հայտարարվել։ Լսվել են պայթյուններ Կիևում, Զապորոժիեում, Օդեսայում և Կիևի կողմից վերահսկվող Խերսոնում։
Կիևի և Վիննիցայի շրջանների վարչակազմները հաստատել են հրթիռային հարվածների պատճառով կրիտիկական ենթակառուցվածքների խափանումները։
Դադարեցվել է աշխատանքը նաև «Դրուժբա» նավթատարի՝ Ուկրաինայի հատվածում, հայտնում է «Տրանսնեֆտը»։ Բելառուսից Ուկրաինա վառելիքի մղումը դեռ շարունակվում է: Ընկերությունը, սակայն, նշել է, որ եթե Կիևը չվերականգնի նավթամուղի աշխատանքը Նովգորոդ-Վոլինսկի-Բրոդի հատվածում, ապա շուտով այդ մղումն էլ կդադարեցվի։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)