ՀՀ նախագահ Վահագն Խաչատուրյանը իր թվիթերյան միկրոբլոգում գրառում է կատարել ու ցավակցել այսօր Թուրքիայում ու Սիրիայում տեղի ունեցած ու հազարից ավելի մարդկանց կյանք խլած ավերիչ երկրաշարժի կապակցությամբ։

«Իմ սրտանց ցավակցություններն եմ հայտնում Թուրքիային և Սիրիային ավերիչ երկրաշարժից հետո ողբերգական հետևանքների և անմեղ մարդկանց կորստի կապակցությամբ։

Ցավակցում եմ զոհվածների ընտանիքներին և շուտափույթ ապաքինում մաղթում բոլոր տուժածներին»,- գրել է Խաչատուրյանը։

Հիշեցնենք, որ Թուրքիայում` Սիրիայի սահմանից ոչ հեռու, գիշերը 7,8 մագնիտուդ հզորությամբ երկրաշարժ է եղել: Թուրքիայի ու Սիրիայի բազմաթիվ քաղաքներում տեղի են ունեցել ավերվածություններ։ Կան բազմաթիվ զոհեր եւ վիրավորներ։ Գիշերվա ավերիչ երկրաշարժին Թուրքիայում այսօր հետևել են հետցնցումներ, որոնցից մեկը 7,7 մագնիտուդով, ապա՝ 5,9 մագնիտուդով։