21:11 - 11 մարտի, 2023
ՌԴ ՊՆ-ն Արցախում խաղաղապահների գործունեության մասին տեղեկագրում արձանագրել է հրադադարի ռեժիմի խախտում
ՌԴ ՊՆ-ն Արցախում խաղաղապահների գործունեության մասին մարտի 11-ի տեղեկագրում արձանագրել է հրադադարի ռեժիմի մեկ խախտում Մարտակերտի շրջանում:
«Զոհեր և վիրավորներ չեն եղել։ Ռուսական խաղաղապահ զորախմբի ուժերը հետաքննում են այս փաստը», - նշված է տեղեկագրում։
Նշվում է, որ պարեկություն է իրականացվել Շուշիի, Մարդակերտի և Մարտունու շրջաններում երեք երթուղիներով։
Զորակազմը ապահովել է մարդասիրական բեռով իր ավտոշարասյան ուղեկցումը Գորիս-Ստեփանակերտ երթուղով։
Հիշեցնենք, որ երեկ՝ մարտի 10-ին, Ադրբեջանի ԶՈւ ստորաբաժանումները շփման գծի հյուսիսային ուղղությամբ խախտել էին հրադադարը՝ կիրառելով հրաձգային զենքեր։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)