Այսօր ադրբեջանական կողմը հանդիպում է ունեցել Արցախում ռուսական խաղաղապահ զորակազմի հրամանատարության հետ ու մտահոգություն հայտնել Լեռնային Ղարաբաղում օգտակար հանածոների, Ադրբեջանի պնդմամբ, «ապօրինի շահագործման ու այդ գործունեության հետևանքների առնչությամբ»։ Ադրբեջանի բնապահպանության նախարարության հաղորդմամբ՝ քննարկումների արդյունքում սկսվել է այդ աշխատանքների իրականացման համար ճանապարհային քարտեզի նախապատրաստումը։ |azatutyun.am|
Ադրբեջանի ՊՆ հաղորդագրությունը, թե իբր ՊԲ ստորաբաժանումները այսօր՝ ժամը 16։30-ի սահմաններում, կրակ են բացել Արցախի Մարտունու շրջանի օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է։ [ԱՀ ՊԲ]
«Մանկական եվրատեսիլ-2022» երգի միջազգային 20-րդ մրցույթի բացման և Հանրապետության հրապարակի տոնածառի լույսերը վառելու արարողության մասնակիցների անվտանգությունն ապահովելու նպատակով երկուշաբթի ժամը 15․00-ից փակ են լինելու Հանրապետության հրապարակ մուտք գործող փողոցները:
«Ազգային-ժողովրդավարական Բևեռ»-ի մամուլի ծառայությունից հայտնում են, որ քիչ առաջ ոստիկանությունը բերման է ենթարկել Վարուժան Ավետիսյանին քաղաքացիական հիվանդանոց տեղափոխելու պահանջով Երևանի կենտրոնում երթ իրականացնող Բևեռի աջակիցներին։ «Քիչ առաջ ոստիկանությունը սադրանք հրահրեց՝ ուժ կիրառելով Վարուժան Ավետիսյանին քաղաքացիական հիվանդանոց տեղափոխելու պահանջով Երևանի կենտրոնում խաղաղ երթ իրականացնող Բևեռի աջակիցների նկատմամբ: Արդյունքում երթի մասնակիցներից մեկը վնասվածք է ստացել, կան բերման ենթարկվածներ»,- նշված է հաղորդագրության մեջ։
ՀՀ ԱԳ նախարար Արարատ Միրզոյանն ընդունել է ԵԱՀԿ ՄԽ ԱՄՆ համանախագահ, Կովկասյան բանակցությունների հարցերով ավագ խորհրդական Ֆիլիպ Ռիքերին։ Զրուցակիցները քննարկել են Հայաստանի և Ադրբեջանի միջև հարաբերությունների կարգավորմանը, ԼՂ հիմնախնդրին առնչվող վերջին զարգացումները: Արարատ Միրզոյանն ընդգծել է, որ Ադրբեջանի կողմից ուժի և ուժի սպառնալիքի կիրառման դրսևորումները, շարունակական սադրանքները և ռազմատենչ հայտարարությունները հանդիսանում են տարածաշրջանում կայուն խաղաղության հաստատման հիմնական խոչընդոտը: [ՀՀ ԱԳՆ]
Երեւանի ավագանու անդամ, «Լույս» խմբակցության ղեկավար Դավիթ Խաժակյանի եւ Լեհաստանում ՀՀ արտակարգ եւ լիազոր նախկին դեսպան, Սահմանադրական դատարանի աշխատակազմի նախկին ղեկավար Էդգար Ղազարյանի միջեւ օրեր առաջ Հանրային հեռուստաընկերության եթերում բանավեճ ծավալվեց, որի ընթացքում երկուստեք խնդրահարույց պնդումներ արվեցին։
Ստեփանակերտ-Գորիս մայրուղին փակելու մասին Արցախի հաղորդումից մոտ երկու ժամ անց պաշտոնական Բաքուն տեղեկացրել է, որ մասնագետներ է ուղարկել «ռուս խաղաղապահների ժամանակավոր տեղակայման վայր՝ հետաքննելու և վերահսկելու տեղում օգտակար հանածոների ապօրինի շահագործումն ու այդ տարածքներում այդ գործունեության բնապահպանական հետևանքները»։ Թե ինչ օգտակար հանածոների շահագործման մասին է խոսքը, հստակ չէ։ |azatutyun.am|
Ադրբեջանական կողմի հետ ավելի քան երեք ժամ տևած բանակցությունները տվել են դրական արդյունք: Արցախը Հայաստանին կապող միակ մայրուղին երկկողմանի բաց է բոլոր տեսակի տրանսպորտային միջոցների երթևեկության համար: [Արցախի տեղեկատվական շտաբ]
Վերջին շրջանում ադրբեջանական կողմը շարունակաբար կեղծ տեղեկատվական առիթներ էր հորինում ճանապարհի հնարավոր փակումը լեգիտիմացնելու նպատակով: Նման վտանգների կրկության վերաբերյալ ահազանգել ենք տարբեր հնարավոր խողովակներով ու միջոցներով: Պատշաճ ու հասցեական կանխարգելման բացակայության հետևանքով էլ ադրբեջանական կողմը գործում է անպատժելիության վարքագծով, որին վերջնականապես պետք է վերջ դրվի: Ուստի, հորդորում ու պահանջում եմ միջազգային հանրության հիմնական դերակատարներից հասցեական ու կոշտ քայլերով ձեռք առնել պատժիչ ու կանխարգելիչ միջոցներ, այլապես նման դեպքերի կրկնությունն ու հումանիտար աղետն անխուսափելի են։ [Արցախի ՄԻՊ Գեղամ Ստեփանյան]
Ադրբեջանը, Ստեփանակերտ-Գորիս մայրուղին փակելով, փորձում է առաջ տանել իր հայատյաց քաղաքականությունը, կաթվածահար անել Արցախը, ինչը հարված է նաև ռուս խաղաղապահ առաքելությանը: Ադրբեջանցիներից ամեն ինչ սպասելի է: Փորձում են ահաբեկել, փորձում են համառորեն առաջ տանել իրենց հայատյաց քաղաքականությունը, կաթվածահար անել Արցախը, խախտում են միջազգային նորմերը, սա հարված է ռուս խաղաղապահ առաքելությանը, հարված է ամեն ինչին։ Միջազգային հանրությունը պետք է ճնշի Ադրբեջանին, այլ տարբերակ չկա: Դատապարտելն անպայման պետք է, բայց քայլեր պետք է ձեռնարկեն, միայն խոսքերով սահմանափակվելը ճիշտ չէ։ [Արցախի ԱԳ նախարարի պաշտոնակատար Դավիթ Բաբայան] |armenpress.am|
Ադրբեջանցիները օգտակար հանածոների, իրենց պնդմամբ, ապօրինի շահագործման վերաբերյալ քննարկում են ունեցել ռուս խաղաղապահների հետ |azatutyun.am|
21:38 - 03 դեկտեմբերի, 2022Ղրղզստանի և Տաջիկստանի սահմանին տեղի բնակիչների միջև բախում է տեղի ունեցել |news.am|
21:23 - 03 դեկտեմբերի, 2022Երթից բերման ենթարկված քաղաքացիների թիվը մոտ 2 տասնյակ է․ ԱԺԲ
21:16 - 03 դեկտեմբերի, 2022ԱԱ-2022․ հայտնի է քառորդ երզափակչի ուղեգիր ունեցող առաջին թիմը |armsport.am|
21:00 - 03 դեկտեմբերի, 2022Արցախի բնապահպանության կոմիտեն պատշաճ կերպով վերահսկում է ընդերքօգտագործող ընկերությունների գործունեությունը․ Արցախից արձագանքում են Ադրբեջանին
20:10 - 03 դեկտեմբերի, 2022Արցախի ՊՆ-ն հերքում է ադրբեջանական կողմի հաղորդագրությունը
19:52 - 03 դեկտեմբերի, 2022Երկուշաբթի օրը ժամը 15․00-ից փակ են լինելու Հանրապետության հրապարակ մուտք գործող փողոցները
19:42 - 03 դեկտեմբերի, 2022Վրաստանում անցկացվում է վրաց-ադրբեջանական առաջին իրավական ֆորումը |aliq.ge|
19:05 - 03 դեկտեմբերի, 2022ՔԿ-ից հայտնում են՝ 76-ամյա տղամարդը ձերբակալվել է՝ որդու և հարսի նկատմամբ սպանության փորձ կատարելու կասկածանքով
19:01 - 03 դեկտեմբերի, 2022ԱԺԲ-ից հայտնում են, որ ոստիկանությունը երթի մասնակիցների է բերման ենթարկել
18:25 - 03 դեկտեմբերի, 2022Ադրբեջանցիները օգտակար հանածոների, իրենց պնդմամբ, ապօրինի շահագործման վերաբերյալ քննարկում են ունեցել ռուս խաղաղապահների հետ |azatutyun.am|
21:38 - 03 դեկտեմբերի, 2022Ղրղզստանի և Տաջիկստանի սահմանին տեղի բնակիչների միջև բախում է տեղի ունեցել |news.am|
21:23 - 03 դեկտեմբերի, 2022Երթից բերման ենթարկված քաղաքացիների թիվը մոտ 2 տասնյակ է․ ԱԺԲ
21:16 - 03 դեկտեմբերի, 2022ԱԱ-2022․ հայտնի է քառորդ երզափակչի ուղեգիր ունեցող առաջին թիմը |armsport.am|
21:00 - 03 դեկտեմբերի, 2022Արցախի բնապահպանության կոմիտեն պատշաճ կերպով վերահսկում է ընդերքօգտագործող ընկերությունների գործունեությունը․ Արցախից արձագանքում են Ադրբեջանին
20:10 - 03 դեկտեմբերի, 2022Արցախի ՊՆ-ն հերքում է ադրբեջանական կողմի հաղորդագրությունը
19:52 - 03 դեկտեմբերի, 2022Երկուշաբթի օրը ժամը 15․00-ից փակ են լինելու Հանրապետության հրապարակ մուտք գործող փողոցները
19:42 - 03 դեկտեմբերի, 2022Վրաստանում անցկացվում է վրաց-ադրբեջանական առաջին իրավական ֆորումը |aliq.ge|
19:05 - 03 դեկտեմբերի, 2022ՔԿ-ից հայտնում են՝ 76-ամյա տղամարդը ձերբակալվել է՝ որդու և հարսի նկատմամբ սպանության փորձ կատարելու կասկածանքով
19:01 - 03 դեկտեմբերի, 2022ԱԺԲ-ից հայտնում են, որ ոստիկանությունը երթի մասնակիցների է բերման ենթարկել
18:25 - 03 դեկտեմբերի, 2022