ԵԱՀԿ մասնակից պետությունների ինքնիշխանության, տարածքային ամբողջականության և միջազգայնորեն ճանաչված սահմանների անձեռնմխելիության սկզբունքները շարունակում են ոտնահարվել. դեսպան Հովհաննիսյանի ելույթը

Ավստրիայում ՀՀ դեսպան Անդրանիկ Հովհաննիսյանը մասնակցել և ելույթ է ունեցել Հելսինկի+50 համաժողովում, որը նվիրված էր Հելսինկիի եզրափակիչ ակտի 50-ամյակին: Այս մասին տեղեկացնում է Ավստրիայում ՀՀ դեսպանությունը։

Իր ելույթում դեսպան Հովհաննիսյանը, մասնավորապես, նշել է.

«ԵԱՀԿ մասնակից պետությունների ինքնիշխանության, տարածքային ամբողջականության և միջազգայնորեն ճանաչված սահմանների անձեռնմխելիության սկզբունքները շարունակում են ոտնահարվել:

Ո՛չ ՄԱԿ-ի կանոնադրությունը, ո՛չ էլ Հելսինկիի եզրափակիչ ակտը թույլ չեն տալիս ուժի կամ ուժի սպառնալիքի կիրառմամբ լուծել  հակամարտությունները: Թեև Հայաստանի նկատմամբ այս սկզբունքները ոտնահարվել են, մենք նաև գիտակցում ենք, որ Եզրափակիչ ակտի դրույթները կենսական նշանակություն ունեն խաղաղության, անվտանգության և բարիդրացիական հարաբերությունների հաստատման գործում:

Հայաստանը հավատում է, որ խաղաղության ձգտումը կարող է կրկին միավորել մեզ, ինչպես դա տեղի ունեցավ կես դար առաջ»:

Նվիրաբերել

Աջակցիր անկախ մեդիային

Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև