Հնդկաստանի վարչապետ Նարենդրա Մոդին Ֆրանսիայի նախագահ Էմանուել Մակրոնի հետ հեռախոսազրույցում քննարկել է Ուկրաինայում իրավիճակի կարգավորումն ու երկու երկրի միջև հարաբերությունների զարգացումը:
«Շատ լավ զրույց ունեցա իմ ընկեր, նախագահ Մակրոնի հետ։ Մտքեր փոխանակեցինք Ուկրաինայում և Մերձավոր Արևելքում հակամարտությունների խաղաղ կարգավորման միջոցառումների վերաբերյալ»,- գրել է Հնդկաստանի կառավարության ղեկավարը X-ի իր էջում:
Մոդիի խոսքով՝ զրույցի ընթացքում կողմերը նաև վերահաստատել են հավատարմությունը Հնդկաստանի և Ֆրանսիայի միջև ռազմավարական գործընկերության հետագա ամրապնդմանը:
