Ռումինիայի կառավարությունը հայտարարել է, որ մահացել է նախկին նախագահ Իոն Իլիեսկուն։

«Խորը ցավով կառավարությունը հայտարարում է Ռումինիայի նախկին նախագահ Իոն Իլիեսկուի մահվան մասին», – ասվում է կաբինետի կայքում տեղադրված հայտարարության մեջ։

«Ռումինիայի պետության նախկին նախագահը մահացել է այսօր՝ 2025 թվականի օգոստոսի 5-ին պրոֆեսոր Ագրիպպա Իոնեսկուի անվան կլինիկական շտապ օգնության հիվանդանոցում»։

Իլիեսկուն ռումինացի ականավոր քաղաքական և պետական գործիչ է։ Նա իր կարիերան սկսել է 1950-ական թվականներին, սակայն 1971 թվականին Չաուշեսկուի կողմից հեռացվել է երկրի բարձրագույն ղեկավարությունից։ 1989 թվականի դեկտեմբերին նա դարձել է Ռումինիայում ծավալված բողոքի շարժման առաջնորդը, որը հանգեցրել է Չաուշեսկուի բռնապետական ռեժիմի տապալմանը։