Պակիստանի հյուսիս-արևմուտքում ուղղաթիռ է կործանվել, որի հետևանքով զոհվել է հինգ մարդ։ Այս մասին հայտնել է Reuters-ը։
Ըստ տեղեկությունների՝ անձնակազմի բոլոր անդամները, այդ թվում՝ երկու օդաչուները, զոհվել են։
Մի-17 ուղղաթիռը մարդասիրական օգնություն էր տեղափոխում ուժեղ անձրևներից տուժած շրջաններին։ Այն կործանվել է վատ եղանակային պայմանների պատճառով:
Խայբեր-Պախտունխվա նահանգի նահանգապետը հայտարարել է, որ տարածաշրջանում սգո օր է հայտարարվել, և ազգային դրոշները կիջեցվեն։ Վթարի վայր են ուղարկվել փրկարարական խմբեր, իսկ զոհերը կհուղարկավորվեն զինվորական պատիվներով։
Պակիստանում այժմ ուժեղ անձրևներ են։ Շատ շրջաններում ավերվել են տներ և տրանսպորտային ենթակառուցվածքներ, վնասվել են բազային կայաններ, ինչը բջջային կապի խափանումների պատճառ է դարձել։
Khyber Pakhtunkhwa government helicopter crashed near Changi Bandi during a rescue mission, killing three people, senior provincial officials confirmed.#Floods #KPK #PakistanFloods pic.twitter.com/3tqOOPJxqo
— Kashan Bhatti (@MkashanBhatti_) August 15, 2025
