armtimes.com: Այսօր՝ Երևանի քաղաքապետարանի հերթական գործակարգավարական խորհրդակցության ժամանակ, «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը հայտնեց, որ արդեն ավարտվել են Երևանյան լճի հարակից տարածքի մաքրման աշխատանքները:
«Սանիտարական էտի և չորացած ծառերի հատման աշխատանքներն ավարտվել են։ Շուրջ 40 բեռնատար նյութ է դուրս բերվել այդտեղից։ Կատարվել է քարտեզագրում, այս պահին այդ տարածքները ճարտարապետների նախագծման փուլում են»,- նշեց նա:
Ըստ «Կանաչապատում և շրջակա միջավայրի պահպանություն» ՀՈԱԿ-ի տնօրենի՝ հիմնականում նախատեսվում է սոճուտների, թեթև անտառային զանգվածի և քարապարտեզների հիմնում։
Փոխքաղաքապետ Տիգրան Ավինյանի հարցին, թե ե՞րբ պատրաստ կլինի նախագիծը, Արմեն Բեգոյանը արձագանքեց՝ երկու շաբաթից:
