ՀՀ աշխատանքի ու սոցիալական հարցերի նախարար Արսեն Թորոսյանը հանդիպել է Թուրքիայի ընտանիքի և սոցիալական ծառայությունների նախարար Մահինուր Օզդեմիրի հետ։ Հանդիպումը տեղի է ունեցել Բելգրադում համաժողովի շրջանակներում։
«Բելգրադում RISE2025 համաժողովի շրջանակներում հանդիպեցի Թուրքիայի ընտանիքի և սոցիալական ծառայությունների նախարար Մահինուր Օզդեմիրի հետ՝ քննարկելու սոցիալական պաշտպանության ոլորտում հնարավոր համագործակցությունը։ Մենք ընդգծեցինք, որ մարդասիրական ոլորտներում համագործակցությունը կնպաստի Հայաստան-Թուրքիա հարաբերությունների կարգավորման գործընթացին։ Պայմանավորվել ենք շարունակել շփումները»,-գրել է Թորոսյանը X-ի իր միկրոբլոգում։
