Հոկտեմբերի 7-ին Գեղարքունիքի մարզպետ Կարեն Սարգսյանը հյուրընկալել է Հայաստանում Նիդերլանդների արտակարգ և լիազոր դեսպան Մարիկե Հարիետ Մոնրոյ-Վինթերիին։ Այդ մասին հայտնում են Գեղարքունիքի մարզպետարանից:

Մարզպետը ողջունել է դեսպանին՝ ընդգծելով Գեղարքունիքի հանդեպ ցուցաբերած հետաքրքրությունը, և ներկայացրել է մարզում ընթացող ծրագրերը, որոնք ապահովում են համաչափ զարգացում՝ անկախ որոշ բնակավայրերի սահմանամերձ լինելու հանգամանքից։

Մարզպետ Կարեն Սարգսյանը ներկայացրել է մարզում իրականացվող աշխատանքները, որոնք ընդգրկում են մի շարք կարևոր ուղղություններ՝

• դպրոցաշինություն.

• առողջապահության ոլորտի զարգացում.

• ենթակառուցվածքների բարելավում.

• ճանապարհաշինություն.

• ոռոգման և խմելու ջրի համակարգերի կառուցում և արդիականացում։

Մարզպետը ներկայացրել է նաև Գեղարքունիքի զարգացման ներուժը, մասնավորապես՝

գյուղատնտեսության.

ջերմոցաշինության.

վերականգնվող էներգիայի.

տուրիզմի ոլորտներում։

Դեսպան Մոնրոյ-Վինթերը բարձր է գնահատել մարզի հնարավորությունները և պատրաստակամություն է հայտնել աջակցել գործարար կապերի ստեղծմանն ու ամրապնդմանը, այդ թվում՝ փորձի փոխանակման, տեղայնացման և արտադրանքի արտահանման ուղղություններով։

Կողմերը արձանագրել են համագործակցության զարգացման պատրաստակամություն։