Նիկոլ Փաշինյանը իր ֆեյսբուքյան էջում տեսանյութ է հրապարակել՝ ներկայացնելով «Երրորդ հանրապետության և չորրորդ հանրապետության միջև եղած տարբերությունները»: Նա նշելէ, որ այդ հարցը շատ են ուղղում իրեն:
«Երրորդ Հանրապետությունը հիմնվել է կոնֆլիկտի տրամաբանության վրա, չորրորդը հանրապետությունը հիմնվում է խաղաղության տրամաբանության վրա.
Երրորդ Հանրապետությունում Սահմանադրության, ժողովրդի ազատ կամարտահայտմամբ և քվեարկությամբ ընդունված լինելը խիստ կասկածելի է, չորրորդը հանրապետությունում նման կասկած ընդհանրապես պետք է չլինի.
Երրորդ Հանրապետությունում իշխանության պատկանելը ժողովրդին հարաբերական է և ֆորմալ, չորրորդը հանրապետությունում պետք է լինի հստակ և անառարկելի.
Երրորդ Հանրապետությունը հայրենիքի մասին երազելու, հայրենիք փնտրելու, երազանքի հայրենիք փնտրելու մասին է, չորրորդը հանրապետությունը այն մասին է, որ Հայաստանի Հանրապետությունը մեր երազանքների հայրենիքն է, և հայրենիք փնտրելու կարիք չկա»,- հայտարարել է Փաշինյանը:
Հիշեցնենք, որ «Քաղաքացիական պայմանագիր» կուսակցության համաժողովի ժամանակ ՀՀ վարչապետ, կուսակցության ղեկավար Նիկոլ Փաշինյանը հայտարարել է, որ կուսակցությունը հռչակում է Հայաստանի չորրորդ հանրապետության հաստատումը՝ որպես առաջիկա ռազմավարական անելիք:
