shantnews.am Եվրոպական մի շարք երկրների դիվանագիտական առաքելությունների ղեկավարներ կանչվել են Իրանի արտաքին գործերի նախարարություն՝ կապված Թեհրանի միջուկային և հրթիռային ծրագրերի նկատմամբ «ԵՄ միջամտողական դիրքորոշման հետ», չորեքշաբթի օրը հայտարարել է Իրանի արտաքին գործերի փոխնախարար Մաջիդ Թախտ-Ռավանչին։
Նրա խոսքով, ինչպես մեջբերում է IRNA լրատվական գործակալությունը, «այս քայլը պայմանավորված է ԵՄ-ի անհիմն և միջամտողական հայտարարություններով, որոնք առկա են Պարսից ծոցի համագործակցության խորհրդի (ՊՀԽ) և ԵՄ-ի արտաքին գործերի նախարարների համատեղ հայտարարության մեջ»։
Իրանցի դիվանագետը Իրանի հրթիռային ծրագրի վերաբերյալ մեկնաբանությունները որակել է որպես «երկրի ներքին գործերին ակնհայտ միջամտություն» և մերժել է դրա վերաբերյալ «կեղծ և չափազանցված» պնդումները։
