Սերբիան պետք է միանա Ռուսաստանի դեմ եվրոպական պատժամիջոցներին՝ ԵՄ անդամակցության գործընթացում առաջընթացի հասնելու համար, հայտարարել է Եվրահանձնաժողովի նախագահ Ուրսուլա ֆոն դեր Լայենը։
«ԵՄ-ի ճանապարհը կարող է երկար լինել և պահանջել ջանքեր, այդ թվում՝ բարեփոխումներ։ Սակայն այս ճանապարհի երկրորդ կետն այն է, որ մենք պետք է հասնենք ավելի մեծ համաձայնեցվածության մեր արտաքին քաղաքականության մեջ, այդ թվում՝ Ռուսաստանի դեմ պատժամիջոցների հարցում»,- ասել է նա Բելգրադում Սերբիայի նախագահ Ալեքսանդր Վուչիչի հետ մամուլի ասուլիսում։
Նա շնորհակալություն է հայտնել Բելգրադին ԵՄ արտաքին քաղաքականությանը արդեն 61 տոկոսով համապատասխանելու համար, բայց ընդգծել, որ ավելին է անհրաժեշտ։
