1lurer.am Եվրահանձնաժողովը կաջակցի Բուդապեշտում կայանալիք Ռուսաստան-ԱՄՆ նոր գագաթնաժողովին, եթե այն հանգեցնի Ուկրաինայում հակամարտության դադարեցմանը։ Այս մասին հայտարարել է Եվրոպական հանձնաժողովի ներկայացուցիչ Օլոֆ Ջիլը Բրյուսելում կայացած ճեպազրույցի ժամանակ։ Նա միաժամանակ նշել է, որ դա չի խանգարի Եվրահանձնաժողովին Ռուսաստանի դեմ նոր պատժամիջոցներ ընդունել։
Եվրահանձնաժողովի ներկայացուցիչը նաև հայտարարել է, որ Ռուսաստանի նախագահի ինքնաթիռի՝ Հունգարիա տանող ճանապարհին ԵՄ անդամ պետությունների օդային տարածքով թռիչքի թույլտվությունը պետք է տրամադրեն այդ պետությունների կառավարությունները, քանի որ Հունգարիան և Ռուսաստանը ընդհանուր սահման չունեն։
Եվրահանձնաժողովի խոսնակ Անիտա Հիպպերն էլ նշել է, որ եվրոպական պատժամիջոցները չեն ներառում Ռուսաստանի նախագահի և արտաքին գործերի նախարարի՝ Եվրամիություն այցելելու արգելք, ուստի Ռուսաստանի նախագահի Հունգարիա այցի համար որևէ խոչընդոտ չկա։
