«Եկեղեցու դեմ կարող է արշավ ձեռնարկել մարդ, որն ունի հոգեկան խնդիրներ կամ ամբողջությամբ լցված է չարությամբ, կամ էլ կատարում է թշնամու հանձնարարությունները»: Այս մասին այսօր՝ հոկտեմբերի 22-ին, դատարանի բակում լրագրողների հետ զրույցում ասաց ՀՀ 3-րդ նախագահ Սերժ Սարգսյանը։
«Այս ռեժիմի ներկայացուցիչները չունեն ո՛չ սրբություն, ո՛չ բարոյականություն, ո՛չ էլ արժանապատվություն։ Ինչ վերաբերում է Վեհափառ Հայրապետին, ապա վստահ եմ, որ նա հաստատակամ է ու ցանկացած պարագայում կատարելու է իր ազգային և եկեղեցական ծառայությունները։ Հայտնի է, որ եկեղեցու դեմ հալածանքները միայն եկեղեցուն են ուժ տալիս»,- ասաց Սարգսյանը։
Սերժ Սարգսյանը նշել է, որ ցանկացած պարագայում կանգնած է Հայ Առաքելական եկեղեցու և Վեհափառի կողքին։
«Հենց Վեհափառ հայրապետը կես բառ ասի, ցանկացած եկեղեցում, ՀՀ ցանկացած կետում մենք պատրաստ ենք այնտեղ կանգնել»,– հավելեց նա։
