ՀՀ կառավարությունը հավանություն տվեց ԱԺ «Քաղաքացիական պայմանագիր» խմբակցության պատագամավորների օրենսդրական նախաձեռնությանը, որով առաջարկվում է հունվարի 27-ը սահմանել որպես «Հիշատակի և խոնարհումի օր»:
Հիշեցնենք, որ համապատասխան նախագիծը շրջանառության մեջ են դրել ՀՀ ԱԺ պատգամավորներ Ռուբեն Ռուբինյանն ու Գեղամ Նազարյանը:
«Մեզ պետք է ունենալ հատուկ օր, երբ կհարգենք բոլոր ժամանակների ռազմական գործողությունների ընթացքում զոհվածների հիշատակը և կխոնարհվենք հայրենիքի համար բոլոր ընկածների առաջ: Ըստ նախագծի՝ այդ օրը կլինի հունվարի 27-ը, իսկ հունվարի 28-ին արդեն, ինչպես միշտ, կնշենք և կտոնենք Բանակի օրը՝ որպես շարունակվող կյանքի ու կամքի խորհրդանիշ»,- գրել էր Ռուբինյանը:
Առաջարկվում է նաև, որ օրը լինի ոչ աշխատանքային:
