Վարչապետ Նիկոլ Փաշինյանը կարգալույծ քահանայի ձեռքից հաղորդություն ընդունեց, ինչպես հայտարարել էր նախօրոք․ «Կիրակի օրը Հովհաննավանքում մասնակցելու եմ Տեր Արամ քահանա Ասատրյանի մատուցած Սուրբ եւ Անմահ Պատարագին», – ասել էր Փաշինյանը։
Վարչապետը պատարագից հետո Հովհաննավանքի տարածքից հեռացավ եկեղեցու զանգերի, ծափերի և «Նիկոլ» բացականչությունների ներքո։
Նշենք, որ այսօր Հովհաննավանքում Ստեփան Ասատրյանը (մինչեւ կարգալույծ հռչակվելը՝ Տեր Արամ) պատարագ է մատուցել։ Պատարագին մասնակցել են վարչապետ Նիկոլ Փաշինյանը և մի շարք բարձրաստիճան պաշտոնյաներ։
Ստեփան Ասատրյանը մերժում է իր կարգալուծվելու որոշումը՝ այդ հարցում ունենալով վարչապետի աջակցությունը։
