armtimes.com: ՀՀ առողջապահության նախկին փոխնախարար, Երևանի՝ լիազորությունները ժամանակավորապես կասեցված փոխքաղաքապետ Գևորգ Սիմոնյանին կալանավորելու որոշման դեմ բողոքը երեկ քննվել է Վերաքննիչ քրեական դատարանում։
Դատարանը բավարարել է մեղադրվող կողմի միջնորդությունը և գրավոր քննության ընթացակարգը փոխել բանավորի, ինչը նշանակում է, որ Գևորգ Սիմոնյանը ներկա է գտնվելու նիստին և հայտարարություններ է անելու: Գործով որոշում դեռևս չկա:
Ավելի վաղ տեղեկացրել էինք, որ կալանավորվել է Երևանի քաղաքապետի տեղակալ Գևորգ Սիմոնյանը:
Ըստ Հակակոռուպցիոն կոմիտեում քննվող վարույթի՝ նա, 2020-2022թթ. ընթացքում զբաղեցնելով ՀՀ առողջապահության նախարարի տեղակալի պաշտոնը, անձնական շահագրգռվածությունից ելնելով չի կատարել իր ծառայողական պարտականությունները, որի հետևանքով էական վնաս է պատճառվել պետության օրինական շահերին:
