aravot.am  «ՀՀ-ի և Ադրբեջանի միջև խաղաղությունը նոր ժամանակաշրջան բացեց երկխոսության համար»,- «Եվրանեսթ» խորհրդարանական վեհաժողովի (Եվրանեսթ ԽՎ) 12-րդ նստաշրջանի լիագումար նիստի ժամանակ հայտարարեց ՀՀ ԱԺ ՔՊ խմբակցության պատգամավոր Մարիա Կարապետյանը։

Ըստ ՔՊ-ական պատգամավորի՝ խաղաղության պայմանագրի նախաստորագրումը նոր էջ բացեց համատեղ տեսլականի համար Հարավային Կովկասում․ «Օգոստոսի 8-ը ցույց տվեց, որ շարունակականությունը և հետևողականությունը, դիվանագիտությունը կարող են գերակայել հակամարտություններին։ Խաղաղությունը կարգուկանոն, հոգատարություն է պահանջում, նաև կամք։ Մենք այսօր ՀՀ-ում փորձում ենք սովորել ինչպես ապրել խաղաղության մեջ»։

Մարիա Կարապետյանը նաև հայտարարեց․ «ՀՀ-ն վերահաստատում է իր պատրաստակամությունը բացելու իր տարածքը, որ մեր բոլոր հարևանները կապվեն մեկը մյուսի հետ։ Հարավային Կովկասը խաղաղության խաչմերուկ ենք դարձնելու»։