factor.am Վրաստանի նախկին նախագահ Միխեիլ Սաակաշվիլին անդրադարձել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի՝ վերջերս կայացած հանդիպմանը։
«Շատ կարևոր հանդիպում նախագահ Ալիևի և վարչապետ Փաշինյանի միջև։ Հարավային Կովկասը երբեք խաղաղությունը չի վերականգնի, քանի դեռ ռուսական շոշափուկներն այստեղ են։ Ռուսաստանի վերջին հենասյունը Իվանիշվիլիի պաթոլոգիկ բռնապետությունն է։ Վրաց ժողովուրդը, պայքարելով իր ազատության համար, պայքարում է նաև տարածաշրջանում խաղաղության համար»,- գրել է Սաակաշվիլին ֆեյսբուքյան իր էջում։
Նշենք, որ Փաշինյանն ու Ալիևը վերջին անգամ հանդիպել են Եգիպտոսում հոկտեմբերի 13-ին՝ Գազային նվիրված խաղաղության գագաթնաժողովի շրջանակում։
