civilnet.am Այսօր՝ նոյեմբերի 5-ին, Մոսկվայում հանդիպել են Հայաստանի և Ռուսաստանի Ախ քարտուղարներ Արմեն Գրիգորյանն ու Սերգեյ Շոյգուն։ Այս մասին հայտնում է ՏԱՍՍ-ը։
Լրատվամիջոցի հաղորդմամբ՝ Գրիգորյանը Շոյգուին վստահեցրել է, որ «պատրաստ է մանրամասներ հայտնել» տարածաշրջանում տիրող իրավիճակի մասին։
Շոյգուն իր խոսքում նշել է, որ Կովկասում տիրող իրավիճակը մշտական ուշադրություն է պահանջում։
«Վերջին իրադարձությունների, տարածաշրջանում՝ Կովկասում ընդհանուր առմամբ, տեղի ունեցած տարբեր զարգացումների վերաբերյալ ամեն ինչ պահանջում է մեր մշտական ուշադրությունը և խորհրդակցությունները», – ասել է Շոյգուն։
Այսօր Մոսկվայում տեղի է ունենում ԱՊՀ Անվտանգության խորհրդի քարտուղարների հանդիպում։ Հանդիպման շրջանակներում Շոյգուն մի քանի առանձին երկկողմ հանդիպումներ կանցկացնի, այդ թվում նաև իր Ադրբեջանի գործընկերոջ հետ։
