1lurer.am Կառուցապատման իրավունքը նախատեսվում է ժամկետով: Հաջորդ խնդիրը ժամկետի հարցն է, և հիմա քննարկվում է երկու սցենար՝ 99 տարվա սցենար և 49 տարվա սցենար: Այդ մասին տարածաշրջանային համագործակցության թեմայով համաժողովի ժամանակ ասաց վարչապետ Նիկոլ Փաշինյանը՝ պարզաբանելով, թե ինչի հետ է կապված ժամկետների TRIPP նախագծի կարգաբերումը:
«Այդտեղ ներդրումներ են արվելու, և ներդրողը պետք է ունենա որոշակի երաշխիք, որ իր ներդրումները հետ է ստանալու շահույթի որոշակի մարժայով: Եթե մենք ասենք, օրինակ՝ 5 տարով ենք տալիս, ոչ ոք ներդրում չի անի, որովհետև անիրատեսական է 5 տարում այդքան ներդրած գումարը հետ ստանալ: Սա շատ կարևոր նրբություն է»,- ասաց նա՝ նշելով, որ հիմա այդ քննարկումներն են ընթանում, և որ այդ քննարկումներին իշխող ուժի վերաբերմունքը ֆինանսատնտեսական է:
«Այստեղ մենք քաղաքական կոմպոնենտ չենք տեսնում մի պարզ պատճառով, չկա այդտեղ քաղաքական կոմպոնենտ: Այդտեղ կա ֆինանսական կոմպոնենտ, թե ով ինչքան է ներդնելու, և որն է հաշվարկը, թե ինչքան ժամանակում այդ ներդրումները կարող են հետ ստացվել որոշակի շահույթով»,- ասաց նա:
