Թբիլիսի պաշտոնական այցի շրջանակներում ՀՀ ԱԳ նախարար Արարատ Միրզոյանը ծաղկեպսակ է զետեղել Հերոսների հուշահամալիրի մոտ։ Այդ մասին հայտնում են ՀՀ ԱԳՆ-ից:

Պաշտոնական արարողության ժամանակ հնչել են Հայաստանի և Վրաստանի պետական օրհներգերը:

Հիշեցնենք, որ ՀՀ ԱԳ նախարար Արարատ Միրզոյանը պաշտոնական այցով գտնվում է Վրաստանում:

ՀՀ ԱԳ նախարարը Վրաստանում հանդիպել է երկրի ԱԳ նախարարի հետ, այնուհետև հանդիպման արդյունքներով մամուլի համար հայտարարությամբ է հանդես եկել։