Հակակոռուպցիոն դատարանը քննում է Սամվել Կարապետյանի կալանքի ժամկետը երկարացնելու հարցը, դատարանի բակում հավաքվել են Կարապետյանի աջակիցները։
Կարապետյանի պաշտպաններից Արմեն Ֆերոյանը նշեց՝ քրեական գործը Սամվել Կարապետյանին ընդհանրապես չի վերաբերում․ «Շինծու, ապօրինի, անհիմն գործ է։ Գործը բաղկացած է 18 հատորից, բայց որ էջը, ասում ենք՝ բացեք, ցույց տվեք՝ ինչ կապ ունի դա Սամվել Կարապետյանի հետ, որևէ ձրով չեն կարողանում հիմնավորել, լրիվ երրորդական, չորրորդական հիւմնավորումներ են ներկայացնում»։
Նրա խոսքով՝ եթե դատարանների վրա ճնշում չլինի, ապա այս գործը շատ արագ կկարճվի, քանի որ որևէ ապացույց, հիմնավորում առկա չէ։
Նշենք, որ Սամվել Կարապետյանին առաջադրված մեղադրանքը վերաբերում է իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացմանը։ Կարապետյանին մեղադրանք է առաջադրվել նաև իշխանությունը զավթելու հրապարակային կոչերի համար։
