Ձերբակալվել է Վանաձորի համայնքապետարանի աշխատակազմի եկամուտների հավաքագրման և գույքի կառավարման բաժնի պետը։ Տեղեկատվությունը հաստատեց Հակակոռուպցիոն կոմիտեի մամուլի քարտուղար Մարինա Օհանջանյանը։
Վանաձորի համայնքապետարանի պաշտոնական կայքում հրապարակված տեղեկատվության համաձայն՝ եկամուտների հավաքագրման և գույքի կառավարման բաժնի պետի պաշտոնը զբաղեցնում է Արմեն Այվազյանը։
Հակակոռուպցիոն կոմիտեից հայտնում են, որ բաժնի պետը ձերբակալվել է Քրեական օրենսգրքի 435-րդ հոդվածով նախատեսված՝ կաշառք ստանալու մեղադրանքով։
«Հետք»-ի տեղեկություններով բերման են ենթարկել նաև Վանաձորի համայնքապետարանի այլ աշխատակիցներ։
