Չեխիայի հարավում երկու ուղևորատար գնացքի բախման հետևանքով շուրջ 40 մարդ թեթև, իսկ հինգը ծանր վնասվածքներ են ստացել: Այս մասին հայտնում է Reuters գործակալությունը։
Բոլոր ուղևորները գնացքներից տարհանվել են։
Գնացքների բախումը տեղի է ունեցել Հարավային Չեխիայի Չեսկե Բուդեյովիցե խոշորագույն քաղաքի շրջանում։ Տրանսպորտի նախարար Մարտին Կուպկան հայտնել է, որ թեպետ հետաքննությունը դեռ ընթանում է, բայց ամենայն հավանականությամբ բախումը տեղի է ունեցել, քանի որ գնացքներից մեկը չի տեսել կանգնելու ազդանշանը։
