Ուկրաինացի պատգամավոր Ալեքսեյ Գոնչարենկոն հրապարակել է ԱՄՆ նախագահ Դոնալդ Թրամփի՝ Ուկրաինայի խաղաղության ծրագիրը: Փաստաթուղթը պարունակում է հետևյալ հիմնական դրույթները.
Անվտանգություն և Ուկրաինայի քաղաքական կարգավիճակ
- Ուկրաինայի ինքնիշխանության հաստատում
- Ուկրաինան ԱՄՆ-ից ստանում է անվտանգության երաշխիքներ, սակայն դրա համար կան պայմաններ
- Ուկրաինան Սահմանադրությամբ ամրագրում է, որ չի միանալու ՆԱՏՕ-ին և մերժելու է այն, իսկ ՆԱՏՕ-ն ամրագրում է, որ երբևէ Ուկրաինան չի միանալու դաշինքին
- Ուկրաինայի ԶՈՒ զինծառայողների թիվը պետք է լինի մինչև 600 հազար
- Ուկրաինան շարունակում է մնալ ոչ միջուկային երկիր
Տարածքային հարցեր
- Ղրիմը, Դոնեցկը և Լուգանսկը ճանաչվում են դե ֆակտո ռուսական
- Խերսոնում և Զապորոժյեում իրավիճակը սառեցվում է առկա շփման գծի պայմաններում
- Մյուս տարածքները դառնում են ապառազմականացված բուֆերային գոտի՝ ՌԴ դե ֆակտո վերահսկողությամբ
- Կողմերը պարտավորվում են չփոփոխել շփման գիծը ուժի գործադրմամբ:
Ռազմական պայմանավորվածություններ
- ՆԱՏՕ-ն ուժեր չի տեղակայում Ուկրաինայում
- ՆԱՏՕ-ի կործանիչները տեղակայվում են Լեհաստանում
- Անվտանգության շուրջ ԱՄՆ-ՆԱՏՕ-ՌԴ երկխոսության մեկնարկ, ամերիկա-ռուսական աշխատանքային խմբի ստեղծում
- Ռուսաստանը իրավական առումով հաստատում է Ուկրաինայի և Եվրոպայի նկատմամբ չհարձակման քաղաքականություն
Տնտեսական բլոկ և Ուկրաինայի վերականգնում
- ԱՄՆ-ն և Եվրոպան խոշոր ներդրումային փաթեթ են նախաձեռնում Ուկրաինայի վերականգնման համար
- Ռուսական սառեցված արխիվներից 100 միլիարդ դոլարը ուղղվում է Ուկրաինայի վերականգնմանը, ԱՄՆ-ն ստանում է շահույթի 50%-ը
- Եվրոպան ավելացնում է ևս 100 միլիարդ
- Ռուսական սառեցված արխիվների մյուս մասն ուղղվում է ամերիկա-ռուսական համատեղ նախագծերին
- Ուկրաինայի զարգացման ֆոնդի ստեղծում, ներդրումներ ենթակառուցվածքներում, ռեսուրսներում, տեխնոլոգիական ոլորտում
Ռուսաստանը՝ համաշխարհային համակարգի մաս
- Պատժամիջոցների աստիճանական վերացում
- Ռուսաստանի վերադարձ G8
- ԱՄՆ և ՌԴ միջև տնտեսական երկարաժամկետ համագործակցություն
Հումանիտար հարցեր
- «Բոլորը՝ բոլորի դիմաց» փոխանակում, քաղաքացիական անձանց և երեխաների վերադարձ
- Հումանիտար ծրագրեր, ընտանիքների միավորում
- Հանդուրժողականության վերաբերյալ կրթական ծրագրեր
Էներգետիկա և հատուկ օբյեկտներ
- Զապորոժյեի ատոմակայանի գործարկում՝ ԱԷՄԳ-ի հսկողությամբ, էլեկտրաէներգիան՝ 50/50 Ուկրաինայի և ՌԴ-ի միջև
- ԱՄՆ-ն օգնում է վերականգնել ուկրաինական գազի ենթակառուցվածքները
Ներքին քաղաքական գործընթացներ Ուկրաինայում
- Համաձայնագրի կնքումից 100 օր անց ընտրությունների կազմակերպում
- Ամբողջական համաներում պատերազմի բոլոր մասնակիցների համար
Գործարկում և ղեկավարում
- Գործարքը իրավաբանորեն պարտադիր է
- Ղեկավարումն իրականացնում է «Խաղաղության խորհուրդը»՝ ԱՄՆ նախագահ Դոնալդ Թրամփի նախագահությամբ
- Պայմանավորվածության խախտման դեպքում տվյալ կողմի նկատմամբ պատժամիջոցների սահմանում
- Կնքումից հետո կրակի անհապաղ դադարեցում և տեղակայում համաձայնեցված սահմաններում
Հիշեցնենք, որ Կիևում ԱՄՆ բանակի նախարար Դանիել Դրիսկոլի հետ հանդիպումից հետո Ուկրաինայի նախագահ Վլադիմիր Զելենսկիի գրասենյակը հայտարարել է, որ ստացել է պատերազմը դադարեցնելու ԱՄՆ ծրագրի նախագիծը և պատրաստ է համագործակցել Վաշինգտոնի հետ դրա շուրջ:
«Ուկրաինային խաղաղություն է պետք… Արժանապատիվ խաղաղություն, որպեսզի մեր անկախության, մեր ինքնիշխանության և ուկրաինացի ժողովրդի արժանապատվության նկատմամբ հարգանքի հիման վրա լինեն պայմանները»,- ասել է Զելենսկին:
ԱՄՆ պետքարտուղար Մարկո Ռուբիոն էլ հայտնել է, թե Ուկրաինան և Ռուսաստանը պետք է համաձայնեն «դժվար, բայց անհրաժեշտ» զիջումների՝ խաղաղության հասնելու համար:
ԵՄ արտաքին գործերի և անվտանգության քաղաքականության գերագույն հանձնակատար Կայա Կալլասն էլ նշել է, որ աջակցում են Ուկրաինայում կայուն խաղաղության հաստատմանը, սակայն, որպեսզի խաղաղության որևէ ծրագիր արդյունավետ լինի, Ուկրաինան և Եվրոպան պետք է լինեն դրա անբաժանելի մասը:
