pastinfo.am։ Այսօր Ադրբեջանի արտաքին գործերի նախարար Ջեյհուն Բայրամովն ընդունել է այցով Ադրբեջանում գտնվող Իրանի արտաքին գործերի փոխնախարար Վահիդ Ջալալզադեին։

Ինչպես տեղեկացնում է Ադրբեջանի ԱԳՆ-ն՝ հանդիպման ժամանակ քննարկվել են երկու երկրների միջև երկկողմ և բազմակողմ համագործակցության, ինչպես նաև տարածաշրջանային հարցեր։

Կողմերը քննարկել են քաղաքական, տնտեսական և առևտրային ոլորտներում, էներգետիկ անվտանգության, տրանսպորտի և կապի ոլորտներում համագործակցության հեռանկարները՝ նշելով, որ Ադրբեջանի և Իրանի կողմից իրականացվող մի շարք նախագծեր նշանակալի դեր են խաղում տարածաշրջանով անցնող տրանսպորտային միջանցքների զարգացման գործում։

Հանդիպման ընթացքում նաև մտքեր են փոխանակվել փոխադարձ հետաքրքրություն ներկայացնող այլ հարցերի շուրջ։