Հայաստանի Հանրապետության արտաքին գործերի նախարարությունը ցավակցություն է հայտնել Ինդոնեզիայում, Թայլանդում և Մալայզիայում տեղի ունեցած ջրհեղեղների և սողանքների հետևանքով մարդկային կորուստների կապակցությամբ։ Այս մասին նշված է ՀՀ ԱԳ նախարարության X-ում տարածված գրառման մեջ։
«Ցավում ենք Թաիլանդում, Ինդոնեզիայում և Մալայզիայում տեղի ունեցած ուժեղ ջրհեղեղների և սողանքների կապակցությամբ, որոնք մարդկային զգալի կորուստների և լայնածավալ ավերածությունների են հանգեցրել: Մեր սրտանց ցավակցություններն ենք հայտնում աղետի զոհերի ընտանիքներին և մաղթում ուժ ու արագ ապաքինում բոլոր տուժածներին»,-ասված է գրառման մեջ:
