Գլխավոր նկարը՝ Reuters-ի
factor.am: Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը Բրյուսելում EU Today-ին տված հարցազրույցում ասել է, որ անցյալ տարվա դեկտեմբերին Ռուսաստանի օդային տարածքում ադրբեջանական AZAL-ի օդանավի խոցումից հետո առաջացել են որոշակի հույզեր և թյուրըմբռնումներ, սակայն պաշտոնական Բաքվի մտահոգությունները քննարկվել են Դուշանբեում ղեկավարության մակարդակով, հաղորդում են ադրբեջանական լրատվամիջոցները։
Հաջիևը նշել է, որ Բաքուն Մոսկվայից պահանջել է չորս բան՝ պաշտոնական ներողություն, լիարժեք հետաքննություն, մեղավորների պատասխանատվություն և փոխհատուցում։
«Երբ այս հարցերը լուծվեն, մենք կփակենք այս թյուրըմբռնման էջը և կշարունակենք երկու երկրների միջև նորմալ, բարիդրացիական հարաբերությունները»,- ասել է նա։
Խոսելով Ուկրաինայի պատերազմի մասին՝ Հաջիևը հայտարարել է, որ Բաքուն «չի ներգրավվի դրանում»։
«Ադրբեջանը բացահայտորեն հայտարարում է, որ չի ներգրավվել և չի ներգրավվի այս հակամարտության որևէ ռազմական բաղադրիչում»,- ասել է նա։
Շարունակությունը՝ սկզբնաղբյուր կայքում։
