azatutyun.am: Հռոմի պապը Լիբանան իր անցի ընթացքում դիմել է երկրի քաղաքական առաջնորդներին՝ կոչ անելով խաղաղությունը դարձնել գլխավոր առաջնահերթություն:
Ելույթ ունենալով նախագահի, վարչապետի և այլ քաղաքական առաջնորդների ներկայությամբ՝ Լևոն 14-րդն ասել է, որ Լիբանանը պետք է շարունակի խաղաղ ջանքերը՝ չնայած տարածաշրջանում «չափազանց բարդ, կոնֆլիկտային և անորոշ» իրավիճակին:
Նա նախազգուշացրել է, որ մարդկության ապագան վտանգված է աշխարհում արյունալի հակամարտությունների անսովոր քանակի պատճառով:
Կաթոլիկ եկեղեցու քահանայապետը կոչ է արել լիբանանցիներին չլքել իրենց երկիրը՝ չնայած տարածաշրջանում տարիներ շարունակվող հակամարտությանը և խորը տնտեսական ճգնաժամին։
Այսօր հանդիպելով Բեյրութի կաթոլիկ, ապա սուննի, շիա և դրուզ համայնքների ներկայացուցիչներին՝ հովվապետը նրանց հորդորել է «ամուր մնալ, որպեսզի ոչ ոք ստիպված չլինի փախչել իր երկրից՝ անիմաստ և դաժան հակամարտությունների պատճառով»:
Մերձավորարևելյան այս շրջագայության ընթացքում կաթոլիկ եկեղեցու առաջնորդը այցելել էր նաև Թուրքիա, աղոթել Ստամբուլի Հայ առաքելական եկեղեցում։
Հռոմի պապը Լիբանան է ժամանել Թուրքիայից:
